Romanos 7:5 - Nuevo Testamento Toba Maskoy

⁵ Lhennenga lhta ennengko'o nengellaneiangke mota qaselha ngkollatsekama, hengenmaikama lhta aliaspongkomakha nak engelvalho'ok, hengeliateiangke lhta angeliekak ley, ka nkanek akvai'o nak ma'a nengetsepma.

Romanos 7:5 ပူးပေါင်းရင်းမြစ်များ

Juan 3:6

Enenlhet apto la apteiam apkeniem'o ngkana'ak, enenlhet apankek nan ma'a, koka apto la nhan apteiam aniem'o Espíritu, espíritu nhan ma'a.

Romanos 1:26

Meliamolhma songkek ma'a, elieniekhak Eniapom Neten kakpota etlhengkesek apankavek anmahai'akha apvalho'ok apankavek ellanangkok qaselha henmankaskama nak, ngkelvana'ak mmaskek akteniangko anakteiangka'a apkelennava'ak apankave, ngkelvana'ak lhemek koka nkenmakhak ma'a.

Romanos 3:20

Mankollapvankek enenlhet etlhenakpo apankavek apkelpeivomo napaqtek Eniapom Neten aniem'o apieplavkeskama ley, ngkanek ley anak hengelvetaskaskek mongeliehekho hengellaskamakha Eniapom Neten.

Romanos 4:15

Niaqmonkasakhek aptemakha meleliehekhok la enenlhet ley, koka metko la ley, mamma apketselhnanemmap ma'a meleliahakho la'a.

Romanos 5:20

Ka aktemakha lhnak nanek akvai'o ley Moises ma'a atlhenkeskekho apvalho'ok enenlhet meleliehekho apkellaskamakha Eniapom Neten, niaveiangkek nak nanoka meleliehekho m'a, koka neten ankek nak nanek na ntemak akiavekamok aktaqmanma apkellanei'o Eniapom Neten.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Romanos 6:19

Koka nientelhek eliangvomhok asketlhekmoskama lhkaiek, ka nkeniemai'ak na atlhekmoksek asietkeskama aspaioma m'a. Lhennenga lhta ketlhengkap anmaikama maniamolhma nak, aliateiangko lhta nhan ellanangkok qaselha akpaiseiam, qaselha ngkolatsekama metka apkel·halhiongveianlha. Kolhva koka ntase ellangkok enmama Eniapom Neten kakpota apvanka'ak elvatesangkok ngolatsekama nak, ellanangko mota qaselha altaqmelo.

Romanos 6:21

¿Nkeltaqmelkeskeskangke nlho lhta apkellangiemhaikama ketlhengkap aniem'o apkellanekamok qaselha henmankaskama nak, he? Ma, vanlha lhtoka akmahai'o nkonnapok, nkolienievkesek na Eniapom Neten.

Romanos 6:23

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Romanos 7:23

koka engelvalho'ok anak ennengko'o nnankek ley ankok ngkollatsekama nak, nkennapelhkek na ley apankok anak Eniapom Neten, hengeliatengkek angellanangkok qaselha ngkollatsekama.

1 Corintios 15:56

Nengetsepma nak hengaqhaie akieplomo akmaikama malha heva nkok akvesai'a ngkollatsekama, koka ley anak akto akvetaskeskama apkelanai'a la meihamolhma enenlhet.

2 Corintios 10:3

Niekhe nellaniemhaikama apieseksek enenlhet apkellelto nak meleliehekhok Eniapom Neten, ennengko'o koka mok aktema nentaiangkolha.

Galatas 3:10

koka enenlhet apkellelto la apkelielhanmekama ley, nema aliematkeskama nhan ma'a, ka ntemak vakkahak Eniapom Neten apaivoma hengke'e: «Nema akiematkeskama m'a apto la mesavhomo apieplavkeskama ley».

Galatas 5:24

Nenlhamakho nengelelto nelpasmekha Cristo Jesús malha ntemak neliaqhapkeskekha la neten iamet aktenneskama akiaspongkomakha nak engelvalho'ok akteniai'a na mota nkolanak ngkollatsekama.

Efesios 2:11

Ketlhengkap apkellelto nak metnangko judios, kotlheianvakho no apvalho'ok apkeleltaiangko lhta judios aknaikamo nak nema aliaqtemanma nak nekha tkok apkellammelhakha aniem'o koka enenlhet, apkeleltaiangko lhta mota metka aliaqtemenammalhka nekha tkok apkellammelhakha ketlhengkap.

Efesios 2:3

Nenlhamakho ennengko'o nengeleliehekhavek anmahai'akha nke nak engelvalho'ok angellanangkok qaselha ngkolatsekama. Ngkolatsekama alketansema engelvalho'ok nahan, nengeleliehekhave lhta mota aliaspongkomakha nak engelvalho'ok vanlha mota akteniaikama nkolanak ngkolatsekama, hengelietemave lhta angetlhevangkok nema akiaqmongkasekha nnavek na m'a aplhamakho enenlhet anak meleliehekho.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.

Santiago 1:15

netamen apkelan'ak ngkolatsekama m'a, nkoiangvomok hata m'a apkelanai'a ngkollatsekama akvakmo apketsepo ta ngkotnek.

Santiago 4:1

¿Ko la aniem'akha apkennapommap anak ma'a kakpota nhan apkellatemommap apieseksek anak ketlhengkap elialheng'a, he? Koka nkeniemai'ak ma'a annapommalhka aliaspongkomakha na mota apvalho'ok apankavek ellanangkok ngkollatsekama.

1 Juan 3:4

Koka apkellelto nak apkellanekamok qaselha ngkollatsekama, apkelieka'a mota ley apankok anak Eniapom Neten, ¡mangkolatsekama nkek ma'a apkellanekamok!