Romanos 8:16 - Nuevo Testamento Toba Maskoy

^16-17 Ka Espíritu nak apaqmetkesangkek engelvalho'ok engankave, have niapak ankek ennengko'o nak nengelelto Eniapom Neten apketkak, angetlhevangkok hata lhemek Cristo aptemakha lhta apeneskamo apaivoma Eniapom Neten. Nengelelto la angetlhevangkok hata altakmanma m'a, nnavek na Cristo m'a elhkak hata, nkaimelhkek koka sekhek angenmangkok takha akvo'o la akientalhnema nak ma'a, aptemo lhta nhan Cristo.

Romanos 8:16 ပူးပေါင်းရင်းမြစ်များ

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Hechos 5:32

Ennengko'o nhan nelvetaiangko m'a lhamakho qaselha nak, apvetaiangkek na Espíritu Santo m'a apkellaiangko lhta Eniapom Neten aplhamakho enenlhet apkelleliehekho la'a —lhna aptaiangkok nema alapaskamo m'a.

Romanos 8:14

Aplhamakho apkellelto la apkenmaikama Espíritu apankok Eniapom Neten, koka apkelvesai'a Eniapom Neten apketkak ma'a.

Romanos 8:19

Avanhek na alel·halhanma qaselha apkelentepkeskama lhnak na nek, Eniapom Neten eltemeskasekhak ma'a alientalhnemo apkellelto apketkak.

Romanos 8:23

Nellapentengkek na ennengko'o, niekhe akietnema Espíritu apkelientemongkeskamo lhta amanie hengellaikamok, nkaqhok koka avanhek nellengaiangko nengelel·halhanma ngkolhek hata hengeltemeskesakho Eniapom Neten apketkak akiokho nkoie, ngkolhek hata nhan akiaqmongkasakho mo'ok neniokha alhnankok nkanek neniokha nak anmaikama mota maniamolhma.

Romanos 8:26

Mongeliennaktema ennengko'o, mangeliohok na aktemakha akpeivomo nengenmalhnongkoma Eniapom Neten, koka Espíritu Santo hengelpasmak ma'a, apkelmalhnema apmalengioikama Eniapom Neten kakpota hengeltaqmelkese mota m'a, mangeliohok ennengko'o aptakha mota.

Romanos 9:26

Ka ntemak na aktalhesammalhka mo'ok: «Akieto nak ma'a, lhna nnema aktemo have askennemolhema ketlhengkap, koka akieto nak ma'a hata nhan etlhenakpok apketkak Eniapom Neten apto menietsepma».

Romanos 9:8

Koka akvesai'a m'a, mankollapvankek etnangkok Eniapom Neten apketkak aniem'o m'a aptaikamok judios, nlho ka la nhan po'ok enenlhet, vanlha koka aniem'o m'a apeneskamo lhnak nanek apaivoma aplheianma Eniapom Neten ellangkok hata.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 1:22

Hennaktalheskamo nhan mongenatkeskama apankok engvalho'ok apvesai'a Espíritu Santo, akto aktemeskeskama have niapak ma'a apanko'ok ennengko'o Eniapom Neten.

2 Corintios 5:5

Hengellangkek ennengko'o Eniapom Neten Espíritu akto aktemeskeskama have niapak ma'a angetlhevangkok hata ma'a.

2 Corintios 6:18

atnekhak hata apiapma'ak ketlhengkap, etnangkok na ketlhengkap eietkak apkelennava'ak kanhan ngkelvana'ak», lhnak nanek aptemak Apveske apto vanlha lhema aphapak aknema apmopvana apanke'.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

Galatas 4:6

Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"

Efesios 1:13

Ketlhengkap na apkellailhemave lhta ania'a aktaqmanma akto have niapak ankek aktemakha hengvongkeskama tep, meliaskeiakmo lhta nhan ma'a aniem'o Cristo. Aptemo nhan Eniapom Neten malha apnaqtalheskama lhta nhan qaselha mongenatkeskama apvalho'ok apvesai'a Espíritu Santo kakpota etnangkok malha apanko'ok ma'a, aplheianmo lhnak nanek na Eniapom Neten have niapak ankek ellangkok hata m'a.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.

1 Juan 3:1

Avanhek ankek hengamelaiam Eniapom, ka nkeniemai'ak hengeltemeskeskama nelvesai'a Eniapom Neten apketkak ma'a. Manghengeliekpelkak ma'a apkellelto nak apkellanekamok ngkollatsekama ngkanek meliekpelkak na Eniapom Neten.

1 Juan 3:10

¿Ko la aptemakha anioho' apto la Eniapom Neten apketka, kanhan atka la keliaqhameio aveske, he? Nkaimelhkek hata ellanama sekhe' apkellangiemhaikama m'a, ka melan'o la qaselha altaqmelo m'a, meniasekhek na enialheng, have Eniapom Neten apketka m'a.

1 Juan 3:2

Ketlhengkap apkellelto nak askellamelaiam, kolhva koka nentaiangkok Eniapom Neten apketkak, mangeliohok akiokho nkek nkotnek hata nellaniemhaikama, vanlha nekha atketsek neliohok ma'a. Koka nengeliavek angennekhok hata malha apiokha nak ma'a apvaktamo ta.

1 Juan 4:13

Neliavek ennengko'o nengelpasmekha engankavek Eniapom Neten ngkanek hengellaiangke lhta Espíritu apankok.

1 Juan 5:10

Apto la enenlhet mei'askeiam Eniapom Neten apketka, apmek na takha aplheianma Eniapom Neten aptemakha Apketka. Koka apiaskakmo la enenlhet, apkeltangkek na apmopvana ania'a Eniapom Neten.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.