Romanos 3:5 - Nuevo Testamento Toba Maskoy

⁵ Koka ntase kelha niekhe mangeliamolhma nak kakpota nkolvetaskesek enenlhet'avok vanlha apankek Eniapom Neten apto apeivomo. Koka hengeliaqmongkaskesakho la nentemakha nak mongeliamolhma, malha mepeivomo nhan ma'a. Koka astakha lhkek alheianma etnangko mota enenlhet elpaqmetek,

Romanos 3:5 ပူးပေါင်းရင်းမြစ်များ

Romanos 12:19

Ketlhengkap elialheng'a, meliaqmongkasekha nkek meliamolhma apkellanei'o po'ok, Eniapom Neten hato ka eliaqmongkaskesekhak aptaiangkolha meliamolhma m'a. Lhnak nanek aptemak Eniapom neten: «Ko'o ta aietkeskesek apkeltemakha meliamolhma, aiaqmongkasekhak hata nhan aptakha m'a», lhna aptemak Apveske.

Romanos 2:5

Nkoihek koka apvalhok lheiap, mangkomak'ak eiaqmongkasekhak mo'ok apvalhok, ntaqmelkasavek koka akiavengko nema akiaqmongkasekha aptemakha akvakmo ta aktemongvanlha nnelha aknem. Eniapom Neten hata ellangkok akiaqmoiekha aniem'o aptaiangkolha apkellanekamok.

Romanos 3:19

Nengeliavek ennengko'o aktemakha aklheianma ley kakpota nhan allanemakha etnangkok judios, kakpota nkolvetaskesek apketselhnanemmap ngkanek meleliehekhok ma'a, mamma nhan enenlhet etlhenek napaqtek Eniapom Neten meliamoho.

Romanos 3:7

Moklhem'a kelha nhan nkotlhenek apvalho'ok mankolietek nema akiaqmongkasekha aptangko la apkenmopvanka ania'a, ngkanek nenmopvana ania'a nak nkolvetaskesek aplhamakho enenlhet'avok vanlha apanke Eniapom Neten apto metka apmopvana ania'a, kakpota ellahok enenlhet'avok ma'a.

Romanos 4:1

Kotlhen no apvalho'ok aptemakha lhnak na nek nelieiehengka Abraham.

Romanos 5:8

Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

Romanos 6:1

¿Se lha atlheianma apvalho'ok ketlhengkap ke, ntase nlho niekhe angetlhengkesek nengellanekamok la ngkollatsekama kakpota nkoiavangkok na aktaqmanma hengellanei'o Eniapom Neten, he?

Romanos 6:19

Koka nientelhek eliangvomhok asketlhekmoskama lhkaiek, ka nkeniemai'ak na atlhekmoksek asietkeskama aspaioma m'a. Lhennenga lhta ketlhengkap anmaikama maniamolhma nak, aliateiangko lhta nhan ellanangkok qaselha akpaiseiam, qaselha ngkolatsekama metka apkel·halhiongveianlha. Kolhva koka ntase ellangkok enmama Eniapom Neten kakpota apvanka'ak elvatesangkok ngolatsekama nak, ellanangko mota qaselha altaqmelo.

Romanos 7:7

Nketlheianmek kelha apvalho'ok ketlhengkap akto ngkollatsekama ley anak, koka have niekhe m'a, vanlha koka niekhe hengaskama qaselha ngkolatsekama m'a. Ma lhta angeliamok sekhe lhta ennengko'o mangkolatsekama atsepaikama nak enneniek, koka akvai'o henganemakha, lhta ntak hengellano': «Mellanamo nke mota qaselha nak alletsepaikamo mota apnenio'ok», ka ntema mota m'a.

Romanos 8:31

¡Ntasek ankek aktemakha qaselha nak ma'a! Apno la nengekha Eniapom Neten, mamma nhan enenlhet apmopvana la hengellammelhek.

Romanos 9:30

¿Ko la antemeskesek nenlheianma, he? Apkellelto nak metnangko nak judios meteniaiangkok etnangkok apkelpeivomo, nkaqhok koka Eniapom Neten apkeltemeskeskangke lhta apanke apkelpeivomo aniem'o meliaskeiam ma'a.

1 Corintios 15:32

Askennapommalhkek enenlhet ko Efeso malha qaselha nevhak la akloma m'a, malha akhemo lhta nhan ngkotnek metko la nennaklhatekhangveianlha. Akhemo lhta nhan ngkotnek asteniai'o eiempek ma'a, ntase niekhe antangkok apketlheianmo na mota enenlhet ka aptaiangkok ma'a: "Ntasek antavangkok nentekamok, anienangkok nahan nkanek sosekha kelha angeletsepok", ka aptaiangkok ma'a.

1 Corintios 9:8

Ka ley anak have ehenkok ehenkek, nietnek aktalhesammalhka ley apankok

2 Corintios 6:4

Ntasek nentaiangkolha, apvanka'ak elvetak enenlhet'avok nengelelto hengellasennaikama Eniapom Neten. Nelvaskapke lhta metka nempekheskama nelvetai'o akientalhnema, nelvaskapmek na neksa aimommalhka la qaselha enganko'ok, anmaiosak'a engelvalho'ok nahan.

2 Corintios 7:11

Allaiosei'o lhna lhta apvalho'ok ketlhengkap neksa apkelietsatekamok vakkahak alhta astalheskama akiennaktema aspaioma askellaikamok, koka aniem'o nhan Eniapom Neten anmaiosak'a apvalho'ok ketlhengkap kakpota eliaqmongkasekhak mo'ok apvalho'ok neksa apnaqtevaskama asvesai'a hetlheianma ko'o, nketlheianvekhek na lhta nhan apvalho'ok asiamolhma ko'o, ka helatemmokkeskamo lhna lhta nhan alhenammalhka ko'o meleltemo alhenalhkak mokhom, apkellai'avek na lhta nhan ketlhengkap ma'a. Apkenmahai'avek nak helvet'ak, henmasmek nahan napokha, apkeliaqmongkaskesekho lhna lhta apkellelto apkenmahai'a henaqtevaksek. Kolhva koka nlheianvakhak evalhok melvanekhok ketlhengkap ma'a qaselha ngkolatsekama nak.

Galatas 2:18

Astevasekhek ko'o aktemakha lhta mota aklhenaikama evalhok aktemakha m'a henganemakha, koka askempasakho la mokhom ma'a alhenalhkak hata aselhnanemmalhka.

Galatas 3:15

Ketlhengkap elialheng'a, smak'ak aietkesek lhema qaselha aktemo nak nenieseksa ennengko'o. Apto la lhema enenlhet apkelanai'a vakkahak aktemakha apkelhpankesekha qaselha apanko'ok, netamen na etnek firma kakpota ngkolhek aiempek ma'a, netamen mankollapvankek na enmaskeksek ma'a kakpota nhan etalhesekhak mo'ok alqama la'a.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.

Apocalipsis 18:20

Kolpaihekha toka apvalho'ok ketlhengkap apkakhaikamok neten ngkanek nnek aktevaso apiav'akha temma nak. Kolpaihekha nhan apvalho'ok ketlhengkap apkellelto nak apkelpokkenammap, nema allapaskamo kakpota nhan apkeleltennasemmap ania'a ngkanek Eniapom Neten apiaqmongkasakhek aktemakha ngkolatsekama lhta allanei'o ketlhengkap —lhta ntak nema aliatekama aniem'o neten.