Romanos 8:30 - Nuevo Testamento Toba Maskoy

³⁰ Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

Romanos 8:30 ပူးပေါင်းရင်းမြစ်များ

Juan 17:22

Askellangkek ko'o helieplekama nak asiennaktema ka heiaikamo lhta lheiap kakpota elpasmekhak ma'a, ka akto nak ennengko'o.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Romanos 11:29

apkellaveiangka lhta nhan, apkellaiangko nhan metka akianmoma qaselhaha, metka apkenmasvekha nhan, melvankakmok na apkellelto lhta apkellavekama.

Romanos 8:1

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús,

Romanos 8:21

ngkolhek hata alvongkaso tep neksa anmaikama aknaktevaskama. Allakhaikama av'alho'ok nahan, ka aktemo nak ma'a Eniapom Neten apketkak nemo nak alpaqnengkasekho anmama maniamolhma.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

1 Corintios 1:2

Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 1:9

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

1 Corintios 2:7

Asketlhekmoskek ko'o asiangveiakmo aniem'o Eniapom Neten, nenianveiakmo nak malha lhnak nanek akposemmalhka ntemak tep nak nanek, amanie nema alentepkeskama qaselha lhmankek ham kakpota alhaiek hengeltemeskesek hata neten engankavek ennengko'o.

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

Galatas 1:15

Nkaqhok koka m'a Eniapom Neten heliekieskangke panke amanie asmahai'a atiemok av'alhok meme aniem'o aktaqmanma nkek helanei'o, apmahai'ak na heteskesek Apketka kakpota heiapaksek ma'a aleltennasangkok apvesai'a apieseksek metnangko nak Judios. Ma lhta ateniaikama enenlhet hetlhekmoskama la'a,

Galatas 1:6

Avanhek akiemaskama evalhok ketlhengkap aslengai'o ania'a apkelvatesaikamok kolhvavek ankek apkelieplavkeskama Eniapom Neten ham, apto lhta apkellavekama, apkelvetaskeskama lhta nhan apkellamelaiam aniem'o m'a apkellapaskeskama Cristo kakpota eltaqmelkeskesek apkellangiemhaikama ketlhengkap ma'a. ¡Koka apkelvatesaiangkek na lhta ania'a aktaqmanma apkelieplavkeskama ketlhengkap, apkelieplekho lhna lhta m'a mo'ok ania'a iama aktaqmanma!

Galatas 5:8

Have koka aniem'o m'a Eniapom Neten apto lhta apkellavekama ketlhengkap.

Efesios 1:11

Hengeliekieskamo lhnak nanek na Eniapom Neten kakpota hengellangkok hata qaselha apmahai'akha la hengellangkok ma'a, aptemengke ma'a akietnaikama apaqtek nak nanek etnehek, aptemengke mota m'a apmahai'akha la etnek.

Efesios 1:5

ka nkeniemai'ak na hengeltemeskeskamo apketkak aniem'o Jesucristo. Hai, aptema apankek ma'a nkanek avanhek hengellasekhai'o.

Efesios 2:6

Malha neletsepma lhta nentaiangkok ma'a koka nennaklhatekhangveiakmek ma'a ka aptemo lhta nhan apkelanei'o Cristo. Ka hengakheskekho lhta nhan napokha m'a akieto neten

Efesios 3:11

Ka lhamakho qaselha nak tep nak nane mota apeneskamo aklheianma apvalhok Eniapom Neten elanak hata, koka apeneskangkek kolhvave nak aniem'o Cristo Jesús Apveske engankok.

Efesios 4:4

Nkotnek ketlhengkap malha lhema apkeliokha, malha lhema la nhan Espíritu, lhema nhan alel·halhnekama apkelvalho'ok elvetak hata aktaqmanma aniem'o Eniapom Neten apkellavekama.

Colosenses 3:4

Hai, Cristo apto apkeliennakteskama apnenio'ok ketlhengkap, hata apvaktamo ta mokhom hengke'e nkoieplevhok hata apkapommatema, apientalhnemo, ellangkongvatak hata nhan ketlhengkap ma'a.

2 Timoteo 2:11

Have niapak ankek asmak'akha nak atnek aspaioma, ka neletsepo la lheme Cristo, angelloka ta nhan lhemek ma'a.

Hebreos 9:15

Hai, nietnek ennengko'o alhnankok annemo mo'ok engvalho'ok nemmahai'akha antangkok aniem'o Cristo. Apketsepme lhtoka m'a kakpota envanka'ak ngkolhek hengelpaqnenkasakho qaselha ngkolatsekama nellanekamo mota neksa nellaniemhaikama akietnema amanie nkek annemo mo'ok apvalho'ok lhnak nanek apkenmahai'akha etnangkok ma'a. Kolhva koka nengelelto nak nellavommalhka envanka'ak hata angetlhevangkok qaselha mankonmaskengvaiam apeneskamo lhta apaivoma hengellangkok hata m'a.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma

1 Pedro 3:9

Meliaqmongkasekha nkek apnaqtevaso la po'ok, meliaqmongkasekhangkek na apiamenvo la po'ok, ntasek koka ellangkok aktaqmanma apaivoma m'a ngkanek Eniapom Neten hata eltaqmelkeskesek apkellangiemhaikama ketlhengkap.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

2 Pedro 1:10

Ketlhengkap elialheng'a, apkellavema lhta Eniapom Neten, apkeliekiesaikamo lhta nhan ma'a, ntasek enmeivo mota m'a qaselha altaqmelo nak apvalho'ok kakpota mepallemmek.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.

Apocalipsis 19:9

Netamen lhta aptak heiano mokhom ángel: —Etalhes no ta asmak'ak hata atnek aspaioma: Aktakmelakho nkek apkellelto nak nema allanema elpasengvomok taqmelaikama lhma aliemhapma ta Nepkesek Apketkok, ka stakha nak ko'o alheianma have niapak, aniem'o nhan Eniapom Neten —lhta aptak heiano ángel.