Romanos 8:26 - Nuevo Testamento Toba Maskoy

²⁶ Mongeliennaktema ennengko'o, mangeliohok na aktemakha akpeivomo nengenmalhnongkoma Eniapom Neten, koka Espíritu Santo hengelpasmak ma'a, apkelmalhnema apmalengioikama Eniapom Neten kakpota hengeltaqmelkese mota m'a, mangeliohok ennengko'o aptakha mota.

Romanos 8:26 ပူးပေါင်းရင်းမြစ်များ

Lucas 22:44

Avanhek ankek nak aplengaiangko akientalhnema m'a, koka niangveiakmek nak apkenmalhnonkoma Jesús ma'a, akteiapmo lhnak na apiemes ma'a malha ema lhna ntemak ma'a.

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Romanos 15:1

Nengelelto nak aliennaktema mongeliaskeiam Eniapom Neten mangkolatsema mota anteniangkok nenmak'akha la antangkok. Ntasek koka enmankok takha apkenmak'akha la nhan etnangkok nkoliennaktema nak meliaskeiam Eniapom Neten.

Romanos 7:24

¡Ennengko'o la ie, se lha hengelpaqnengkaskesekha ngkollatsekama nak malha akiennaktema nkek hengenmaikamok la'a!

Romanos 8:15

Metlhevangkok ketlhengkap apvalhok anmahai'a nak nkoltemeskesek malha allasennaikama nema apkelianmoma, ka nhan altemeskeskama nak apkellai'a mokhom, apketlhevangkek koka Apvalhok apkeltemeskeskama Eniapom Neten apketkak. Kolhva koka apvanka'ak elteteskakhak Eniapom Neten, apvanka'ak na elpaqmetkesek nalhepe' apkelpaqmeiasma ellanhoho', etnangkok ellana hengke'e: —Ta.

2 Corintios 5:2

Neksa nelloma mokhom hengke'e nalhepop anak nlhengama enneniek ngkanek avanhek nemmahai'a angenmangkok ma'a malha nengakhaiangkolha mo'ok neniokha akieto m'a neten.

2 Corintios 5:4

Neksa nellaniemhaikama hengke'e neliokha nak malha pa'at, nelleklhangvek aniem'o nellengaiangko, malha niekhe mangeleltemo nkotvasalhkak neniokha nak akmovana nak nkomaskengvomok, koka nengeleltavek niekhe angetlhevangkok kolhvave nak alhnankok neniokha mankomaskengvaiam.

Galatas 4:6

Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"

Efesios 2:18

Kolhva koka judios kakpota nhan metnangko judios nnangkek aknemo mo'ok Espíritu, envanka'ak kolhva antangkok nengaqtek ankek Eniapom nenlhamakho.

Efesios 6:18

Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.

Hebreos 5:2

Ka apiav'akha nak sacerdote meienna'ak ma'a ngkanek enenlhet apankek ma'a, apvankek koka nhan elietnahok napaqta'a enenlhet'avok la meliangveiakmo kanhan malha apketlheneiam anak.

Santiago 4:3

moklhem'a koka niekhe apkelelmalhnekama m'a koka metlhevaiangkok na m'a ngkanek mangkolatsekama apkelelmalhnekama, vanlha songke mota apteniaikamok nkeskama patakkom kakpota nkoteskesek akpaiesekha la apvalho'ok ma'a aniem'o apkellanai'a ngkollatsekama.