Romanos 5:12 - Nuevo Testamento Toba Maskoy

¹² Ka akvai'o lhnak nanek mongeleliehekho hengaskamakha Eniapom Neten aniem'o lhema aphapak enenlhet apvesai'a Adan. Meliehekho lhnak nanek apkaskamakha m'a Eniapom Neten. Netamen akpaihekho lhmankek ham nengetsepma nak ngkanek aplhamakho nhan enenlhet'avok meleliehekho m'a.

Romanos 5:12 ပူးပေါင်းရင်းမြစ်များ

Romanos 3:23

Nenlhamakho nhan nellanekamok ngkollatsekama, taiepe kanke lhta nhan ennengko'o Eniapom Neten apto aknema apmopvana apanke'.

Romanos 5:18

Lhennenga lhta aplhamakho enenlhet'avok apketselhnanemmap aniem'o Adan meliehekho apkaskamakha Eniapom Neten, kolhva koka neltemeskaso apkelpeivomo, apketlhevai'o nhan alhnankok apkeliennaktema aniem'o apketsepma Jesucristo akietemo nkoie'.

Romanos 5:19

Lhema enenlhet alhta apmanie panke meliehekho apkaskamakha Eniapom Neten, hengeltemeskeskamo nhan ennengko'o mangeleliehekhok. Netamen na lhema aphapak apanke lhta nhan enenlhet apkeliehekho apkaskamakha Eniapom Neten, hengeltemeskeskamo nhan ennengko'o nengelpeivomo m'a.

Romanos 5:21

Mang nantek na meleliehekho apkellaskamakha Eniapom Neten, lhna songkek akvai'o nengetsepma m'a. Kolhva koka nhan ngvai'ak aktaqmanma hengellanei'o Eniapom Neten, hengeltemeskeskamo nhan nengelpeivomo metka akianmoma, kakpota nhan hengellaiangko akiennaktema enneniek mankotnengvaianlha nnelha aniem'o Apveske engankok Jesucristo.

Romanos 6:21

¿Nkeltaqmelkeskeskangke nlho lhta apkellangiemhaikama ketlhengkap aniem'o apkellanekamok qaselha henmankaskama nak, he? Ma, vanlha lhtoka akmahai'o nkonnapok, nkolienievkesek na Eniapom Neten.

Romanos 6:23

Nelan'o la ngkollatsekama nak, ngva'ak na nengetsepma nak. Koka Eniapom Neten na hengellangkok aliennaktema ennenio'ok mankotnengvaianlha nnelha metka akianmoma aniem'o Apveske engankok Cristo Jesús.

1 Corintios 15:56

Nengetsepma nak hengaqhaie akieplomo akmaikama malha heva nkok akvesai'a ngkollatsekama, koka ley anak akto akvetaskeskama apkelanai'a la meihamolhma enenlhet.

Efesios 2:3

Nenlhamakho ennengko'o nengeleliehekhavek anmahai'akha nke nak engelvalho'ok angellanangkok qaselha ngkolatsekama. Ngkolatsekama alketansema engelvalho'ok nahan, nengeleliehekhave lhta mota aliaspongkomakha nak engelvalho'ok vanlha mota akteniaikama nkolanak ngkolatsekama, hengelietemave lhta angetlhevangkok nema akiaqmongkasekha nnavek na m'a aplhamakho enenlhet anak meleliehekho.

Santiago 1:15

netamen apkelan'ak ngkolatsekama m'a, nkoiangvomok hata m'a apkelanai'a ngkollatsekama akvakmo apketsepo ta ngkotnek.

Santiago 3:2

Ngkolatsekama mota nempaivoma nelanei'o emmo'ok, koka apto la enenlhet metka aptevaskama apvesai'a po'ok, niennakke songkek apvalhok ma'a, apmopvana nhan emankok apiokha apanko ie kakpota melaniek qaselha akmasoma.