Santiago 2:15 - Nuevo Testamento Toba Maskoy

¹⁵ Malha aktonak apkelvetai'a la ketlhengkap lhema enialheng apkenno la'a nlho ka la enialheng ngkelvana la'a, metka aletsekama kanhan metka aktekamok,

Santiago 2:15 ပူးပေါင်းရင်းမြစ်များ

Marcos 14:7

Elloka ta mota metka apkelletsekama apieseksek anak ketlhengkap, hato ka elpasmok ketlhengkap ma'a, ko'o koka molhek hata apieseksek ketlhengkap.

Lucas 3:11

Ka apkellatemmoiangka lhnak mokhom Juan, lhna aptemak: —Apietnek hata nkek apqanet apkelaqlammap ketlhengkap, eniamok hata lhema po'ok metka la apkaqlammap. Nietnek hata nkek aptekamok ketlhengkap, eniamok hata nhan po'ok metko la aptoma —lhna aptemak apkellatemmoiangka Juan ma'a.

Hechos 9:29

Metka apkai'akha lhnak na aplheianma apvesai'a Apveske m'a, Apkellatemmommakpek nak na m'a griegos, apkellanekhek nak na niekhe apkenmahai'a ennapok ma'a.

Hebreos 11:37

Moklhem'a lhnak nanek na aptekiomak ma'a aniem'o nema aliaqnai'a metaimong, nemo nhan aliaqtemanmo neplhet'a akieplomo nhan iama annamo tkok serrucho, annapmo nhan pelettav akvenaktema. Po'ok nak na noka apkenmaiangko mota mo'ok amota iokhalhma, apkelentalhnema lhnak na noka vanlha nepkesek apiempeiok kanhan ieta'ai aniem'o metka apkelletsekama, kanhan apkellengaiangko akientalhnema, apnaqtevasemmap nahan.

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

1 Juan 3:17

Lhema enenlhet la nema apketsekama etak enialheng aimommalhka la nema akpasmoma, man koka epasmak ma'a aniem'o anmasmo qaselha apvalhok, mankoietnak na songkek nengasekhai'o nak aniem'o Eniapom Neten.