Santiago 1:27 - Nuevo Testamento Toba Maskoy

²⁷ Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.

Santiago 1:27 ပူးပေါင်းရင်းမြစ်များ

Lucas 1:6

Alpeivomo lhnak napaqtek Eniapom Neten, alleliehekho lhnak na lhamakho apkellanemakha nkotnangkok kanhan henganemakha Apveske.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Romanos 2:13

Koka enenlhet'avok anak aptangko nak apkelleliehekho nak ley, koka apkelpeivomo m'a, have vanlha etnangkok mok apkellailhemo, nkaimelhkek koka eleliehekhoho.

Galatas 1:4

Apkaiangkave lhta m'a Jesucristo apmatnama aniem'o mongeleliehekho hengaskamakha Eniapom Neten. Hengelpaqnengkasekho nhan ngkolatsekama hengenmaikamok nenvanlha nak aniem'o nhan Eniapom Neten apkeltema m'a.

Galatas 3:11

Ka akto nak ma'a, mankavankek ley nkotneskesek apeivomo lhema la enenlhet, ka ntemak na vakkahak Eniapom Neten apaivoma: «Enenlhet apeivomo ngkoitek hata akiennaktema apneniek aniem'o mei'askeiam».

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Galatas 6:14

Vanlha koka ko'o anmalhko evalhok aniem'o Apveske engankok Jesucristo apto lhta apketsepma neten iamet aktenneskama, ka nkeniemai'ak astaqnongvekho qaselha ngkollatsekama neniava nak, kanhan hetaqnongvekho m'a neniava nak.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

1 Timoteo 1:5

Askeltavek na ko'o ennavaksek enenlhet'avok lheiap ham kakpota eliaqmongkasekhak mo'ok aptaiangkolha, nkovak na apkellasekhai'o po'ok aniem'o alalhnai'o apvalho'ok, altaqmanma atlhenaikama apvalho'ok kanhan meliaskeiam iokhalhme.

1 Timoteo 5:4

koka apkakhangko la atkak ma'a, atkak hata eltaqmelkesek ma'a malha apkeliaqmongkasekha la'a altakmelkeskama lhta amanie, koka akleklemelha nhan apvalhok Eniapom Neten ma'a.

Tito 2:12

ka nkeniemai'ak ntasek angelvatesangkok nentaikamok mongeliamolhma, kanhan alletsepmakha ennenio'ok anak, kolhva koka ntasek angelloka atlhenaikama mota engelvalho'ok aktaqmanma qaselha nak, angellanangkok na akpeivomo, angellamelemmak na emmo'ok,

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

Santiago 3:9

Nenmama mota ennengko'o engalhkok anak kakpota angeliatama aktaqmanma anlhenek apvesai'a Apveske kanhan Eniapom, nenmama nhan engalhkok anak kakpota aniemetkesek emmo'ok, apkellelto lhta apkelentepkeskama Eniapom Neten apnesemmakpo panke lhta nhan ma'a.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

2 Pedro 1:4

Hengeleltennaskamo lhta nhan lhema apaivoma aktaqmanma nkek hengeltemeskesangkok hata nengelnemo Eniapom Neten, envanka'ak hata nhan hengelpaqnemekha qaselha ngkollatsekama nak hengke'e aniem'o aliaspongkomakha nak engelvalho'ok.

2 Pedro 2:20

Lhennenga apkeliangveiakmo aptemakha Apveske engankok kanhan Hengvongkeskamo tep Jesucristo, alpaqnemekho nhan mangiamolhma, koka netamen ma'a apkellaiangko mokhom malha alpathetvekha la mokhom maniamolhma, aptaikokho mokhom na neten ankek meliamolhma, mangkolhnok ma'a sekhek anke lhta.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.

1 Juan 5:18

Neliavek ennengko'o mongelaneianko ngkollatsekama apkellelto nak Eniapom Neten apketkak, ngkanek Eniapom Neten Apketka nak apkeltakmelkeskama m'a, mankavankek na nkonaqtevaksek keliaqhameio'.