Romanos 8:5 - Nuevo Testamento Toba Maskoy

⁵ Apkellelto nak anmaikama aliaspongkomakha apkelvalho'ok, vanlha mota atlheianma apvalho'ok ellanangkok qaselha ngkolatsekama. Koka apkellelto nak apkenmaikama Espíritu Santo, vanlha mota atlheianma apvalho'ok ellanangkok apkeltemelha la ellanangkok ma'a.

Romanos 8:5 ပူးပေါင်းရင်းမြစ်များ

Marcos 8:33

Ka apengkammakpo lhna neptamen Jesús ma'a apmeiekho apkelaknangkelha apkeltamesaikamok, apnaveskamo lhnak Pedro m'a, lhna aptemak: —¡Konie Satanas! Mangkolhnok akietnaikama apaqtek anak lheiap Eniapom Neten, enenlhet apankek akietnaikama apaqtek lheiap —lhna aptemak Jesús.

Juan 3:6

Enenlhet apto la apteiam apkeniem'o ngkana'ak, enenlhet apankek nan ma'a, koka apto la nhan apteiam aniem'o Espíritu, espíritu nhan ma'a.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

1 Corintios 15:48

Lhamakho ennengko'o nelelto nelloma nak mokhom takhalhet lhepop, nietnek neliokha malha enenlhet apiokha apkelanemmakpo lhnak nanek apkeniemai'o nalhepop, koka lhamakho apkellelto apkelloma nak neten, nietnek apkeliokha malha apiokha m'a enenlhet apkeniemai'o m'a neten.

1 Corintios 2:14

Koka mangkollapvankek eliangvomhok ma'a apkellelto nak metka Espíritu apankok Eniapom ngkanek aktaikama ankek apkellanemak ma'a, vanlha koka apvankek iehangvomhok ma'a apietno la Espíritu apankok anak Eniapom Neten.

2 Corintios 10:3

Niekhe nellaniemhaikama apieseksek enenlhet apkellelto nak meleliehekhok Eniapom Neten, ennengko'o koka mok aktema nentaiangkolha.

Galatas 5:17

Ka qaselha nak aliaspongkomakha nak apvalho'ok ammelhaikama mota m'a qaselha aniem'o Espíritu, vanlha mota alammelhammalhka m'a hanet qaselha nak, ka ngkanek ketlhengkap mankollapvankek ellanangkok qaselha altaqmelo apkenmak'akha la niekhe ellanangkok.

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

2 Pedro 2:10

avanhek hata ngkotnek na nema aliaqmongkaskesekha apkellelto la apkeliaspongkoma apkellanekamok aliaspongkomakha apvalho'ok, apkeltaknongkoma nhan etnangkok apveske apanko'ok Eniapom Neten. Aliennaktema apvalho'ok ma'a, apkellatemmoktemo apkelveskai'e apanko'ok, mellai'o nhan nkoltaqneva qaselha alientalhnemo m'a neten,