Romanos 8:7 - Nuevo Testamento Toba Maskoy

^7-8 Apkellelto nak apkelieplavkeskama aliaspongkomakha nak apvalho'ok, koka apkelvesai'a apkellammelhma Eniapom Neten, mankonmak'ak na eleliehekhok ley apankok ma'a, mankollapvanka'ak nahan, mankonmak'ak na ellekkaskesama apvalhok Eniapom Neten.

Romanos 8:7 ပူးပေါင်းရင်းမြစ်များ

Juan 7:7

Meltaqnevak apkelemhama apmaniaie ketlhengkap hengke'e, ko'o koka heltaknevakke ngkanek asketlhengkaske mota apkeltemakha ngkolatsekama m'a.

Romanos 1:28

Mankonmahai'ak enmok takha Eniapom Neten, ka ngkanek etlhekhak kakpota elieplavkesek apankavek ngkollatsekama alketansema apvalho'ok, ellanangkok ngkollatsekama.

Romanos 1:30

Apketlheianma mota po'ok meihamolhma, apkellammelhma mota Eniapom Neten, apkellammakpoho, vanlha mota atlheianveiam alhma apvalho'ok ellanangkok qaselha ngkollatsekama, meleliehekhok na ngkana'ak.

Romanos 3:31

Ko la aktemakha atlheianma apvalho'ok ketlhengkap, ¿mongiaskeiam anak mmaskeske nlho akiennaktema ley anak, he? ¡Ma! Ka mongiaskeiam anak hengeliangveskeskakmek ley anak akto aktaqmanma m'a.

Romanos 5:10

Nelammelhmakha lhta ennengko'o Eniapom Neten, nkaqhok koka hengellasekhekhave lhta apankek aniem'o lhta apketsepma Apketka. Kolhva koka hengellamelekhavek mokhom ma'a, have niapak ankek hata nha ngkotnek hengelvongkeskama tep ma'a aniem'o aktaiekha mokhom aphalhnankok Apketka.

Romanos 7:22

Avanhe niekhe nellamelaiam ley apankok anak Eniapom Neten,

Romanos 8:4

Hengellaiangko lhta nhan nenmopvanka'a kakpota angelieplavkesek akpeivomo nkek aktemakha aklheianma ley, kolhva koka envanka'ak ngkanek mmaskek hengenmangka m'a aliaspongkomakha nak engelvalho'ok, kolhva koka hengenmama m'a Espíritu.

1 Corintios 2:14

Koka mangkollapvankek eliangvomhok ma'a apkellelto nak metka Espíritu apankok Eniapom ngkanek aktaikama ankek apkellanemak ma'a, vanlha koka apvankek iehangvomhok ma'a apietno la Espíritu apankok anak Eniapom Neten.

1 Corintios 9:21

Koka asno la apieseksek metnangko nak judios apkellelto nak metka ley Moises, astemengkek na aptaiangkolha m'a kakpota enmankok na takha askeltennaikama. Vanlha mota askeliehekho ley apankok Eniapom Neten, nnavek na ley apankok anak Cristo m'a.

Colosenses 1:21

Apkellammelhme lhta ketlhengkap Eniapom Neten lhennenga, nketlheianme lhta apvalhok meliamolhma nak, apkellaneiangke lhta mota nhan ngkollatsekama.

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

2 Timoteo 3:4

Eliennengkasekhak hata nhan apketlhelhma'ak apankave', ellanangkok hata nhan qaselha ngkollatsekama aniem'o aliatekamok apvalho'ok koka metka atlhenaikama apvalho'ok akiaqmoiekha nkovak hata. Nkoliephesama ta nhan apkellammakpo, ellanangkok hata nhan qaselha atlheianmakha la apvalho'ok, meteniankek hata nhan ellanangkok apmahai'akha nak Eniapom Neten.

Hebreos 8:10

Koka alanak hata mokhom alhnankok annemo mo'ok engvalho'ok nenmak'akha ta antangkok enenlhet'avok ko Israel, apekkenek hata ley ehenkok apqatko'ok, kanhan malha asnaktalheskeskama la ley apvalho'ok. Alleltok hata heleltangkok Eniapom Neten apanko'ok, aleltangkok hata nhan askennemolhema m'a.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

2 Pedro 2:14

Vanlha mota apkellanekama po'ok enenlhet la aptava apkenmahai'a ellanakteksek ma'a, metka apkenmangveianlha nhan apkenmahai'a ellanangkok ngkollatsekama. Apkeliatengkek na ellanangkok qaselha ngkollatsekama nkoliennaktema nak apvalho'ok, vanlha nha mota alletsepma apnenio'ok patakkom ka ngkanek ngkolhek aliemetkaso m'a.