Romanos 8:14 - Nuevo Testamento Toba Maskoy

¹⁴ Aplhamakho apkellelto la apkenmaikama Espíritu apankok Eniapom Neten, koka apkelvesai'a Eniapom Neten apketkak ma'a.

Romanos 8:14 ပူးပေါင်းရင်းမြစ်များ

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Romanos 8:19

Avanhek na alel·halhanma qaselha apkelentepkeskama lhnak na nek, Eniapom Neten eltemeskasekhak ma'a alientalhnemo apkellelto apketkak.

Romanos 8:5

Apkellelto nak anmaikama aliaspongkomakha apkelvalho'ok, vanlha mota atlheianma apvalho'ok ellanangkok qaselha ngkolatsekama. Koka apkellelto nak apkenmaikama Espíritu Santo, vanlha mota atlheianma apvalho'ok ellanangkok apkeltemelha la ellanangkok ma'a.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

Romanos 9:26

Ka ntemak na aktalhesammalhka mo'ok: «Akieto nak ma'a, lhna nnema aktemo have askennemolhema ketlhengkap, koka akieto nak ma'a hata nhan etlhenakpok apketkak Eniapom Neten apto menietsepma».

Romanos 9:8

Koka akvesai'a m'a, mankollapvankek etnangkok Eniapom Neten apketkak aniem'o m'a aptaikamok judios, nlho ka la nhan po'ok enenlhet, vanlha koka aniem'o m'a apeneskamo lhnak nanek apaivoma aplheianma Eniapom Neten ellangkok hata.

2 Corintios 6:18

atnekhak hata apiapma'ak ketlhengkap, etnangkok na ketlhengkap eietkak apkelennava'ak kanhan ngkelvana'ak», lhnak nanek aptemak Apveske apto vanlha lhema aphapak aknema apmopvana apanke'.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

Galatas 4:5

Apvai'a lhta m'a apianmongkeskekho akianmoma hengel·hatsoskekho nhan neksa hengenmaikama ley, kakpota hentangkokhak apketkak Eniapom Neten.

Galatas 4:6

Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"

Galatas 5:16

Asmak'ak alleltennaksek ketlhengkap mokhom, eleliehekho ta Espíritu kakpota meleliehekhek hata aliaspongkomakha nak apvalho'ok.

Galatas 5:18

Koka apkellokha la ketlhengkap apkeleltennasekamok anak Espíritu, mmaskek anmangko ley ketlhengkap.

Efesios 1:5

ka nkeniemai'ak na hengeltemeskeskamo apketkak aniem'o Jesucristo. Hai, aptema apankek ma'a nkanek avanhek hengellasekhai'o.

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

1 Juan 3:1

Avanhek ankek hengamelaiam Eniapom, ka nkeniemai'ak hengeltemeskeskama nelvesai'a Eniapom Neten apketkak ma'a. Manghengeliekpelkak ma'a apkellelto nak apkellanekamok ngkollatsekama ngkanek meliekpelkak na Eniapom Neten.

1 Juan 3:24

Enenlhet apkellelto la apkelleliehekho apkellanemakha etnangkok Eniapom Neten, apkelpasmekha nhan ma'a, Eniapom Neten na apkelpasmakhak ma'a. Ka ngkanek nengeliavek na ennengko'o apnek engelvalhok Eniapom Neten aniem'o Espíritu apankok hengellaikamo lhta.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.