Romanos 6:3 - Nuevo Testamento Toba Maskoy

³ Kotlheianvakho no apvalho'ok ketlhengkap neksa nema hengellavkesaikamok alhta konne iemmen ma'a, malha neletsepmo lheme lhta ntemak Cristo.

Romanos 6:3 ပူးပေါင်းရင်းမြစ်များ

Hechos 19:5

Apkenmaiangkek nak takha ania'a apkellengai'o m'a, nemo lhnak na allavkeskamo konne iemmen ma'a akieplomo koka apvesai'a Apveske Jesús.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 8:16

Man noka elvaiventak takhaplhet'ok mokhom Espíritu Santo m'a, vanlha lhnak nemo allavkeskamo konne iemmen aniem'o apvesai'a apveske Jesús.

Romanos 6:16

Apkeliavek ketlhengkap apkellelto nak nema allasennaikama nema apkelianmoma apkeleliahakhave mota apveske apanko'ok. Ka aptangko la aveske apanko'ok akvesai'a nak ngkollatsekama, eletsepok hata ketlhengkap ma'a, koka aptangko la apveske apanko'ok Eniapom Neten, elloka ta nha mota apkellanekamok qaselha akpeivomo.

Romanos 6:8

Nenlhamakho nengelelto neletsepmo lhemek Cristo, have niapak anke hata ngkotnek ma'a angelloka ta lheme Cristo.

Romanos 7:1

Ketlhengkap elialheng'a, apkeliavek ley anak nietnek akmovana takhaplhet'ok apkellelto nak mokhom aphalhnanko'ok, koka apkeletsepo la'a, mmaskek na akmovana ley.

1 Corintios 10:2

Malha lhna niekhe ntemak aplhamakho apkellavkesammap la iephopai'a kanhan alvata, apkelpasmekho lhnak nanek na Moises ma'a.

1 Corintios 12:13

Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.

1 Corintios 15:29

Hai, have niapak ankek enaklhatekhangvomok hata apkeletsepma nak, ka nkeniemai'ak ma'a apkellavkesammakpo na apankave iemmen moklhem'a ketlhengkap apiaqmoiekha la lhema enenlhet apketsepma.

1 Corintios 3:16

Kotlhen hata apvalho'ok ketlhengkap elialheng'a, malha Eniapom Neten apnemakha ketlhengkap, apnek Espíritu apankok Eniapom Neten apvalho'ok ketlhengkap.

1 Corintios 5:6

Mangkolatsema ellakpok ketlhengkap aktakha qaselha apieseksek anak ham, maniamolhma nak malha niekhe alena apiepheskama nak, ketsek niekhe nengankai'a, koka apiephakhavek ma'a.

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

1 Corintios 6:9

¡Ellaho ta m'a melietehek aptangkolha! Enenlhet la apkeltemengveiakmo lhma metnangkek hata apkennemolhema akieto nak aptemakha Apveske Eniapom Neten, apkellelto la apkellanaktema, apkeltakneskasekamok qaselha akiokha alanemmalhka, apnaqtevaskamo la aliemhapekamok, aptaikamok iama ngkelvana'ak, apkenmekha apkenno lheme', apkenmenielhaikamok, apkenmasmo qaselha apanko'ok, anmen ato'ok, apkeltaknevaikamaha, apkenmopvanka'a eliennengkesek po'ok. Ka lhamakho nak hengke'e metnangkek hata apkennemolhema akieto nak ma'a aptemakha Apveske Eniapom Neten.

1 Corintios 9:13

¡Apkeliave niekhe nhan ketlhengkap apkellelto nak apkenmakmekama Eniapom Neten apnemakha, apketlhevangke mota akianmoma m'a apkenmakmekama! ¡kakpota nhan apkellelto nak apkellasennaikama alvanlhemmalhkelha qaselhaha, aptavengkek na m'a akmatnama mota apnaqtoskama nema akpekkanvekha la m'a!

1 Corintios 9:24

Apkeliavek ketlhengkap aktonak nelpaivasemmalhka nak aplhaniek apkeniaikamok ma'a, koka lhema aphapak enaksepok akianmoma. ¡Eltaqmelkaso ta malha aptaikamok apkelpaivasemmap kakpota etlhevangkok akianmoma!

2 Corintios 13:5

Ellanho ta apvalho'ok apankave ketlhengkap nnangke kelha niekhe aliennaktema meliaskeiam, nkotlheianvakhok hatelha nhan apvalho'ok mankolhnaikamok meliaskeiam Jesucristo.

Galatas 3:27

Neksa malha nema allavkeskama lhta apieplomo Cristo ketlhengkap, malha lhta nha ntemak apkelapma la Cristo,

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,