Romanos 6:13 - Nuevo Testamento Toba Maskoy

¹³ Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Romanos 6:13 ပူးပေါင်းရင်းမြစ်များ

Lucas 15:24

Ngkanek apvaktaniek eietka malha apketsepma lhta aptemak, kolhva koka aphalhnankok mokhom, malha aplheneiam alhta nhan aptemak, kolhva koka asvetakhek mokhom", lhnak aptemak apiapom ma'a. Ka apkelempai'o lhnak apkellanekhak apkeltakha aktaqmelaikama lhma' ankok ma'a.

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Romanos 1:29

Nkellaneiangkek apvalho'ok nkolietemo, ngkollatsekama, apkeliaspekamok qaselhaha, apkeliasepkeskama po'ok, alietnema apkeliemongke lhma', apkennapommap po'ok, apnaqtevaskamo po'ok, apkeliaskemaikamaha.

Romanos 12:1

Ketlhengkap elialheng'a, avanhek ankek apkeltakmelkeskeskama apkellangiemhaikama Eniapom Neten, ka ngkanek ntasek etnangkok malha apkennapekamok anak apnaqtoskama apkellaikamo na mota Eniapom Neten. Koka apkeliokha nak ketlhengkap akieplomo malha aphalhnanko'ok, metka aktemongveiakmo lhma nhan, nkolekkasama nhan apvalhok Eniapom Neten ma'a. Koka akto akietemo nkek eliavenkaskesama Apvesai'a m'a.

Romanos 6:11

Kotlheng apkelvalho'ok ketlhengkap malha apkeletsepmo lhemek Cristo, ka nkeniemai'ak mankollapvankek mokhom eltemengvakho lhma. Vanlha koka apvanka'ak ellanangkok akleklemelha la apvalhok Eniapom Neten aniem'o apkelpasmekha m'a Cristo Jesús.

Romanos 6:16

Apkeliavek ketlhengkap apkellelto nak nema allasennaikama nema apkelianmoma apkeleliahakhave mota apveske apanko'ok. Ka aptangko la aveske apanko'ok akvesai'a nak ngkollatsekama, eletsepok hata ketlhengkap ma'a, koka aptangko la apveske apanko'ok Eniapom Neten, elloka ta nha mota apkellanekamok qaselha akpeivomo.

Romanos 6:19

Koka nientelhek eliangvomhok asketlhekmoskama lhkaiek, ka nkeniemai'ak na atlhekmoksek asietkeskama aspaioma m'a. Lhennenga lhta ketlhengkap anmaikama maniamolhma nak, aliateiangko lhta nhan ellanangkok qaselha akpaiseiam, qaselha ngkolatsekama metka apkel·halhiongveianlha. Kolhva koka ntase ellangkok enmama Eniapom Neten kakpota apvanka'ak elvatesangkok ngolatsekama nak, ellanangko mota qaselha altaqmelo.

Romanos 7:23

koka engelvalho'ok anak ennengko'o nnankek ley ankok ngkollatsekama nak, nkennapelhkek na ley apankok anak Eniapom Neten, hengeliatengkek angellanangkok qaselha ngkollatsekama.

Romanos 7:5

Lhennenga lhta ennengko'o nengellaneiangke mota qaselha ngkollatsekama, hengenmaikama lhta aliaspongkomakha nak engelvalho'ok, hengeliateiangke lhta angeliekak ley, ka nkanek akvai'o nak ma'a nengetsepma.

1 Corintios 6:15

Askeltavek eliangvomhok ketlhengkap apkeliokha nak malha nhan Cristo apiokha. ¿Ntase nlho nkoipetkak apkeliokha nak, aliokha ngkelvana'ak allanaktema, he? ¡Ma, mangkolatsema m'a!

1 Corintios 6:20

apto lhta nhan apkenmama nema akianmoma. Ka nkanek ntasek eltaqmelkese mota apkeliokha nak aniem'o apkeliehekho Eniapom Neten.

1 Corintios 6:9

¡Ellaho ta m'a melietehek aptangkolha! Enenlhet la apkeltemengveiakmo lhma metnangkek hata apkennemolhema akieto nak aptemakha Apveske Eniapom Neten, apkellelto la apkellanaktema, apkeltakneskasekamok qaselha akiokha alanemmalhka, apnaqtevaskamo la aliemhapekamok, aptaikamok iama ngkelvana'ak, apkenmekha apkenno lheme', apkenmenielhaikamok, apkenmasmo qaselha apanko'ok, anmen ato'ok, apkeltaknevaikamaha, apkenmopvanka'a eliennengkesek po'ok. Ka lhamakho nak hengke'e metnangkek hata apkennemolhema akieto nak ma'a aptemakha Apveske Eniapom Neten.

