Santiago 1:22 - Nuevo Testamento Toba Maskoy

²² Apkeliennengkasekpek apankavek napokha ketlhengkap nketlhenke mota apvalho'ok ntasek etnangko mota vanlha apkellailhemo ania'a aktaqmanma. ¡Have koka niekhe nentemakha m'a, nkaimelhkek koka nhan ngkoitek apkelleliehekho ania'a apkelleng'o la'a!

Santiago 1:22 ပူးပေါင်းရင်းမြစ်များ

Lucas 11:28

Koka apkatemmoiangka lhnak Jesús, lhna aptemak: —Koka neten ankek ma'a aktaqmelakho enenlhet apkelelto apkellailhemo Eniapom Neten kakpota nhan apkeleliehekho —lhnak aptemak ma'a.

Juan 13:17

Apkellelto la apkenmaikamok takha asketlhekmoskama nak, aptangko la nhan, etnangkok hata nhan aktaqmelakho nkek ma'a.

Romanos 2:13

Koka enenlhet'avok anak aptangko nak apkelleliehekho nak ley, koka apkelpeivomo m'a, have vanlha etnangkok mok apkellailhemo, nkaimelhkek koka eleliehekhoho.

1 Corintios 15:33

Mellanko nkek eliennengkesek ketlhengkap ma'a enenlhet'avok anak meliamolhma, meltamankek apketlhelhma'ak ngkanek ellekhok meliamolhma m'a.

1 Corintios 3:18

Apno la apieseksek ketlhengkap apkanema la nkoietnak apiangveiakmo apankok apanke', apiennengkasekpe pankek na m'a enenlhet anak, ntasek eihangvakhok apankok apanke apto meihangveiakmo, netamen hata m'a nkovak aptema apiangveiakmo m'a.

1 Corintios 6:9

¡Ellaho ta m'a melietehek aptangkolha! Enenlhet la apkeltemengveiakmo lhma metnangkek hata apkennemolhema akieto nak aptemakha Apveske Eniapom Neten, apkellelto la apkellanaktema, apkeltakneskasekamok qaselha akiokha alanemmalhka, apnaqtevaskamo la aliemhapekamok, aptaikamok iama ngkelvana'ak, apkenmekha apkenno lheme', apkenmenielhaikamok, apkenmasmo qaselha apanko'ok, anmen ato'ok, apkeltaknevaikamaha, apkenmopvanka'a eliennengkesek po'ok. Ka lhamakho nak hengke'e metnangkek hata apkennemolhema akieto nak ma'a aptemakha Apveske Eniapom Neten.

Galatas 6:3

Apto la enenlhet metka neten apiaspommap, koka nkolhenek apvalhok akto neten apankek apiaspommap ma'a, koka apiennengkasekpe pankek na m'a.

Galatas 6:7

Mamma enenlhet eiennengkasama Eniapom Neten, meliennengkasakpo nkek na ketlhengkap ngkanek apkenokho la lhema aktek, enaklhangkok hata nhan akielhna aniem'o m'a aktek lhek apkenaikamok.

Filipenses 4:8

Ketlhengkap elialheng'a, asmak'ak aleltennaksek mokhom aktakha nnelha, kotlhen hata apkelvalho'ok lhamakho qaselha akto nak have niapak anke, nentemakha nhan akto akietemo nkek nengai'o emmo'ok anak, qaselha akpeivomo, qaselha alhnai'o nkek, qaselha akleklema engvalhok, kanhan aklhenammalhka nak qaselha altaqmelo. Hai, lhamakho qaselha lhkek altaqmanma alheianma, qaselha aklhenammalhkak altaqmelo, ntasek nkotnangkok hata mota atlhenaikama apvalho'ok ma'a.

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.

2 Timoteo 3:13

koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Santiago 1:26

Moklhem'a ketlhengkap apieseksek anak ham nketlhenke mota apvalho'ok apkellelto apkeliamolhma meliaskeiam Eniapom Neten, koka apkeliennengkasekpek apankavek ma'a ngkanek mankollapvanka'ak enmangvomok apkelpakmeiasma ngkollatsekama, akhemo apkelleltammap apkeliamolhma meliaskeiam ma'a.

Santiago 4:11

Elialheng'a, melvannamankek po'ok apieseksek anak ketlhengkap ham, meliekpelko nkek nahan. Ka aptangko la ketlhengkap ma'a, malha nhan aptangkok apkelvannaikama ley, apkeliekpelkek nahan. Mangkolatsema etnangkok ketlhengkap ma'a ngkanek have hengiekpelkemo niapma'ak ketlhengkap, vanlha enenlhet apankavek apvanka'ak eleliehekhok ma'a.

Santiago 4:17

Apto la enenlhet apiamo niekhe elanak qaselha aktaqmelo, koka melan'ak ma'a, koka m'a ngkolatsekama apkelanai'a.

2 Pedro 2:13

Nnavek na m'a enenlhet'avok anak meliamolhma ellengangkok hata akientalhnema malha kaselha nevhak anak aniem'o melpeivomo, alleklemo mota apvalho'ok ellanangkok apkenmak'akha la ellana', qaselha ngkollatsekama nke napaqtavek enenlhet'avok. Alleklemo mota apvalho'ok ellanangkok qaselha henmankaskama akvakho m'a apkaqnekhelha apieseksek ketlhengkap neksa aktakmelaikama lhma apanko'ok.

1 Juan 1:8

Ka netlhenalhko la engankavek ennengko'o metka nellanekamok qaselha ngkollatsekama, have nhan iokhalhmek nenlheianma, neniennenkaselhkek na engankek ma'a.

1 Juan 2:3

Have niapak ankek neliekpelkavek ma'a ngkanek nengeleliehekhave mota hengellanemakha antangkok ma'a.

1 Juan 3:7

Ketlhengkap eietkak apketkok, mellanko nkek eliennengkeskak ma'a. Enenlhet apto la apkelanai'a mota qaselha akpeivomo, koka apto apeivomo pankek ma'a malha nhan ma'a apto apeivomo.

3 Juan 1:11

Lheiap eialheng askasekhai'o, meieplavkesankek lheiap aptaiangkolha nak meliamolhma, ntasek koka eieplavkesek ma'a aptaiangkolha nak enenlhet apkeliamolhma nak. Enenlhet apkelan'o la qaselha aktaqmelo, koka apto apasmekha Eniapom Neten ma'a. Koka enenlhet apkelan'o la qaselha ngkolatsekama, metak Eniapom Neten.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 22:7

—¡Kolhvavek hata avatamok ham! Aktaqmelakho nkek apkellelto apkenmama takha ania'a nak aktemakha akmak'akha ta ngkotnek akietno nak aktalhesammalhka vakkahak anak —lhta nna akto m'a.