Romanos 8:9 - Nuevo Testamento Toba Maskoy

⁹ Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

Romanos 8:9 ပူးပေါင်းရင်းမြစ်များ

Lucas 11:13

Niekhe meliamolhma nak ketlhengkap apvanka'ak koka ellangkok qaselha altaqmelo apketkak ketlhengkap. Koka Apkeliapma'ak anak ketlhengkap neten anak tep ankek apiamolhma apanko ie, haveniapak ankek hata ellangkok Espíritu Santo apkellelto la apkelelmalhnekama m'a —lhna aptemak Jesús apkellanemo m'a.

Juan 14:23

Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Juan 3:6

Enenlhet apto la apteiam apkeniem'o ngkana'ak, enenlhet apankek nan ma'a, koka apto la nhan apteiam aniem'o Espíritu, espíritu nhan ma'a.

Hechos 16:7

apkelvekho lhnak nnelha lhepop ankok iokhalhma Misia. Apkenmahai'ak nak niekhe elentelhek iokhalhma Bitinia, koka Espíritu apankok Jesús lhnak meltemok ma'a.

Romanos 7:5

Lhennenga lhta ennengko'o nengellaneiangke mota qaselha ngkollatsekama, hengenmaikama lhta aliaspongkomakha nak engelvalho'ok, hengeliateiangke lhta angeliekak ley, ka nkanek akvai'o nak ma'a nengetsepma.

Romanos 8:1

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús,

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

1 Corintios 15:23

Apmanie aplhatekhangveiam alhta Cristo ngkanek apto neten apankek ma'a apiaspommap, netamen apvaktamo ta mokhom ma'a, enaklhatekhangvomok hata m'a apkellelto nak apkennemolhema apankave nak.

1 Corintios 3:16

Kotlhen hata apvalho'ok ketlhengkap elialheng'a, malha Eniapom Neten apnemakha ketlhengkap, apnek Espíritu apankok Eniapom Neten apvalho'ok ketlhengkap.

1 Corintios 6:17

Ka apkellelto nak apkelpasmekha Apveske, malha lhema ntokhak na apvalho'ok ma'a.

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

2 Corintios 10:7

Moklhem'a lhna mota ketlhengkap apketlheianme mota have niapak apkelpasmekha Cristo, ennengko'o nhan nelpasmekha m'a, iokhalhmek ma'a, nkotlheianvakho ta mota apvalho'ok ma'a.

2 Corintios 6:16

Mangkavanke nkolhnangkok qaselha akiokha la alanemmalhka akieto Eniapom Neten apnemakha, ketlhengkap na malha pa'at apnemakha Eniapom Neten apto memaskengvaiam. Lhnak nanek aptemak Eniapom Neten: «Aloka ta, aiaihama ta nhan apieseksek ma'a, ko'o ta atnek Apveske pankok, etnangkok hata nhan askennemolhema».

Galatas 4:6

Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"

Galatas 5:24

Nenlhamakho nengelelto nelpasmekha Cristo Jesús malha ntemak neliaqhapkeskekha la neten iamet aktenneskama akiaspongkomakha nak engelvalho'ok akteniai'a na mota nkolanak ngkollatsekama.

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 2:22

Apiepetkasekhek po'ok Cristo kakpota ngkovomok aptaikamok malha pa'at akiavai'a Eniapom Neten la apnemakha aniem'o Espíritu apankok ma'a.

Efesios 3:17

Askenmalhneskaskek na eltehek meliaskeiam ketlhengkap Cristo kakpota elhek apvalho'ok ketlhengkap ma'a, kakpota eltemeskesek apkeliennaktema aniem'o apkellasekhammakpo.

Filipenses 1:19

ngkanek asiavek ko'o ngkolhek hata evongkaso tep aniem'o helelmalhneskeskama ketlhengkap, aniem'o hepasmok hata nhan Espíritu apankok Jesucristo.

2 Timoteo 1:14

Etaqmelkes hata aktemakha aktaqmanma hengetlhekmoskama aplhevai'a lhta lheiap, Espíritu Santo apkakhangkek apvalho'ok aplhamakho Jesucristo apkennemolhema epasmok hata nhan lheiap ma'a.

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

1 Juan 3:24

Enenlhet apkellelto la apkelleliehekho apkellanemakha etnangkok Eniapom Neten, apkelpasmekha nhan ma'a, Eniapom Neten na apkelpasmakhak ma'a. Ka ngkanek nengeliavek na ennengko'o apnek engelvalhok Eniapom Neten aniem'o Espíritu apankok hengellaikamo lhta.

1 Juan 4:13

Neliavek ennengko'o nengelpasmekha engankavek Eniapom Neten ngkanek hengellaiangke lhta Espíritu apankok.

1 Juan 4:4

Eietkak apketkok, apkelpasmekhak Eniapom Neten ketlhengkap, apkeltemeskesentamo lhta koneng apketsekama ania'a nak apkenmopvanka ania'a, ngkanek nnankek apvalho'ok apto aknema nak apmopvana metlhok aknaiangko nak apvalho'ok meliekpelko nak mokhom Eniapom Neten.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

Apocalipsis 20:15

Nne lhta nhan alho m'a mankolhnaikamok la apkelvesai'a vakkahak ankok akiennaktema enneniek akieto m'a sanga akietnemakha talha.