Santiago 2:5 - Nuevo Testamento Toba Maskoy

⁵ Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

Santiago 2:5 ပူးပေါင်းရင်းမြစ်များ

Marcos 7:14

Ka apkellaveiangka lhnak Jesús apentalhnema enenlhet, lhna aptemak apkellanemo: —¡Eltaqmelkaso no apkellailhemo kakpota eliangvomho!

Lucas 12:21

Hata ngkotnek ma'a enenlhet apkankesaikamo mota apketsekama qaselha apanko'ok, koka m'a mamma nkek apketsekama napaqtek Eniapom Neten.

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Lucas 16:22

Apketsepmek nak enenlhet metka apketsekama m'a, ángeles nak apkelletsekhak neten ma'a akieto apnakha Abraham annenga kakpota etavekho lhemek ma'a. Netamen apketsepmo lhnak na ngkeskama apketsekama enenlhet, apkatonnammakpek nak ma'a.

Lucas 16:25

Koka lhna aptema Abraham apkatemmoiangka: "Etaven, kolheianvakho no apvalhok ntase lhta apnemo lheiap nalhepop, Lazaro lhtoka mangkolatsekama apnemo m'a. Kolhva koka avanhe akpaihekha apvalhok hengke'e, mangkolhnok lheiap, avanhek aplengaiangko akientalhnema ham.

Lucas 22:29

ka ngkanek atneskesangko ta ketlhengkap apkelveskaie, ka kto nak Tata hetneskeskangke apveske ko'o.

Lucas 6:20

Apkellanei'avek nak Jesús apkeltamesaikamok, lhna aptemak apkellanemo: —Aktaqmelakho nkek ketlhengkap metka Qaselha apanko'ok, ngkanek apanko'ok ma'a aptemakha nak apveske Eniapom Neten.

Juan 7:48

Ellanhono, apkeliaskakmek apkelanma apmanie enganko'ok anak, kakpota nhan apkelanma apmanie fariseos enenlhet anak ma'a.

Hechos 7:2

Ka apkatemmoiangka lhnak Esteban ma'a, lhna aptemak: —Hellailhono eliapma'ak kanhan elialheng'a, Eniapom Neten aknema apmopvana panke apvetaskesammakpo lhnak nanek nelieihengka Abraham akieto Mesopotamia, amanie lhnak apmahai'a elhnemok iokhalhma Harán,

1 Corintios 2:9

Ka aktemo nak na aktalhesammalhka vakkahak Eniapom Neten apaivoma hengke'e: «Qaselha mongvetai'o nak, mollengai'o nhan, qaselha mankoietnaiangkolha lhta engaqtek, ka lhamakho qaselha nak apeneskamo lhta Eniapom Neten kakpota ellangkok ma'a apkelelto nak apkellasekhai'o».

2 Corintios 4:15

Lhamakho nellengaiangko nak akientalhnema nelvetai'a aniem'o nelienlhanmekamok kakpota nkoltaqmelkeskesek apkellangiemhaikama ketlhengkap ham, etlhevangkok hata nhan aktaqmanma nke nak apkellanei'o Eniapom Neten. Ka aplhamengko la enenlhet ma'a, netamen elhamangkok hata nhan aptaikamok gracias Eniapom neten ma'a, nkotlheianvakhok hata nhan apvalho'ok Eniapom Neten apto akietnema akiavai'a apmopvana.

2 Corintios 6:10

Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.

2 Corintios 8:9

Apkeliavek na ketlhengkap aptemakha lhta Cristo, malha aknema apketsekama lhta m'a, koka aptemongvai'ak hengke'e metka apketsekama aniem'o apkellamelaiam ketlhengkap, kakpota eltemeskeskak na ketlhengkap malha nema apkelletsekama la'a.

Efesios 1:18

Askelelmalhneskeskangkek na Eniapom Neten kakpota etnek malha apkelapommatkeskeskama alketansema apvalho'ok kakpota nkovak apkeliangveiakmo ketlhengkap apkellelto nak nema aliekieskama kakpota etlhevangkok altakmanma apkellangiemhaikama m'a, elel·halhnek na metka apkeliaskeiam ma'a. Hai, qaselha altaqmanma nkek, akmennave nkek ma'a apneskamo lhta Eniapom Neten kakpota ellangkok hata apkellelto apkelpokkanma m'a.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

2 Tesalonicenses 1:5

Ka ngkanek Eniapom Neten apkeliekpelkek akietemo nkek ketlhengkap aniem'o apkelvetai'a apkellengaiangko akientalhnema aniem'o nhan aptemakha nak Apveske Eniapom Neten, nietavek na elentelhek ketlhengkap ma'a.

1 Timoteo 6:18

Elelto nhan ellanangkok qaselha altaqmelo m'a, nkeskama nhan qaselha altaqmelo, ellamok hata nhan po'ok qaselha metka apkenmasma.

2 Timoteo 4:18

Hevongkesek hata nhan tep emanie nak neksa akvai'a maniamolhma, heiantemekhak hata nhan ma'a akieto neten aptemakha nak Apveske m'a. ¡Antangko ta mota gloria Apvesai'a m'a metka akvaiam annelha aliekaikamok iantelhkapa! Amen.

2 Timoteo 4:8

Asiavek ko Apveske apto apeivomo hengiekpelkemo, heiangkok hata m'a akianmoma asnaksepma askelhnekha epatek aniem'o astema aspeivomo ngkotnek hata m'a akmo'o ta nkovak aknem aliekpelkammalhkelha nentaiangkolha, ellangkok hata nhan ma'a aplhamakho apkellelto nak melleskama elel·halhnama apvektanlha ta m'a.

Hebreos 11:26

Aklheianmo lhnak nanek na apvalhok ntasek mankopaihekhe mota apvalhok aniem'o nkeskama qaselha m'a Egipto, ennangkok koka akientalhnema aktemo lhta Cristo aplengaiangko m'a, ngkanek apiamavek nak Moises eniangkok hata akianmoma Eniapom Neten ma'a.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

Santiago 1:16

Elialheng'a askellamelaiam, mangkollatsekama alketamekama apvalho'ok ketlhengkap, have aniemai'akha Eniapom Neten ma'a ngkolatsekama nak aklhenaikama engvalhok.

Santiago 1:19

Ketlhengkap elialheng'a askellamelaiam, eltaqmelkaso ta apkellailhemo asmak'akha nak atnek alheianma, ntase mota ketlhengkap ellailhok eniangkok sekhe' eliatak po'ok la'a, have elelientemmakpok apmaniaie' ketlhengkap, metnamok na nav'a apvaheiok apkenmak'o la ello'ok,

Santiago 1:9

Enialheng la metka qaselha apankok ntasek nkotaqmelama apvalhok ma'a ngkanek apto neten apankek napaqtek Eniapom Neten.

1 Pedro 1:4

angetlhevangkok hata qaselhaha aplheianmo lhta Eniapom Neten hengellangkok, apkeltakmelkeskamo m'a qaselha nak akieto neten, mamma aknaktevasemmalhka, mamma alpaiseianlha la nhan, mankomaskengvomek na m'a.

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.

Apocalipsis 3:18

Askangkek ko'o lhema aspaioma lheiap, ¡elheng hengke'e asnakha nak! Ema ta oro nema akiamasma natelh nema alalhnasekha kakpota etnek nkeskama apketsekama lheiap. Ema ta nhan apkelentalhnekha apkenmopei'o apankek kakpota memangkama lheiap aniem'o apkalhnai'o, eltelhnamok hata nhan apaqto'ok ponha kakpota etekhak na lhma lheiap ma'a.