2 Corintios 10:4

Apkenmak'a mota elammelhek akientalhnema akieplomo apkeliennaktema apanko'ok apankavek, ennengko'o koka nelammelhkek akientalhnema akieplomo apmopvana Eniapom Neten, apmopvana enaqtevaskesek na aliennaktema kasekapok av'alho'ok.

2 Corintios 5:14

Hai, avanhek ankek na hengeliephesekama angellasekhekhok ketlhengkap aniem'o Cristo m'a, ampai'o lhta nhan neliangveiakmo apketsepmo lhta lhema enenlhet apkeliaqmoiekha aplhamakho enenlhet lhmankek ham, ka nkeniemai'ak ma'a malha apkeletsepmo lhemek ma'a.

2 Corintios 5:15

Apketsepme lhta Cristo apkeliaqmoiekha aplhamakho enenlhet'avok, kolhva apkellava nak mokhom nenvanlha nak ntasek metenia nkek allekkasekama la apvalho'ok apanko'ok apankave, koka ellekkeskasama apvalhok ma'a apto lhta apketsepma, aplhatekhangveiakmo lhta nhan kakpota eltaqmelkeskesek apkellangiemhaikama aplhamakho enenlhet.

2 Corintios 8:5

Apkelpenesave lhta nhan apketlheianma kakpota ellasennama aktaqmanma nkek Apveske, kakpota nhan angellasennama ennengko'o. Aptangke lhta apkelleltemakha la etnangkok Eniapom Neten ma'a.

Efesios 2:5

Niekhe lhta malha nengeletsepma' aniem'o nellanekamok ngkollatsekama, hengellaiangkek koka nentaikamok enhalhnanko'ok ka aptemo lhta nhan apkelanei'o Cristo. Hengelvongkeskangkek na tep Eniapom Neten aniem'o aktaqmanma nkek hengellanei'o.

Efesios 5:14

Ka nkanek nemo nak aktemo henke'e: «Elhatakha lheiap apto apteianma, etnemekha neten apieseksek apkenmaskengvaiakmo kakpota eniapommetek hata takhaplhet Cristo», lhna nnema aktema m'a.

Filipenses 1:20

Hai', nkel·halhnema evalhok manghenmangkaksek hata enenlhet'avok, have niapak ankek, elvetak hata aplhamakho akietnema asmopvana aniem'o Cristo, niekhe astema ehalhnankok mokhom nlho ka la angvetsepok hatelhaha.

Colosenses 2:13

Lhennenga lhta nhan ketlhengkap malha apkeletsepma lhta ntemak aniem'o meliamolhma, aniem'o nhan metka nhan nema aliaqtemanma nekhatkok apiempeiok meliamolhma nak, kolhva koka apkellangkek Eniapom Neten aliennaktema apnenio'ok lheme Cristo, kakpota nhan etneskesama apankek lhamakho apkeltemakha ngkollatsekama aniem'o apkelpasmekha Cristo.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

2 Tesalonicenses 2:12

Netamen hata m'a ngkolhek hata aleltangko m'a apketselhnanemmap apankavek ngkanek apkeliaskakmek akto haveniapak anke, nkelleklemavek na apvalho'ok qaselha ngkollatsekama nak.

2 Timoteo 2:15

Elienlhanmo ta apkelanai'a akpeivomo lheiap kakpota mangkomangkaksek aktemakha apmakmekama, etlhekmos hato ka akietemo nkek ania'a akto iokhalhme kakpota elhenek Eniapom Neten aktaqmanma apmakmekama.

Santiago 4:1

¿Ko la aniem'akha apkennapommap anak ma'a kakpota nhan apkellatemommap apieseksek anak ketlhengkap elialheng'a, he? Koka nkeniemai'ak ma'a annapommalhka aliaspongkomakha na mota apvalho'ok apankavek ellanangkok ngkollatsekama.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Pedro 4:2

kakpota nhan akiaspongkomakha la apvalhok, apvankek na elana mota qaselha akleklemelha la apvalhok Eniapom Neten.

1 Juan 1:9

Koka netlheno la engankek nellanekamok qaselha ngkollatsekama napaqtek Eniapom Neten, have niapak anke hata nhan etneskesama apankek ngkollatsekama nak ma'a, hengellalhnaskesek hata nhan engelvalho'ok malha alpaiseiam aniem'o nellanekamok ngkollatsekama m'a. Hai', etnek hata m'a aniem'o apieplavkeskama mota apaivoma m'a, apeivomo nhan.