Romanos 3:26 - Nuevo Testamento Toba Maskoy

²⁶ Apketsepke lhta Cristo Jesús kakpota esavhok apieplavkeskama henganemakha aklheianma, apkelvetaskaske lhta nhan apto apeivomo Eniapom Neten ma'a, apkelvetaskaske lhta nhan Eniapom Neten apto apkeltemeskeskama apkelpeivomo apkellelto la meliaskeiam Jesús.

Romanos 3:26 ပူးပေါင်းရင်းမြစ်များ

Lucas 1:80

Apvanekaniek nak nematka nak, niennaqtenkek nak apvalhok ma'a. Aplomaka lhnak na m'a iokhalhma metkelha temma akvakmo aknem apvetaskesakpo enenlhet'avok ko Israel.

Romanos 3:25

Apeivomo panke Eniapom Neten, apvanke lhta niekhe hennaqtevasekha aniem'o nellanekamok ngkollatsekama, koka mepekheskamak hengellanei'o m'a, nietnengke lhta nhan apeneskamo lhema qaselha. Aplheianmo lhnak nanek apvalhok eniapaksek Cristo Jesús nenvanlha nak kakpota enietsepok nkoiangkenalhkak na ema apankok henianmoma ennengko'o. Kakpota etnama apankek ngkollatsekama apkellanekamok apkellelto la meliaskeiam.

Romanos 3:27

Akhemo angetlhenalhkok engankavek nelieplavkeskama ley napaqtek Eniapom Neten, ngkanek neten ankek akto akiaspommalhka m'a mongiaskeiam anak.

Romanos 3:30

Apto nhan Eniapom Neten lhema aphapak apanke, aptemeskaske panke apkelpeivomo apkellelto aknaikamo nak apkeliaqtemenaikamok nekhatkok apkellammelhakha, kakpota nhan ma'a mankolhnaikamok anak apkeliaqtemenaikamok nekhatkok apkellammelhakha aniemai'o koka m'a nnekhek mo'ok meliaskeiakmo.

Romanos 4:5

Koka Eniapom Neten mo'ok aktema, mankaimommalhka henmakmesama sekhek kakpota hentemeskesek nempeivomo, apmaskeskek na mangeliamolhma aniem'o moniaskeiam, have aniem'o nelanai'a aktemakha aklheianma ley.

Romanos 8:33

Mamma apketlhenammap la apkellelto nak Eniapom Neten apkeliekieskama, ngkanek Eniapom Neten apto apkeltemeskeskama apkelpeivomo m'a.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.