Romanos 9:3 - Nuevo Testamento Toba Maskoy

³ aktemakha askelvetai'a aspaivomo lhema judios. Evankek niekhe annangkok akientalhnema aknemo m'a apkellengaiangko apkelhakhangveiam la Cristo, ntasek na niekhe annangkoho akientalhnema nak ma'a kakpota alpasmok elialheng'a judios.

Romanos 9:3 ပူးပေါင်းရင်းမြစ်များ

Hechos 13:26

Ellailho ketlhengkap elialheng'a Abraham aptavana'ak neptamen kakpota nhan ketlhengkap metnangko nak judios apkellelto apkellai'o nak Eniapom Neten, ka ania'a nak akto hengvongkeskama tep nenlhamakho.

Hechos 22:5

Apkeliavek apiav'akha sacerdote kakpota nhan metno apketko'ok have niapak anke astakha lhkek alheianma ngkanek hellaikamo lhta mota vakkahak kakpota asakhak ma'a apkakhangkelha' apkelemhama apmaniaie' judios ko Damasco kakpota hellangkoho' alpathetek apkellelto Jesucristo apkennemolhema kakpota nhan alaqlantak hengke'e Jerusalen kakpota alleltekpoma apiempeiok.

Hechos 28:21

Ka apkellatemmongka lhta m'a, lhta aptangkok: —Mangetlhevai'ak ennengko'o lhema vakkahak ania'a aplhenammap lheiap, mamma lhema phapak engelialheng'a judio apvai'a la hengke'e elhenek lheiap ngkolatsekama apvesai'a.

Romanos 1:3

Ka ania'a aktaqmanma nak aplhenammap ma'a apketka Jesucristo, apto nhan Apveske enganko'ok, aptaiekho lhnak enenlhet apankek ma'a, apto nhan aptaven neptamen apveske David annenga. Apketsepke lhta m'a Jesucristo, netamen aplhatekhaskeiakmo aniem'o apmopvana Espíritu Santo. Apkelpeivesekho lhta nhan ma'a enenlhet'avok apto have niapak anke Eniapom neten apketka m'a.

Romanos 11:1

¿Apkeltaknongkongke nlho Eniapom Neten apkennemolhema apanke Israel, he? ¡Mma'! Ko'o nhan asto israelita, asto nhan aptaven neptamen Abraham, askeniemai'o apasmekha apketkak neptamen Benjamin annenga.

Romanos 11:14

Askeltavek ko'o aspaivomo lhema nak ennathama ketlhengkap, netamen hata nhan helketmok niekhe kakpota atlhekmoksek ankok apkelvonkasemmap tep ma'a.

Romanos 16:11

Nlhenkek na evalhok aspaioma lheme' Herodion kakpota nhan apkennemolhema apankek Narciso, apkellelto nak meliaskeiam Apveske.

Romanos 16:21

Nlhenkek na apvalhok ketlhengkap alhelhma nak apvesai'a Timoteo. Nketlhenkek na apvalho'ok hengke'e aspaiomo lhema nak apkelvesai'a Lucio, Jason kakpota nhan Sosipatro.

Romanos 16:7

Nlhenkek na evalhok aspaivoma lhema Andronico kakpota nhan Junias, allelto lhta amaniaie nkavek nkoliaskeiam Jesús, alhaiek koka ko'o, asnaktemommalhko lhta nhan lhemek ko m'a, avanhek anke lhta nhan apkelleliehekho mota nema allapaskamo m'a.

Romanos 9:2

Avanhek ankek akmaiose evalhok, aslengaiangko nhan

1 Corintios 12:3

Ka nkeniemak ma'a askelelto nak eliohok ketlhengkap enenlhet apto la apietnema apmopvana Espíritu apankok Eniapom Neten, mankapvankek na eihemetkesek apvesai'a Jesús. Vanlha koka apvankek enenlhet elhenek Jesús apto Apveske koka aniem'o m'a apmopvana Espíritu Santo

1 Corintios 16:22

Apno la enenlhet meniasekhai'o Apveske, nema akiematkeskama ta ma'. ¡Apkelhiakmek Apveske!

2 Corintios 12:15

Nnavek na ko'o ntasek ankek aietepok lhamakho qaselha ehenkok anak kakpota nkoltaqmelkeskesek apkellangiemhaikama ketlhengkap, ntasek na nkovaiventak asmakmose aniem'o hellasennaikama ketlhengkap. Niekhe akvanekamok askellasekhai'o ketlhengkap, aselhtek koka nhan hellasekhai'o ketlhengkap.

Galatas 1:8

Ennengko'o ta laie nelletsantamo ta mo'ok aktemakha ania'a mankolhnemo m'a neleltennaskama lhta. Nlho ka la nhan ángel laie apkeniem'o neten esantak mo'ok ania'a. Ntasek ngkolhek akvaivesantamo tekhenlhet'ok aknaqtevaskama la nellaniemhaikama m'a.

Galatas 1:9

Asmak'ak alhenekhok mokhom alheno lhkek, ka apvo'o la enenlhet apsoiam mo'ok aktemakha ania'a mankolhno m'a neleltennaskamo lhta, ntasek ngkolhek akvaivesantamo takhaplhet aktevaskama la apkaniemhaikama m'a.

Galatas 3:10

koka enenlhet apkellelto la apkelielhanmekama ley, nema aliematkeskama nhan ma'a, ka ntemak vakkahak Eniapom Neten apaivoma hengke'e: «Nema akiematkeskama m'a apto la mesavhomo apieplavkeskama ley».

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Efesios 6:5

Ketlhengkap nema allasennaikama nema apkelianmoma, eleliehekho ta mota apveske apanko'ok nalhepop anak, ellaho ta nhan. Enmakmesama ta nhan anmahai'o nkek apvalho'ok, malha aktonak ma'a apkellasennangka la Cristo.