Romanos 8:32 - Nuevo Testamento Toba Maskoy

³² Apkeltave lhta Eniapom Neten eniangkok apketka kakpota enietsepok hengeliaqmoiekha ennengko'o, have niapak anke hengellangkok hata nhan alaimommalhkelha la qaselha ennengko'o.

Romanos 8:32 ပူးပေါင်းရင်းမြစ်များ

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Romanos 11:21

menmekhek hata nhan takha Eniapom Neten ma'a, etlhohok hata nhan ma'a malha aktengok alhta lhennenga nema aliaqtemanma lhta.

Romanos 4:25

Apto lhta nhan ma'a nema ankongvaiam kakpota ematong hengiaqmoiekha ennengko'o aniem'o nellanekamo nkollatsekama. Netamen nemo nhan aklhatekhaskeiakmo kakpota hengeltemeskesek nengelpeivomo m'a.

Romanos 6:23

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

1 Corintios 2:12

Netlhevankek ennengko'o Espíritu apankok Eniapom Neten, mok aktema koka apvalhok anak enenlhet melioho nak Eniapom Neten, hengeliangveskeskakmek Espíritu apankok Eniapom Neten qaselha hengellaikamok alhta Eniapom Neten aniem'o aktaqmanma nkek hengellanei'o.

2 Corintios 4:15

Lhamakho nellengaiangko nak akientalhnema nelvetai'a aniem'o nelienlhanmekamok kakpota nkoltaqmelkeskesek apkellangiemhaikama ketlhengkap ham, etlhevangkok hata nhan aktaqmanma nke nak apkellanei'o Eniapom Neten. Ka aplhamengko la enenlhet ma'a, netamen elhamangkok hata nhan aptaikamok gracias Eniapom neten ma'a, nkotlheianvakhok hata nhan apvalho'ok Eniapom Neten apto akietnema akiavai'a apmopvana.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

2 Corintios 6:10

Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.

1 Juan 4:10

Nellasekhavek ennengko'o Eniapom Neten, koka akto have nengasekhai'o akiokho nkek ma'a. Koka Eniapom Neten hengellamelakmek ennengko'o akiokho nkek ma'a, ka ngkanek apkapaskamo lhta apketka kakpota enietsepok hengiaqmoiekha, aniem'o lhta nellanekamok ngkollatsekama ennengko'o.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.