Romanos 4:17 - Nuevo Testamento Toba Maskoy

¹⁷ Ka ktemo nak na aktalhesammalhka Vakkahak Eniapom Neten apaivoma hengke'e: «Astemeskaskek lheiap apiapma'ak aplhamakho apkellavakha lhmankek ham» lhnak nane ntemak ania'a. Man nak ei'askeiakmok Abraham Eniapom Neten, apto akietnema apmopvana apanke, enaklhatekhaskamok na apkenmaskengvaiakmo, apvankek na elhenek qaselha amanie nkovak hata.

Romanos 4:17 ပူးပေါင်းရင်းမြစ်များ

Juan 5:21

Eniapom anak apnaklhatekhaskakmek apkenmaskengvaiakmo nak, Apketka nhan ma'a apkellangkek aliennaktema apnenio'ok apkenmak'akha la ellangkok enenlhet.

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Juan 6:63

Espíritu akto apkellaikamok aliennaktema apnenio'ok ketlhengkap, koka enhapetek anak mankolienna'ak ma'a. Ka aspaioma lhkek akto Espíritu kanhan nenganiemhaikama,

Hechos 15:18

Lhna aptemak Apveske apto apkelvetaskeskamo lhamakho qaselha lhennenga m'a».

Romanos 3:29

Eniapom Neten apto nhan apveske apanko'ok metnangko nak judios, have vanlha m'a apkellelto nak judios.

Romanos 4:18

Mmaskenkek nak al·halhnekama apvalhok Abraham nkotak hata atka aptava, koka mei'askeiakmok Eniapom Neten apmopvana elanak aptemakha lhta apkeltennaskama ngkotnek hata apiaihekama Abraham, lhnak nanek aptemak Eniapom Neten apkanemo m'a: «Aplhaniek hata etnek aptavana'ak neptamen lheiap» lhnak nanek aptemak apkanemo.

Romanos 4:2

Lhta kto la aktemeskeskama apeivomo aniem'o aktaqmanma apnema, apvanke nlho lhta nkotneskesek apkammakpo napaqtavek enenlhet'avok ma'a, koka have m'a napaqtek Eniapom Neten.

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

Romanos 9:11

Amanie lhnak nanek apkenmahai'a epalemmak m'a, mamma mokhom apkellanekamok qaselha ngkolatsekama, nlho ka la aktaqmanma, koka Eniapom Neten apkeltennaskangkek nak nanek Rebeca apselhiek eniasennama ta metno apketkok. Ka ntemak na aktalhesammalhka Vakkahak Eniapom Neten apaivoma: «Avanhe skamelaiam Jacob aselhtek Esaú», lhna aptemak Eniapom Neten. Apvankek Eniapom Neten apmak'akha la eliekiaqsek enenlhet, nkaqhok meliamolhma la'a nlho ka la apiamolhma kakpota emakmesama apmak'akha la enmeksek apkellanei'oho.

Romanos 9:26

Ka ntemak na aktalhesammalhka mo'ok: «Akieto nak ma'a, lhna nnema aktemo have askennemolhema ketlhengkap, koka akieto nak ma'a hata nhan etlhenakpok apketkak Eniapom Neten apto menietsepma».

1 Corintios 1:28

Apkeliekieskek Eniapom Neten enenlhet apkeltaknommap anak, apketlhenammap anak na metnaikamok neten, metka nhan apkeliaspommap la'a, nkaqhok koka apkeliekieskek kakpota eltemeskasokhak koneng apkellelto nak apketlhenammap amota neten apankavek,

1 Corintios 15:45

Ka aktemo nak na aktalhesammalhka vakkahak Eniapom Neten apaivoma: «Nnengkek nak aiangko akiennaktema apkaniemhaikama apmanie pankek enenlhet apteiapma apvesai'a Adan». Koka malha alhaiek ankek apkemhaiam malha Adan koka apto apvanmongkoma hengaikamok neniennaktema.

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,

Hebreos 11:12

Niekhe aptema apvaneiam apanke Abraham, nkanketmek nak aknem apketsepmakha m'a, nkaqhok koka apkelvetai'a apentalhnema apketkak neptamen aniem'o mei'askeiam. Mammopvana angelietsetek apketkak ma'a, apentalhnema apankek malha iav'a nak neten kanhan lhepop aktek anak nekha alvata aknangkongvaiam.

Hebreos 11:3

Aniem'o nhan mongiaskeiam anak neliangveiakmo ennengko'o apkellanei'o Eniapom Neten qaselha lhmankek ham aniem'o apaivoma alentepkeskama, lhamakho qaselha nelvetai'o nak alleniemai'o m'a mongelvetai'akha.

Hebreos 11:7

Mang nak nanek na ei'askeiakmok Noé apaivoma Eniapom Neten apkeskamo nkovak hata lhema qaselha melvetai'o m'a. Apkelanei'ak noka apanke loma nemmen akiavai'a kakpota evongkasakpok tep kanhan apketkak. Hai, mei'askeiam nak nanek nkeniemai'ak ma'a Noé aknemo aktevasekho lhmankek ham. Mei'askeiam nak nanek Noé ka nkeniemai'ak ma'a nemo altaiangko apeivomo.

1 Pedro 2:10

Lhennenga lhta ketlhengkap have lhta apkennemolhema Eniapom Neten, koka kolhvave nak aptangkek apkennemolhema m'a, ma lhta nhan elietnai'ok napaqta'a ketlhengkap ma'a, kolhva koka apkelietnai'avek napaqta'a ketlhengkap ma'a.

2 Pedro 3:8

Elialheng'a, askeltavek eliohok lhema qaselha, mok aktema aknem apankok apkelietsatema Eniapom Neten, have kto nak ennengko'o, mil anio nak malha lhema aknem apkelanei'o napaqtek ma'a, nlho ka la nhan lhema aknem anak nelanei'o ennengko'o nenvanlha nak, koka mil anio niekhe apkelanei'o napaqtek ma'a.