Santiago 1:10 - Nuevo Testamento Toba Maskoy

¹⁰ Kanhan apto la aknema apketsekama ntasek na nkotaqmelama apvalhok ma'a neksa aptemeskesekha koneng la Eniapom Neten, ngkanek emaskengvomok hata nhan lhema aknem ma'a malha elhnemok anak panaktema la aktekteiapma amhamakha nke nak iokhalhma, akiakvatakho nkek aktaqmanma.

Santiago 1:10 ပူးပေါင်းရင်းမြစ်များ

1 Corintios 7:31

Apkellelto nak alpaiesaikama apvalho'ok aniem'o ngkeskama qaselha apanko'ok, mankoltaqmelkaskesama nkek apvalho'ok ma'a ngkanek ngkovomok hata akmaskengvaianlha m'a lhamakho nak.

Filipenses 3:8

Koka lhamakho qaselha lhta m'a kolhva koka nlhenkek evalhok mankoliennaktema m'a, have kto nak qaselha altaqmelo nak asiekpelkangveiakmo nak Cristo Jesús apveske ehenkok, askelhakhangkek lhamakho qaselha lhta malha basura ntemak ma'a aniem'o lhta asmama takha Cristo,

1 Timoteo 6:17

Elelto ta nhan lheiap menianek ellakpok apkellelto nak nema apkelletsekama nenvanlha nak, mellanek na nkolhnangkok alel·halhnekama apvalho'ok aniem'o nkeskama apkelletsekama ngkanek nkomaskengvomok hata m'a. Koka ntasek ma'a nkolhnangkok alel·halhnekama apvalho'ok aniem'o Eniapom Neten, hengellaiangko nhan nkeskama qaselha aimommalhkelha la m'a kakpota nkoltaqmelek nellaniemhaikama m'a.

Santiago 4:14

Mang koka eiho' akmak'akha ta ngkotnek apkaniemhaikama apmanie' m'a, emaskengvomo ta m'a, malha akto nak teiam eten akiakvatakho nak nenvetai'a, mpelapkaske na akmaskengvakmo m'a.

1 Pedro 1:24

Ka aktemo nak na aktalhesammalhka Eniapom Neten apaivoma hengke'e: «Enenlhet la'a akiakvatakho nkek aptaqmanma, malha aktonak panaktema amhamakha nke nak iokhalhma, iakvatakho nhan aktaqmanma, niemak'ak na elhnemok anak kakpota nkopallemmak ma'a,

1 Juan 2:17

Nkomaskengvomok hata m'a ngkollatsekama nak kakpota nhan akmahai'akha na mota nkolanak engvalhok, koka mankomaskengvomek ma'a apto la enenlhet apkelanai'a apkeltemakha etnek Eniapom Neten, eloka ta nhan mankotnengvaianlha nnelha m'a.