Romanos 5:8 - Nuevo Testamento Toba Maskoy

⁸ Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

Romanos 5:8 ပူးပေါင်းရင်းမြစ်များ

Juan 15:13

Akiav'o la apkasekhai'o aptema po'ok nengaqte, ntasek enietsepok apiaqmoiekha la m'a.

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Romanos 3:5

Koka ntase kelha niekhe mangeliamolhma nak kakpota nkolvetaskesek enenlhet'avok vanlha apankek Eniapom Neten apto apeivomo. Koka hengeliaqmongkaskesakho la nentemakha nak mongeliamolhma, malha mepeivomo nhan ma'a. Koka astakha lhkek alheianma etnangko mota enenlhet elpaqmetek,

Romanos 4:25

Apto lhta nhan ma'a nema ankongvaiam kakpota ematong hengiaqmoiekha ennengko'o aniem'o nellanekamo nkollatsekama. Netamen nemo nhan aklhatekhaskeiakmo kakpota hengeltemeskesek nengelpeivomo m'a.

Romanos 5:20

Ka aktemakha lhnak nanek akvai'o ley Moises ma'a atlhenkeskekho apvalho'ok enenlhet meleliehekho apkellaskamakha Eniapom Neten, niaveiangkek nak nanoka meleliehekho m'a, koka neten ankek nak nanek na ntemak akiavekamok aktaqmanma apkellanei'o Eniapom Neten.

Romanos 5:6

Mongeliennaktema lhta sekhe lhta ennengko'o, nkaqhok koka apketsepme lhta apankek Cristo henianmoma m'a.

Romanos 5:7

Nientelhek ankek enietsepok lhema enenlhet kakpota eniavakpok enenlhet la apeivomo, enietsepok kelha nhan lhema enenlhet kakpota eniavakpok enenlhet apkamelaianlha la'a.

Romanos 8:32

Apkeltave lhta Eniapom Neten eniangkok apketka kakpota enietsepok hengeliaqmoiekha ennengko'o, have niapak anke hengellangkok hata nhan alaimommalhkelha la qaselha ennengko'o.

Romanos 8:39

Mamma akmovana aniem'o neten anak kakpota nhan konne ankek nalhepop anak, mamma qaselha apkelentepkeskama lhta Eniapom Neten, mankollavankek na hengelienievkesek hengamelaiam Eniapom Neten aniem'o Apveske engankok Cristo Jesús.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Efesios 2:7

kakpota elvetak hata aplhamakho enenlhet'avok aktaqmanma nkek apkellanei'o Eniapom Neten, akiavai'a nkek apkelpasmoma apkellelto nak apkelpasmekha Cristo Jesús.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

1 Timoteo 1:16

Koka apietnai'ave lhta neha'at Eniapom Neten, apkapaskamo lhta Jesucristo kakpota elvetaskesek enenlhet'avok apiamolhma apanko ie helanei'o, metka hepekheskama kakpota eiaqmongkasekhak astemakha. Hata nha ngkotnek apkellanei'o aplhamakho enenlhet'avok apkellelto la meliaskeiam kakpota etlhevangkok aliennaktema apnenio'ok ma'a mangkotnengvaiam annelha.

Hebreos 8:3

Lhamakho apkellelto apkeliav'akha sacerdotes apkeliekiesammap kakpota ellangkok qaselha nengaikamok anak, kanhan nengaqhema nak nentoskama Eniapom Neten. Ka nkeniemai'ak na aptemo Jesucristo m'a aimommalhko lhta nhan eniangkok lhema qaselha Eniapom Neten.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Juan 3:16

Hengelvetaskaske lhta Jesús nentemakha nengasekhai'o emmo'ok neksa apketsepma lhta m'a henianmoma ennengko'o, ntasek na ennengko'o angankoho aklhamakho aimommalhkelha la'a akvakmo nhan nengetsepo akiaqmoiekha m'a emmo'ok.