Santiago 2:23 - Nuevo Testamento Toba Maskoy

²³ Ngvai'ak aknem ma'a aklheianmo lhnak nanek vakkahak Eniapom Neten apaivoma, lhnak nane ntemak hengke'e: «Mang nak ei'askeiakmok Abraham aptemakha apaivoma Eniapom Neten, ka apkeltaiangko nhan apeivomo m'a». Apkeleltaiangko lhnak nanek enenlhet'avok Abraham apto aptema po'ok nengaqte Eniapom Neten.

Santiago 2:23 ပူးပေါင်းရင်းမြစ်များ

Marcos 12:10

Kotlheianvakho no apvalho'ok aktemakha aklheianma Eniapom Neten apaivoma, ka ntemak heng: «Metaimong alhta apkelhakhama apkellanekamok pa'at, koka ntakhek neten ankek akiaspommalhka m'a.

Marcos 15:27

Apqanet nak na enenlhet apkenmenielhma mota nnemak aleklhanmo lhemek neten iamet aktenneskama Jesús ma'a, lhema lhnak akiennakha kakpota nhan sanqalvelha.

Lucas 4:21

lhnak aptemak ma'a: —Ngva'ak aknem anak aktakha aklheianma aktalhesammalhka nak —lhna aptemak.

Hechos 1:16

—Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Romanos 11:2

Tep nak nanek apkeliekieskamo Eniapom Neten Israelitas kakpota etnek apkennemolhema, man koka nhan eltaknongkomak kolhvave nak. Kotlheianvakho no apvalho'ok ketlhengkap apkeltennasemmap ania'a Elias apketlheianmo lhnak nanek ko Israelitas apkellaneiangko ngkollatsekama napaqtek Eniapom Neten, lhna aptemak:

Romanos 9:17

Lhnak nanek aptemak apkanemo Eniapom Neten apveske Egipto: «Astemeskaskek ko lheiap apveske kakpota aienientak akientalhnema takhaplhet lheiap, kakpota nkotkama ania'a akietnema asmopvana lhmankek ham», lhnak nane aptemak.

Galatas 3:22

Aklheianma Eniapom Neten apaivoma nenlhamakho nengelelto hengenmaikamok ngkollatsekama, vanlha koka envanka'ak angetlhevangkok hata qaselha apeneskamo aplheianma Eniapom Neten aniem'o mongeliaskeiam Jesucristo.

Galatas 3:6

Mang nak nanek na ei'askeiakmok Abraham Eniapom Neten, lhnak nanek na nkeniemai'ak aplheianmo apeivomo m'a.

2 Timoteo 3:16

Koka lhamakho konne Vakkahak anak ma'a apvatepnapma Eniapom Neten, akmovana nkotlhekmoksek akto have niapak anke, kakpota nhan alvetaskeskama enenlhet'avok apkellanengko la ngkollatsekama. Akmovana nhan nkonnavaksek apkellanengko la qaselha ngkollatsekama kanhan atlhekmosekamok akto akpeivomo nkek,

Santiago 2:24

Apvanka'ak ketlhengkap elvetak kolhvave nak Eniapom Neten apkeltaikamok la enenlhet apeivomo aniem'o akietnema mei'askeiam kakpota nhan apkelanai'a qaselha.

1 Pedro 2:6

Ka aktemo nak aktalhesammalhka vakkahak Eniapom Neten apaivoma hengke'e: «Aspekkenkek lhema metaimong akto neten ankek aktaqmanma, nema aliekieskama nhan, akmennave nkek nahan. Apto la nhan mei'askeiam ma'a mankomankaksek hata m'a».