Romanos 7:4 - Nuevo Testamento Toba Maskoy

⁴ Nnavek na ketlhengkap ma'a elialheng'a, mamma akmovana ley takhaplhet'ok ngkanek malha apkeletsepmo lheme lhta Cristo, apto nhan nema aklhatekhaskeiam apieseksek apkenmaskengvaiakmo. Kolhva koka aptangkokhak apkelpasmekhak Cristo, apvanka'ak na ellanangkok qaselha akleklemelha la apvalhok Eniapom Neten.

Romanos 7:4 ပူးပေါင်းရင်းမြစ်များ

Marcos 4:20

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkellailhavek ania'a, apkenmek na takha, ngva'ak na aktema ngkeskama akielhna m'a, moklhem'a 30 akielhna, po'ok na 60, po'ok na 100 akielhna —lhna aptemak apkelpeiveskasakho apietkeskama Jesús.

Juan 15:8

Akietno la ketlhengkap ngkeskama akielhna, etnangkok hata have niapak ankek askeltamesaikamok, elvetak hata enenlhet'avok apmopvana ko'o Tata.

Juan 3:29

Neksa aktaqmelaikama lhma aliemhapma la'a, neten ankek apiaspommap apokkenammap anak aliemhapma, nkoliemhapok apmahai'akha. Apketsevasavek na m'a apto aptaiangkolha la aplhelhma nengaqte, mpaihakhek na apvalhok apleng'o apkeltennaikama m'a. Nnavek na ko'o lha, mpaihakhavek ankek evalhok kolhvave nak,

Juan 6:51

Ko'o asto nak pan apkeliennakteskama apnenio'ok apkeniem'o neten. Aptavengko la moklhem'a, nkolhnangkok hata aliennaktema apnenio'ok mangkotnengvaiam annelha. Asiokha nak askellaikamok malha pan kakpota nkolhnangkok aliennaktema apnenio'ok aplhamakho enenlhet'avok lhmankek ham —lhta aptak Jesús.

Romanos 6:11

Kotlheng apkelvalho'ok ketlhengkap malha apkeletsepmo lhemek Cristo, ka nkeniemai'ak mankollapvankek mokhom eltemengvakho lhma. Vanlha koka apvanka'ak ellanangkok akleklemelha la apvalhok Eniapom Neten aniem'o apkelpasmekha m'a Cristo Jesús.

Romanos 6:14

Ka apkellanengko la m'a astakha lhkek alheianma, mmaskek anmangka ngkollatsekama, mmaskek na apkellava koneng ley, kolhva koka apkelloka koneng aktaqmanma nak hengellanei'o Eniapom Neten.

Romanos 6:2

¡Mma'! Mmaskek nellanengko ngkollatsekama, mankoietok angelieplavkesek mokhom nellanekamok ngkollatsekama.

Romanos 6:22

Kolhva koka nnengkek alpaqnengkasekho neksa anmaikama ketlhengkap ngkollatsekama nak, aptangkokhek apkellasennaikama Eniapom Neten, apvanka'ak na elentepkeskesek elvanengkesek qaselha altaqmelo, kakpota nkolhnangkok na aliennaktema apnenio'ok nkotnengvaianlha nnelha.

Romanos 7:3

Koka apno la mokhom atava, nkomekhak po'ok, nkotvaksek hata nhan aliemhapma. Koka apketsepo la atava, mmaskek na akmovana takhalhet ley ma'a, avankek nkoteniekhak po'ok atava, have nhan akvesai'a m'a aktevaskama la aliemhapma.

Romanos 7:6

Kolhva koka mmaskek hennakteto m'a ley ennengko'o, ngkanek malha neletsepmo lhemek Cristo. Envanka'ak angellasennama Eniapom Neten alhnankok nentemakha, aniem'o nhan hengelleltennasekamok Espíritu m'a, have m'a nentaiangkolha lhta lhennenga hengelleltennasekamok alhta ley.

