Romanos 6:14 - Nuevo Testamento Toba Maskoy

¹⁴ Ka apkellanengko la m'a astakha lhkek alheianma, mmaskek anmangka ngkollatsekama, mmaskek na apkellava koneng ley, kolhva koka apkelloka koneng aktaqmanma nak hengellanei'o Eniapom Neten.

Romanos 6:14 ပူးပေါင်းရင်းမြစ်များ

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 8:36

Vanlha apvanka'ak na etnangkok enenlhet'avok metka anmaikama maniamolhma aniem'o apkelpasmoma Apketka nak.

Romanos 11:6

have aniem'o aptaiangkolha apankavek la'a. Ka apkeliekieso la Eniapom Neten enenlhet'avok aniem'o aptaiangkolha apankavek la'a, mmaskek ma'a apkeliekieso aniem'o aktaqmanma nkek apkellanei'o m'a.

Romanos 4:16

Aptemakha lhnak nanek apeneskamo aplheianma Eniapom Neten ellangkok hata, apketlhevangkek ma'a aplhamakho aptavana'ak neptamen Abraham aniem'o la meliaskeiam, metka akianmoma. Apkellelto nak judios akietnema ley Moises kakpota nhan aplhamakho enenlhet'avok lhma nkek ham aknangko la nhan meliaskeiam malha aptemo lhnak nanek na Abraham, apto nhan malha eniapma'ak nenlhamakho nengelelto nak mongeliaskeiam.

Romanos 5:17

Aveske lhta ntemak nengetsepma nak apieseksek enenlhet'avok aniem'o lhta lhema enenlhet meliehekho apkaskamakha Eniapom Neten. Kolhva koka nkoltemeskesek hata apkelientalhnemo apkellelto apketlhevaikamok alhnankok apkellangiemhaikama, nema altemeskeskama nhan apkelpeivomo metka akianmoma aniem'o lhema enenlhet apvesai'a Jesucristo.

Romanos 5:18

Lhennenga lhta aplhamakho enenlhet'avok apketselhnanemmap aniem'o Adan meliehekho apkaskamakha Eniapom Neten, kolhva koka neltemeskaso apkelpeivomo, apketlhevai'o nhan alhnankok apkeliennaktema aniem'o apketsepma Jesucristo akietemo nkoie'.

Romanos 6:12

Ka ngkanek na ketlhengkap mellankek nkonmama mokhom ngkollatsekama, aliatekamok anak apvalho'ok ellanangkok ngkolatsekama.

Romanos 6:15

Hai', mmaskek nellava koneng ley, kolhva koka nelloka koneng aktaqmanma nak hengellanei'o Eniapom Neten. ¿Ntase nlho niekhe angellanangkok mokhom ngkollatsekama, he? ¡Ma', mankoietok ma'a!

Romanos 8:12

Mankolatsama ta nengeleliahakho la aliaspongkomakha nak engelvalho'ok ngkanek avankek hengaqhek ma'a, koka nelvatesangko la nellanekamok qaselha ngkollatsekama aniem'o nhan hengelpasmoma Espíritu Santo, angelloka ta nkotnengvaianlha nnelha.

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

Galatas 3:23

Hengenmaikama lhta ley anak akvakmo akvai'o m'a mongiaskeiam anak, malha nennaktemommalhka lhta ntemak akvakmo m'a akno hengelvetaskeso mongiaskeiam.

Galatas 4:21

Eltaqmelkaso no apkellailhemo ketlhengkap apkellelto apkenmahai'a elieplavkesek ley Moises ¿Ma nlho ellengai'ak ketlhengkap aktemakha aklheianma ley nak, he?

Galatas 5:18

Koka apkellokha la ketlhengkap apkeleltennasekamok anak Espíritu, mmaskek anmangko ley ketlhengkap.

Tito 2:14

apkaiangkave lhta nhan apmatnamo m'a kakpota hengel·hatsoskakhak ennengko'o neksa hengenmaikama mangeliamolhma, hengellalhneskeskamo nhan engelvalho'ok ma'a, hengeltemeskeskamo nhan apkennemolhema apanke', anteniangko angellanangkok aktaqmanma.

Hebreos 8:10

Koka alanak hata mokhom alhnankok annemo mo'ok engvalho'ok nenmak'akha ta antangkok enenlhet'avok ko Israel, apekkenek hata ley ehenkok apqatko'ok, kanhan malha asnaktalheskeskama la ley apvalho'ok. Alleltok hata heleltangkok Eniapom Neten apanko'ok, aleltangkok hata nhan askennemolhema m'a.