Romanos 2:12 - Nuevo Testamento Toba Maskoy

¹² Apkellelto nak metnangko nak judios mamma ley aniem'o nak Moises, nkaqhok koka ngkolhek hata aknaqtevasakho apkelieko la hengaskamakha nak Eniapom Neten. Koka judios apankave nak nkoiaqmongkasekhak hata ley apanko'ok apankavek apkellanengko la ngkolatsekama.

Romanos 2:12 ပူးပေါင်းရင်းမြစ်များ

Juan 19:11

Ka apkatemmoiangka lhna lhta Jesús ma'a, lhna lhta aptemak: —Mamma apientalhnemo lheiap elana aktakha aplheianma, koka aklhamakho akmak'akha nak ngkotnek Eniapom Neten apkeltemo. Koka apto lhta heiangkongvai'a lheiap, koka apto neten apankek meihamolhma m'a, melhnok lheiap —lhna lhta aptemak.

Hechos 2:23

Koka ketlhengkap apkellangkongvaiakme lhta Jesús enenlhet'avok meliamolhma kakpota ennapok neten iamet aktenneskama m'a, apiamavek koka Eniapom Neten apmanie panke' akmak'akha ngkotnek ma'a.

Romanos 1:32

Apkeliavek niekhe Eniapom Neten aptemakha aplheianma nietavek eletsepok meliamolhma nak ma'a. Aptaiangkek koka apankavek ma'a, nkelpaihakhe mota apvalho'ok apkelvet'o la apkellanekamok ngkollatsekama po'ok ma'a.

Romanos 4:15

Niaqmonkasakhek aptemakha meleliehekhok la enenlhet ley, koka metko la ley, mamma apketselhnanemmap ma'a meleliahakho la'a.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

1 Corintios 9:21

Koka asno la apieseksek metnangko nak judios apkellelto nak metka ley Moises, astemengkek na aptaiangkolha m'a kakpota enmankok na takha askeltennaikama. Vanlha mota askeliehekho ley apankok Eniapom Neten, nnavek na ley apankok anak Cristo m'a.

Galatas 3:10

koka enenlhet apkellelto la apkelielhanmekama ley, nema aliematkeskama nhan ma'a, ka ntemak vakkahak Eniapom Neten apaivoma hengke'e: «Nema akiematkeskama m'a apto la mesavhomo apieplavkeskama ley».

Galatas 3:22

Aklheianma Eniapom Neten apaivoma nenlhamakho nengelelto hengenmaikamok ngkollatsekama, vanlha koka envanka'ak angetlhevangkok hata qaselha apeneskamo aplheianma Eniapom Neten aniem'o mongeliaskeiam Jesucristo.

Santiago 2:10

Apno la enenlhet apkeliehekho ley atlhenkeskama nhan esavhoho', vanlha koka lhema alkama nkek ley meliehekho, ley hata nhan nkolhenek ma'a apto apselhnanemmap aniem'o apiekai'a m'a aklheianma.