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

1 Corintios 10:16

Nenienaiangkek ennengko'o mota nohaikok akieplomo vino aktaqmanma akietkesammalhka m'a ema apankok Cristo, aniem'o nhan nelpasmekha m'a. Neliapteiangkek na, nentoiangko nhan pan akietkesammalhka koka nhan apiokha m'a aniem'o nhan nelpasmekha m'a.

2 Corintios 11:2

Have astema ehenkek askeliatekama nak, Eniapom Neten koka heiaikamok akiavai'a nkek askenmasmo mota altakmelkesek ketlhengkap kakpota meltemengvakhe lhma apankavek ham kakpota elpasmekhak na Cristo, malha kto nak ngkelvana atkok la metka nema akmangveiam alienlhaneiakmo nak akvakmo aliemhapo atava la aktema.

Galatas 3:13

Hengel·hatsoskakhe lhta Cristo apianmongkeskekho akianmoma neksa hennaqtevaskama ley, malha nha ntemak apatmekha la nema hennaqtevaskama m'a. Ka ntemak na aklheianma vakkahak Eniapom Neten apaivoma hengke'e: «Nema akiematkeskama apto la apketsepma apiepetkasemmap neten iamet poste».

Galatas 5:18

Koka apkellokha la ketlhengkap apkeleltennasekamok anak Espíritu, mmaskek anmangko ley ketlhengkap.

Efesios 2:15

Apmaskeskakme lhta nhan henganemakha ankok anak ley, hanet apkellavakha lhta niekhe, aptemeskasakhe lhtoka malha lhema apkellavakha alhnankok apkelpasmekha nhan ma'a Cristo. Apsoiakmo lhta nhan altaqmelaikama apvalho'ok apieseksek anak ma'a.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 4:17

Have ko'o asteniai'a mokhom qaselha hepasmoma la'a, vanlha koka asteniak etlhevangkok nema akiaqmongkasekha ta aniem'o helpasmoma ko'o.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

Colosenses 1:6

akvai'o sekha lhta. Ka ania'a nak mpaihakhek aklengammalhka halhmankek ham, aliaqmongkaskesekho nhan mo'ok apvalho'ok enenlhet'avok apkellelto la apkellengai'a, ka aktaiangko lhta nhan ketlhengkap ma'a aliaqmongkaskesekho mo'ok apvalho'ok neksa apkenmaikamo lhta takha aktaqmanma nke nak apkellanei'o Eniapom Neten, kakpota nhan akto have niapak anke nak.

Colosenses 2:14

Nietnengkek nak nanek lhennenga lhema vakkahak henganemakha aktalhesammalhka aknaikamok malha neliaqmoikamok la'a, koka Eniapom Neten alhta malha apiaqlhakvekha neten iamet aktenneskama m'a, aptevasekho nhan ma'a.

Colosenses 2:20

Neksa malha apkeletsepma lheme lhta Cristo ketlhengkap, apkelpaknengkaskesakhe lhta akmovana henganemakha aniem'o enenlhet. ¿Se kla ktemo aqnaktetemo nak mokhom henganemakha nak, he?

Hebreos 10:10

Hai, apmahai'a etnek hengelpokkanma Eniapom Neten kakpota antangkok apkennemolhema m'a aniem'o Jesucristo apkaiangko lhta apankek apiokha kakpota ematong lhema aktema koka m'a.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

Apocalipsis 19:7

Nkolpaihekhak engelvalho'ok, angelletsevasoho, angetlhenek apto neten apankek akiaspommalhka apvesai'a m'a ngkanek ngva'ak knem akmahai'a nkoliemhapok Nepkesek Apketkok, mpenesavek apmahai'akha alanekha aktakha.

Apocalipsis 21:9

Asvet'o lhta lhema phapak ángel apkeniem'o m'a apieseksek 7 lhta apnaikamok 7 nohaikok apanko'ok allaneiangko aktakha nnelha 7 qaselha akmovana hentevaksek ma'a, lhta aptak heiano: —Elheng, ateskesek hata apmahai'akha Nepkesek Apketkok kakpota etnek aptava m'a —lhta aptak heiano.