Santiago 1:25 - Nuevo Testamento Toba Maskoy

²⁵ Koka aktakmelakho nkek enenlhet anak metka apkelvangkaiam aktakha la apkailhemo, apsekho nhan alketamekama apvalhok aktakha aklheianma ley Eniapom Neten akto akiokho nkek aktaqmanma m'a, akmovana nkolvongkesek tep apkellelto nak apkelleliehekho mota m'a.

Santiago 1:25 ပူးပေါင်းရင်းမြစ်များ

Lucas 11:28

Koka apkatemmoiangka lhnak Jesús, lhna aptemak: —Koka neten ankek ma'a aktaqmelakho enenlhet apkelelto apkellailhemo Eniapom Neten kakpota nhan apkeleliehekho —lhnak aptemak ma'a.

Juan 13:17

Apkellelto la apkenmaikamok takha asketlhekmoskama nak, aptangko la nhan, etnangkok hata nhan aktaqmelakho nkek ma'a.

Juan 8:36

Vanlha apvanka'ak na etnangkok enenlhet'avok metka anmaikama maniamolhma aniem'o apkelpasmoma Apketka nak.

Hechos 13:43

Man nantek judios kakpota nhan metnangko judios apkellelto apalhakvaiam apkelvanekamok aptaiangkelha judios, apkelieplekho lhnak Pablo m'a kanhan Bernabe. Koka apkelleltemo lhnak melieniekhek aptaikamok meliaskeiam Eniapom Neten kanhan apkellamelaiam ma'a.

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Hechos 26:22

koka Eniapom Neten alhta hepasmak ma'a. Ka ngkanek mokhom alhengkeskama alheianma ania'a aktaqmanma apkellelto nema apkelletsekama, metka apkelletsekamaha, aplhamakho enenlhet'avok na asketlhekmoskama mota apketlheianmo lhnak nanek apkeleltennasemmap ania'a kakpota nhan Moises.

Romanos 11:22

Hai', Eniapom Neten apto apiamolhma apanke', apkeltakmelkaskek na apkellangiemhaikama ketlhengkap metnangko nak judios, apto nhan apiaqmongkasekha apkeltemakha meleliehekho lhta judios. Koka apkelieniakho la aptaikamok meliaskeiam ketlhengkap ma'a, ngkolhek hata nhan aliaqtemenvaktamo m'a.

Romanos 2:13

Koka enenlhet'avok anak aptangko nak apkelleliehekho nak ley, koka apkelpeivomo m'a, have vanlha etnangkok mok apkellailhemo, nkaimelhkek koka eleliehekhoho.

Romanos 7:12

Hai, have niapak ankek ley anak akto akpokkenammalhka, kanhan nellanemmalhkelha nak antangkok akpokkenammalhka, akpeivomo kanhan aktaqmanma nkek.

Romanos 8:15

Metlhevangkok ketlhengkap apvalhok anmahai'a nak nkoltemeskesek malha allasennaikama nema apkelianmoma, ka nhan altemeskeskama nak apkellai'a mokhom, apketlhevangkek koka Apvalhok apkeltemeskeskama Eniapom Neten apketkak. Kolhva koka apvanka'ak elteteskakhak Eniapom Neten, apvanka'ak na elpaqmetkesek nalhepe' apkelpaqmeiasma ellanhoho', etnangkok ellana hengke'e: —Ta.

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

2 Corintios 13:5

Ellanho ta apvalho'ok apankave ketlhengkap nnangke kelha niekhe aliennaktema meliaskeiam, nkotlheianvakhok hatelha nhan apvalho'ok mankolhnaikamok meliaskeiam Jesucristo.

Galatas 2:4

Hengelpalhakva'a lhta nhan apkelleltammakpo engelialheng'a, koka have lhta niekhe m'a vanlha lhta apkenmahai'a ellanama nentangkolha metka hengenmaikama nak henganemakha aniem'o Cristo Jesús, koka apkenmahai'a lhta henteskesangkok mokhom malha hengellasennaikama nema nelianmoma henganemakha ankok.

Galatas 5:1

Nne lhta hengelpaqnenkasakho nema hengenmaikama aniem'o lhta m'a Cristo. ¡Elienna toka ketlhengkap kakpota mankolatkeskatanie aiaspo'ok ankok akmahai'a nkolpathetek mokhom!

Galatas 6:2

Elpasmakpo ta pankavek elpatmekhak malha apkelpatama apieseksek anak ham, ka aptangko la ketlhengkap ma'a, apkelieplavkaskek ley apankok Cristo.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

1 Timoteo 2:15

Koka ngkelvana nkovongkasalhkak hata tep akvet'o la atka, aklhengkaso la nhan aktema nkoi'askeiam, asekhai'o la nhan mo'ok, alhnai'o la nhan av'alhok, alan'o la mota nhan aktemakha akpeivomo.

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

Hebreos 12:15

Elienlhanmamok hata nhan apkenmaikamok qaselha altaqmanma nke' metka akianmoma aniem'o Eniapom Neten kakpota metnangkek ma'a malha aktonak panaktema aikapmen'ok anak akmaska aktevaskama nak enenlhet, akmovana nhan nkovak ma'a.

Santiago 2:12

Ka ngkanek ntasek ellangko mota aktaqmanma apaivoma po'ok ketlhengkap, kanhan eltaqmelkasakpoho ngkanek ngkolhek hata aliekpelkok ketlhengkap ma'a aniem'o ley akmovana hengel·hatsoskasangkok ngkollatsekama.

1 Pedro 2:16

Ketlhengkap mmaskek nema allasennaikama nema apkelianmoma, kolhva koka apvanka'ak apkenmak'akha la ellanangkok qaselhaha, ¡koka ellaho ta m'a, mellanamo nkek ngkollatsekama ngkanek ketlhengkap apkellelto Eniapom Neten apkellasennaikama!

1 Juan 2:24

Ka ngkanek ntasek ketlhengkap melvankamankek apkelleliehekho ania'a apkellengai'a sekhek anke lhta, ka aknangko la ania'a apqatko'ok anak ketlhengkap ma'a, apkelpasmakhek Apketka kanhan Apiapom ma'a,

Apocalipsis 14:13

Netamen ma'a asleng'o lhta mokhom nema aliatekama neten, lhta ntak heiano: —Etalhes hata ham, aktakmelakho nke ta nkotnek apkellelto apkeletsepma nenvanlha nak ma'a kanhan emanie ta apkelpasmekha nak ma'a Apveske engankok. —Hai, ka aptemak na Espíritu m'a eliamposakpok hata m'a aniem'o apkenmakmekama ngkanek metka apkelvatesaikamo apkellanekamok qaselha altaqmelo neksa apkellangiemhaikama m'a nalhepop —lhta ntak ma'a.

Apocalipsis 22:14

Aktaqmelakho nkek enenlhet apkellelto malha apkelieniesekamok la apkelentalhnema. Nkelietavek ankek hata nhan elentalhnengvomok atno'ok anak ma'a apiav'akha temma kakpota etavangkok akielhna iamet akiennaktema enneniek ma'a.