Romanos 2:17 - Nuevo Testamento Toba Maskoy

¹⁷ Apkelakpe mota ketlhengkap apketlhenammakpo pankavek judios, kakpota nhan akietnema ley apanko'ok, apkellelto nhan apkeliekieskama Eniapom Neten.

Romanos 2:17 ပူးပေါင်းရင်းမြစ်များ

Lucas 10:28

Koka lhna aptemak mokhom Jesús: —Tokha', apietave, etne' ta ham kakpota ngkoitek lheiap akiennaktema apneniek nkotnengvaianlha nnelha —lhna aptemak Jesús.

Juan 5:39

Apkeltakmelkasavek niekhe apkelietsatekamok Vakkahak Eniapom Neten Apaivoma ketlhengkap, ngketlheianmek apvalho'ok elvetangvomok hata m'a aliennaktema apnenio'ok mankotnengveianlha nnelha, koka helheianme' ko'o vakkahak anak aktalhesammalhka.

Juan 5:45

Apketlhengke mota meliaskeiam ley Moises ketlhengkap, have koka iokhalhme' ngkanek Moises helheianmek ko'o aptalheskama. Ka apkeliaskakmo la ketlhengkap Moises, heliaskakmek na ko lha'. Mankaimelhkak ko'o atlheianvakhak apkelvesai'a meliamolhma ketlhengkap napaqtek Eniapom ma'a, Moises hato ka etlheiangvakhak apkelvesai'a ketlhengkap ma'a —lhta aptak Jesús apkellano apkelemhama apmaniaie judios ma'a.

Juan 7:19

Apkellaiangkek nak na nek Moises ley ketlhengkap, koka meleliehekho, ¿se lha ntak apkenmak'o nak hellaqhek ke, he? —lhta aptak Jesús apkellano.

Juan 8:33

Ka apkellatemmongka lhta enenlhet'avok ma'a, lhta aptangkok: —Have ennengko'o nema allasennaikama nema apkelianmoma, Abraham annenga aptavana'ak neptamen ennengko'o. ¿Se lha akto aplheno nak lheiap nema hengellasennaikama nema apkelianmoma ennengko'o ie, he? —lhta aptangkok ma'a.

Juan 8:41

Koka ketlhengkap apkelieplavkek amai apankok apkeliapom —lhta aptak. Ka apkellatemmongka lhta m'a, lhta aptangkok: —Have ennengko'o nempalleiam neksa anmensangveiam alhma engkana'ak, vanlha lhema aphapak Eniapom ennengko'o, Eniapom Neten ma'a —lhta aptangkok.

Romanos 2:23

Apketlhenammakpave mota apankavek apkeliamo ley, mok apatno'ok koka, meleliehekhok nahan, mellai'ok na Eniapom Neten ketlhengkap.

Romanos 3:27

Akhemo angetlhenalhkok engankavek nelieplavkeskama ley napaqtek Eniapom Neten, ngkanek neten ankek akto akiaspommalhka m'a mongiaskeiam anak.

Romanos 9:32

ngkanek vanlha koka apvanka'ak etnangkok apkelpeivomo aniem'o meliaskeiam, have aniem'o henganemakha nak Moises. Ma lhtoka nkonmahai'ak enmok takha hengetlhekmoskama nak, nkeliaseiangke lhta lhma metaimong malha akietnema la amai alpelapongkeskamo kakpota elvomok niekhe apnakha Eniapom Neten.

2 Corintios 11:22

Apkelammakpek na aptaiangko Hebreos ma'a, ko'o nhan asto Hebreo, apkelammakpek na aptaiangko israelitas, ko'o nhan israelita, apkelammakpek na aptaiangko Abraham aptavana'ak neptamen, ko'o nhan asto m'a.

Galatas 2:15

Ennengko'o nengelelto judios apankavek have nellanekamok mota ngkollatsekama, have aptangko nak ma'a metnangko nak judios.

Efesios 2:11

Ketlhengkap apkellelto nak metnangko judios, kotlheianvakho no apvalho'ok apkeleltaiangko lhta judios aknaikamo nak nema aliaqtemanma nak nekha tkok apkellammelhakha aniem'o koka enenlhet, apkeleltaiangko lhta mota metka aliaqtemenammalhka nekha tkok apkellammelhakha ketlhengkap.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.

Apocalipsis 3:1

—Etalhes no mokhom lheiap ania'a kakpota eniapaskesek ma'a ángel apno m'a iglesia akieto Sardis, ka ntak ania'a hengke'e: Apto akietnema 7 espíritus aniem'o m'a Eniapom Neten kanhan 7 iav'a, ka aptak na m'a: "Asiave ko'o lhamakho aktemakha apkelanai'a lheiap, apketlheianme mota enenlhet'avok aphalhnankok mokhom lheiap, koka have m'a, apketsepma niekhe lheiap.

Apocalipsis 3:9

Koka apkakhangkek ma'a moklhem'a apketlhenammakpo apankavek apkellelto judios, koka have m'a, apkellelto koka niekhe ankesekhelha Satanas ma'a. Alelteklhekkeskakhak hata ehenkek ko'o aptapno'ok napaqtek lheiap ma'a ngkanek askamelaiam na lheiap, lhamakho enenlhet hata nhan elvetak ma'a.