Romanos 6:11 - Nuevo Testamento Toba Maskoy

¹¹ Kotlheng apkelvalho'ok ketlhengkap malha apkeletsepmo lhemek Cristo, ka nkeniemai'ak mankollapvankek mokhom eltemengvakho lhma. Vanlha koka apvanka'ak ellanangkok akleklemelha la apvalhok Eniapom Neten aniem'o apkelpasmekha m'a Cristo Jesús.

Romanos 6:11 ပူးပေါင်းရင်းမြစ်များ

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Romanos 16:27

¡Ntasek angeltakneskasangkok hata mota metka nnelha apvesai'a Eniapom Neten apto aknema apiamo, vanlha nhan apto lhema aphapak Apveske engankok aniem'o Jesucristo. Amen!

Romanos 5:1

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo.

Romanos 6:13

Mellankehek na mokhom apkeliokha nak nkollaneskasangkok ngkollatsekama, ngkanek malha apkeletsepmo lhemek Cristo, mmaskek na anmangka maniamolhma nak. Kolhva koka nnangkok ketlhengkap alhnankok apkellangiemhaikama, ntasek ellangkok apkeliokha m'a Eniapom Neten kakpota nkoliennak apiempeiok ellanangkok qaselha altaqmelo.

Romanos 6:2

¡Mma'! Mmaskek nellanengko ngkollatsekama, mankoietok angelieplavkesek mokhom nellanekamok ngkollatsekama.

Romanos 6:23

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

Romanos 7:4

Nnavek na ketlhengkap ma'a elialheng'a, mamma akmovana ley takhaplhet'ok ngkanek malha apkeletsepmo lheme lhta Cristo, apto nhan nema aklhatekhaskeiam apieseksek apkenmaskengvaiakmo. Kolhva koka aptangkokhak apkelpasmekhak Cristo, apvanka'ak na ellanangkok qaselha akleklemelha la apvalhok Eniapom Neten.

Romanos 7:6

Kolhva koka mmaskek hennakteto m'a ley ennengko'o, ngkanek malha neletsepmo lhemek Cristo. Envanka'ak angellasennama Eniapom Neten alhnankok nentemakha, aniem'o nhan hengelleltennasekamok Espíritu m'a, have m'a nentaiangkolha lhta lhennenga hengelleltennasekamok alhta ley.

Romanos 8:18

Niekhe nellengaiangko ketsek akientalhnema kolhvave nak, mangkolhnok avanhek hato ka m'a aktaqmanma angelloka m'a.

1 Corintios 6:20

apto lhta nhan apkenmama nema akianmoma. Ka nkanek ntasek eltaqmelkese mota apkeliokha nak aniem'o apkeliehekho Eniapom Neten.

Efesios 2:7

kakpota elvetak hata aplhamakho enenlhet'avok aktaqmanma nkek apkellanei'o Eniapom Neten, akiavai'a nkek apkelpasmoma apkellelto nak apkelpasmekha Cristo Jesús.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 4:7

Netamen ellangkok hata nhan Eniapom Neten akiavai'a nkek manvaiam annelha altaqmelaikama apvalho'ok, eltaqmelkeskesek hata nhan apvalho'ok kakpota nhan alketansema apvalho'ok aniem'o nhan Cristo Jesús ma'a.

Colosenses 2:20

Neksa malha apkeletsepma lheme lhta Cristo ketlhengkap, apkelpaknengkaskesakhe lhta akmovana henganemakha aniem'o enenlhet. ¿Se kla ktemo aqnaktetemo nak mokhom henganemakha nak, he?

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.