Romanos 3:25 - Nuevo Testamento Toba Maskoy

²⁵ Apeivomo panke Eniapom Neten, apvanke lhta niekhe hennaqtevasekha aniem'o nellanekamok ngkollatsekama, koka mepekheskamak hengellanei'o m'a, nietnengke lhta nhan apeneskamo lhema qaselha. Aplheianmo lhnak nanek apvalhok eniapaksek Cristo Jesús nenvanlha nak kakpota enietsepok nkoiangkenalhkak na ema apankok henianmoma ennengko'o. Kakpota etnama apankek ngkollatsekama apkellanekamok apkellelto la meliaskeiam.

Romanos 3:25 ပူးပေါင်းရင်းမြစ်များ

Juan 6:47

Have niapak anke, apto la mei'askeiam, ngkoitek hata akiennaktema apneniek mankotnengveianlha nnelha.

Hechos 14:16

Apkaiangkavek nak nanek Eniapom Neten aplhamakho enenlhet'avok apkenmahai'akha la etlhengkesek apanko'ok apankavek.

Hechos 15:18

Lhna aptemak Apveske apto apkelvetaskeskamo lhamakho qaselha lhennenga m'a».

Hechos 17:30

Malha metka apqatko'ok enenlhet'avok lhennenga, meliekpelkemak na Eniapom Neten, mang koka eliaqmongkaskesekhak aptaiangkolha meliamolhma m'a. Kolhva koka apkeltavek Eniapom Neten lhamakho enenlhet eliaqmongkasekhak mo'ok apvalho'ok ma'a.

Hechos 2:23

Koka ketlhengkap apkellangkongvaiakme lhta Jesús enenlhet'avok meliamolhma kakpota ennapok neten iamet aktenneskama m'a, apiamavek koka Eniapom Neten apmanie panke' akmak'akha ngkotnek ma'a.

Hechos 3:18

Koka apkellelientemongkeskamavek nak nanek apkeleltennaskama ania'a annenga Eniapom Neten apankok ennangkok hata akientalhnema apto apkapaskama Cristo, ntemengkek ma'a qaselha nak.

Hechos 4:28

Koka lheiap alhta apneskamo m'a aktemakha lhta apkaniemhaikama Jesús.

Romanos 2:4

Mevannama lheiap akiavai'a nkek apiamolhma Eniapom Neten, mepekhaksek na etaknevak lheiap apkelan'o la qaselha ngkolatsekama. Hai', have niapak ankek apto apiamolhma apankek Eniapom Neten ma'a, apkeltavek eiaqmongkasekha mo'ok apvalhok lheiap, elvataksek na qaselha ngkolatsekama apkelanai'a.

Romanos 3:26

Apketsepke lhta Cristo Jesús kakpota esavhok apieplavkeskama henganemakha aklheianma, apkelvetaskaske lhta nhan apto apeivomo Eniapom Neten ma'a, apkelvetaskaske lhta nhan Eniapom Neten apto apkeltemeskeskama apkelpeivomo apkellelto la meliaskeiam Jesús.

Romanos 5:1

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo.

Romanos 5:11

Nkelpaihekhavek koka engelvalho'ok kolhvave nak ngkanek hengenmekho mokhom takha Eniapom Neten aniem'o Apveske engankok Jesucristo.

Romanos 5:18

Lhennenga lhta aplhamakho enenlhet'avok apketselhnanemmap aniem'o Adan meliehekho apkaskamakha Eniapom Neten, kolhva koka neltemeskaso apkelpeivomo, apketlhevai'o nhan alhnankok apkeliennaktema aniem'o apketsepma Jesucristo akietemo nkoie'.

Romanos 5:9

Kolhva koka hengeltemeskeskamak nengelpeivomo Eniapom Neten aniem'o apketsepma Cristo, have ta nha niapak ngkotnek hengelvongkesek tep ma'a akvo'o ta aknem nengeliekpelkammalhkelha.

1 Corintios 5:7

Ka ngkanek ntasek eklhangkok malha alena apiepheskama aphapavok anak kakpota nkovatak mokhom ketlhengkap malha alena nema akiaqhapeskama metka apiepheskama, ka akto nak alena nema akiaqhapeskama metka apiepheskama nentoiangko na mota neksa aktakmelaikama lhma enganko'ok Pascua. Nkanek Cristo apto malha nepkesek apketkok ankok Pascua, apmatnama lhta hengiaqmoiekha ennengko'o.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Efesios 1:7

Apketsepme lhta Cristo akiangkenammalhko nhan ema apankok kakpota hengel·hatsoskakhak neksa hengenmaikama lhta mongeliamolhma, ka aptemeskesaiangka lhta nha apankek mongeliamolhma nak. Koka m'a apeneskamo lhnak nanek Eniapom Neten apkelanekha aptakha etnek hata aniem'o aktaqmanma nkek hengellanei'o.

