Romanos 6:23 - Nuevo Testamento Toba Maskoy

²³ Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Romanos 6:23 ပူးပေါင်းရင်းမြစ်များ

Juan 10:28

Askellangkek na apkeliennaktema mankotnengvaianlha nnelha, meletsepek hata, mangkolhek na heleiveskesko'o m'a,

Juan 17:2

Lheiap apkaikamok apientalhnema Apketka takhaplhet'ok aplhamakho enenlhet'avok kakpota ellangkok aliennaktema apnenio'ok mankotnengvaianlha nnelha apkellelto lhta apkellaikamok lheiap kakpota eltaqmelkeskesek ma'a Apketka nak.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Juan 4:36

Etlhevangkok hata akianmoma apkellelto la apkenmakmekama apnaklhekamok akielhna. Ka akielhna nak enenlhet ma'a ngkoitek hata aliennaktema apnenio'ok nkotnengvaianlha nnelha m'a. Nkolpaihekhak hata apvalho'ok lhemek ma'a apkellelto apkenaikamok kakpota nhan apnaklhekamok.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

Juan 6:68

Ka apkatemmongka lhta Simon Pedro m'a, lhta aptak: —Apveske, mamma apno enenlhet lheiap, vanlha lheiap apaivoma nak avankek hengankok akiennaktema ennenio'ok nkotnengvaianlha nnelha.

Romanos 1:32

Apkeliavek niekhe Eniapom Neten aptemakha aplheianma nietavek eletsepok meliamolhma nak ma'a. Aptaiangkek koka apankavek ma'a, nkelpaihakhe mota apvalho'ok apkelvet'o la apkellanekamok ngkollatsekama po'ok ma'a.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

Romanos 5:12

Ka akvai'o lhnak nanek mongeleliehekho hengaskamakha Eniapom Neten aniem'o lhema aphapak enenlhet apvesai'a Adan. Meliehekho lhnak nanek apkaskamakha m'a Eniapom Neten. Netamen akpaihekho lhmankek ham nengetsepma nak ngkanek aplhamakho nhan enenlhet'avok meleliehekho m'a.

Romanos 5:17

Aveske lhta ntemak nengetsepma nak apieseksek enenlhet'avok aniem'o lhta lhema enenlhet meliehekho apkaskamakha Eniapom Neten. Kolhva koka nkoltemeskesek hata apkelientalhnemo apkellelto apketlhevaikamok alhnankok apkellangiemhaikama, nema altemeskeskama nhan apkelpeivomo metka akianmoma aniem'o lhema enenlhet apvesai'a Jesucristo.

Romanos 5:21

Mang nantek na meleliehekho apkellaskamakha Eniapom Neten, lhna songkek akvai'o nengetsepma m'a. Kolhva koka nhan ngvai'ak aktaqmanma hengellanei'o Eniapom Neten, hengeltemeskeskamo nhan nengelpeivomo metka akianmoma, kakpota nhan hengellaiangko akiennaktema enneniek mankotnengvaianlha nnelha aniem'o Apveske engankok Jesucristo.

Romanos 6:16

Apkeliavek ketlhengkap apkellelto nak nema allasennaikama nema apkelianmoma apkeleliahakhave mota apveske apanko'ok. Ka aptangko la aveske apanko'ok akvesai'a nak ngkollatsekama, eletsepok hata ketlhengkap ma'a, koka aptangko la apveske apanko'ok Eniapom Neten, elloka ta nha mota apkellanekamok qaselha akpeivomo.

Romanos 6:21

¿Nkeltaqmelkeskeskangke nlho lhta apkellangiemhaikama ketlhengkap aniem'o apkellanekamok qaselha henmankaskama nak, he? Ma, vanlha lhtoka akmahai'o nkonnapok, nkolienievkesek na Eniapom Neten.

Romanos 8:38

Nengeliavek na ennengko'o akto have niapak ankek mamma qaselha akmovana hengelieniavkesek hengamelaiam Eniapom Neten, niekhe nengetsepma, nengeliennaktema, ángeles, kasekapo av'alho'ok, aktakha nenvetai'a kolhvave nak, aktakha ta nhan emmanie nak.

Romanos 8:39

Mamma akmovana aniem'o neten anak kakpota nhan konne ankek nalhepop anak, mamma qaselha apkelentepkeskama lhta Eniapom Neten, mankollavankek na hengelienievkesek hengamelaiam Eniapom Neten aniem'o Apveske engankok Cristo Jesús.

Romanos 8:6

Apkellelto nak apkellanekamok qaselha ngkollatsekama, nnek aliaqmongkasakho apkeletsepma, koka apkellelto la apkellanekamok qaselha akleklemelha nak apvalhok Espíritu Santo, nnek akiaqmongkasakho aliennaktema apnenio'ok kakpota nhan altaqmelaikama apvalho'ok.

Galatas 3:10

koka enenlhet apkellelto la apkelielhanmekama ley, nema aliematkeskama nhan ma'a, ka ntemak vakkahak Eniapom Neten apaivoma hengke'e: «Nema akiematkeskama m'a apto la mesavhomo apieplavkeskama ley».

Tito 1:2

alel·halhanma apvalho'ok na etlhevangkok hata aliennaktema apnenio'ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma'a, tep nak nanek ampai'osekha nkek aknem aklhengama aplheianma ellangkok ma'a.

Santiago 1:15

netamen apkelan'ak ngkolatsekama m'a, nkoiangvomok hata m'a apkelanai'a ngkollatsekama akvakmo apketsepo ta ngkotnek.

1 Juan 2:25

nkolhnangkok hata nhan aliennaktema apnenio'ok mankotnengvaianlha nnelha apeneskamo lhta aplheianma apkeleltennasekamok.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.