Santiago 2:1 - Nuevo Testamento Toba Maskoy

¹ Ketlhengkap elialheng'a, meliaskeiam Jesucristo apveske engankok aknema apmopvana, ka ngkanek mangkolatsema aptangko la melhneskamo mo'ok apkellanei'o po'ok.

Santiago 2:1 ပူးပေါင်းရင်းမြစ်များ

Hechos 10:34

Ka apkempai'o lhnak apkeltennaikama Pedro m'a, lhna aptemak: —Koka kolhvave nak asiangvakmek nennavek emmo'ok nentemo lhemek enenlhet napaqtek Eniapom Neten,

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 24:24

Netamen na lhta m'a aliekai'o moklhem'a aknem, anmahai'o lhna lhta nkotnangko amaika'a Pablo Felix kakpota nhan aptava akvesai'a Drusila, judia lhna lhta m'a, alvekho lhna lhta m'a, allaveiangka Pablo kakpota eleltennasama ania'a aktemakha mei'askeiam Jesucristo.

Hechos 7:2

Ka apkatemmoiangka lhnak Esteban ma'a, lhna aptemak: —Hellailhono eliapma'ak kanhan elialheng'a, Eniapom Neten aknema apmopvana panke apvetaskesammakpo lhnak nanek nelieihengka Abraham akieto Mesopotamia, amanie lhnak apmahai'a elhnemok iokhalhma Harán,

Romanos 1:11

Avanhek ankek askeltemo alvetangvetak ketlhengkap, atsakhesek askelpasmoma m'a aniem'o Eniapom Neten kakpota ngkoitek aliennaktema meliaskeiam.

1 Corintios 2:8

Ma lhta nkoietnemak nenianveiakmo nak apkelemhama apmaniaie engankok alhta, ko lhtema nak akietnema la apkeliamoho, mennape lhta Apveske engankok aknema apmopvana neten iamet aktenneskama.

Colosenses 1:4

ngkanek nelleng'a mota ania'a aknaikamok akiavai'a lhnak meliaskeiam ketlhengkap Cristo Jesús, avanhek nak na apkellasekhai'o apkellelto apkelpokkenammap ma'a.

1 Timoteo 1:19

Melvateskama nkek mei'askeiam, etaqmelkes hata nhan akietnaikama apaqtek alhnai'o nhan, melvanamo nkek aptaiangkolha nak ma'a enenlhet'avok meltaqmelkeskama nak alietnaikama apaqto'ok, netamen maskengvakmek na meliaskeiam ma'a.

1 Timoteo 5:21

Askeltave etnek lheiap napaqtek Eniapom Neten, Jesucristo, kanhan ángeles apkeliekieskama, eliehekhok henganemakha astakha lhkek askano, etne apeivomo napaqtavek aplhamakho enenlhet'avok, etne ta nhan apneskamo mo'ok apkellanei'o po'ok.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Santiago 1:16

Elialheng'a askellamelaiam, mangkollatsekama alketamekama apvalho'ok ketlhengkap, have aniemai'akha Eniapom Neten ma'a ngkolatsekama nak aklhenaikama engvalhok.

Santiago 1:19

Ketlhengkap elialheng'a askellamelaiam, eltaqmelkaso ta apkellailhemo asmak'akha nak atnek alheianma, ntase mota ketlhengkap ellailhok eniangkok sekhe' eliatak po'ok la'a, have elelientemmakpok apmaniaie' ketlhengkap, metnamok na nav'a apvaheiok apkenmak'o la ello'ok,

Santiago 2:9

Koka mangkolatsekama melhneso la mo'ok apkellanei'o po'ok ketlhengkap, nkolhenek hata nhan ley apkellelto ketlhengkap apketselhnanemmap aniem'o apkeliekai'a aklheianma m'a.

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

Judas 1:16

Ka enenlhet'avok anak apkellelto m'a apkeliematkesaikama po'ok, apkeltaqnevaikama, kanhan aptengiaikamo mota qaselha aleklemelha la apvalho'ok. Apkellammakpo pankavek, altakmanma niekhe apkelpaqmeiasma ellanhok po'ok napaqtek la'a, koka akhemo malha apkenmopvanka ania'a, vanlha koka mota nhan apteniaikamok qaselha apanko'ok apankavek.

Apocalipsis 14:12

Hata akvo'o ta aknem anak ma'a akientalhnema, elvetakpok hata apkelvaskapma apkellelto nak apkelpokkenammap, apkeleliehekho nhan henganemakha apankok ma'a kanhan meliaskeiam Jesús.