Efesios 2:13

Taiepe kanke lhta nhan ketlhengkap Eniapom Neten, kolhva koka nengaqtoie' aniem'o akiangkenammalhka ema apankok Cristo Jesús.

1 Timoteo 1:15

Kolhva smak'ak alhenek nkelietavek enmangkok takha aspaioma meliaskamek na aplhamakho ketlhengkap, apvai'o lhta Cristo Jesús nalhepop anak kakpota elvongkesek tep enenlhet'avok meleliehekho apkellaskamakha Eniapom Neten, ko'o nhan asto m'a neten ehenkek moliehekho, molhnok aplhamakho enenlhet'avok.

Hebreos 10:4

Ngkanek ema apanko'ok anak toros kanhan ieta'ai apkelennava'ak mankollavankek nkol·hatsoskasangkok ngkollatsekama malha apkelpatmekama enenlhet'avok.

Hebreos 11:14

Hai, have niapak ankek apketlheianmek nak nane mota m'a malha amaika'a ngkanek apkelleliaikama lhnak nane mota apkellavakha apanko'ok apankavek la'a.

Hebreos 11:17

Mang nak nanek na ei'askeiakmok Abraham lhna nkeniemai'ak apiantamo apketka Isaak kakpota eniaqhe niekhe m'a, eniangkok na Eniapom Neten neksa apiepkonma m'a. Hai, apkeltemavek nak nanek eniangkok apketka lhema aphapak apankek Abraham Eniapom Neten ma'a neksa apiamo lhnak nanek niekhe Abraham Eniapom Neten eniangkok hata qaselha apeneskamo lhnak nanek apaivoma m'a,

Hebreos 11:7

Mang nak nanek na ei'askeiakmok Noé apaivoma Eniapom Neten apkeskamo nkovak hata lhema qaselha melvetai'o m'a. Apkelanei'ak noka apanke loma nemmen akiavai'a kakpota evongkasakpok tep kanhan apketkak. Hai, mei'askeiam nak nanek nkeniemai'ak ma'a Noé aknemo aktevasekho lhmankek ham. Mei'askeiam nak nanek Noé ka nkeniemai'ak ma'a nemo altaiangko apeivomo.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

Hebreos 9:5

Apkelapkeskangkek nak nanek na aplhempankok enenlhet apkeliokha apkelietkesammap ma'a takhalhet apmatakha iamet aiseksek ma'a, akvesai'a lhnoka m'a nema apkasekhelha maniamolhma. Hai, vanlha alheianma aktemakha qaselha lhkek, mankaimelhkak alhenekhok mokhom aklhamakho qaselha aknaiangko lhnak nanek ma'a.

1 Juan 1:10

Netlheno la metka nellanekamok ngkollatsekama, malha nhan nentemeskasak apmopvana ania'a Eniapom Neten, mang na anmak takha apaivoma.

1 Juan 2:2

Apkaiangkave lhtoka apmatnamo hengeliaqmoiekha have vanlha ennengko'o nengelelto nak nengellanekamo mota ngkollatsekama, koka nhan ma'a aplhamakho apkellanekamo nak ngkollatsekama lhmankek ham.

1 Juan 4:10

Nellasekhavek ennengko'o Eniapom Neten, koka akto have nengasekhai'o akiokho nkek ma'a. Koka Eniapom Neten hengellamelakmek ennengko'o akiokho nkek ma'a, ka ngkanek apkapaskamo lhta apketka kakpota enietsepok hengiaqmoiekha, aniem'o lhta nellanekamok ngkollatsekama ennengko'o.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

Apocalipsis 13:8

Asvet'o lhta nhan apkelteklhengko aptapno'ok naqtek ma'a kakpota ellahok akvesai'a aplhamakho enenlhet'avok lhmankek ham apkellelto mankolhnaikamok apkelvesai'a vakkahak alanemmalhko sekhek ankek tep nak nanek lhmankek ham. Ka vakkahak anak ma'a akto akiennaktema enneniek apankok ma'a Nepkesek Apketkok apto lhta nhan apmatnama.

Apocalipsis 20:15

Nne lhta nhan alho m'a mankolhnaikamok la apkelvesai'a vakkahak ankok akiennaktema enneniek akieto m'a sanga akietnemakha talha.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.