Romanos 16:7 - Nuevo Testamento Toba Maskoy

⁷ Nlhenkek na evalhok aspaivoma lhema Andronico kakpota nhan Junias, allelto lhta amaniaie nkavek nkoliaskeiam Jesús, alhaiek koka ko'o, asnaktemommalhko lhta nhan lhemek ko m'a, avanhek anke lhta nhan apkelleliehekho mota nema allapaskamo m'a.

Romanos 16:7 ပူးပေါင်းရင်းမြစ်များ

Juan 14:20

Netamen akvakmo ta aknem asvaktamo mokhom hengke'e, eliangvakhok hata ketlhengkap ko'o kakpota nhan Tata nelelto enlhema, ko'o kakpota nhan ketlhengkap nelpasmommalhko m'a.

Juan 15:2

Apkeliaqtemenke mota aktengok metkelha la akielhna m'a, apkelalhnaskaskek na aktengok ngkeskama la akielhna kakpota nkoielhnangkok ma'a.

Juan 6:56

Aptavengko la enenlhet ehepetek anak, apienangko la nhan ema ehenkok anak, nelpasmommalhko nentangkok ma'a.

Romanos 16:10

Nlhenkek na evalhok Apeles, aplhenammakpo lhta mota apto have niapak ankek mei'askeiam Cristo. Nlhenkek na evalhok apkennemolhema apankek Aristobulo.

Romanos 16:11

Nlhenkek na evalhok aspaioma lheme' Herodion kakpota nhan apkennemolhema apankek Narciso, apkellelto nak meliaskeiam Apveske.

Romanos 16:21

Nlhenkek na apvalhok ketlhengkap alhelhma nak apvesai'a Timoteo. Nketlhenkek na apvalho'ok hengke'e aspaiomo lhema nak apkelvesai'a Lucio, Jason kakpota nhan Sosipatro.

Romanos 16:3

Askapaskek na aklheianma evalhok Priscila kakpota nhan Aquila, helpasmoma lhta neksa askeltennaikama ania'a aktaqmanma aplhenammap Cristo Jesús.

Romanos 16:6

Nlhenkek na evalhok María, avanhe lhta akmakmekama kakpota nkoltaqmelek apkellangiemhaikama ketlhengkap ham.

Romanos 16:8

Nlhenkek na evalhok astema eialheng aniem'o Eniapom Neten, Ampliato apvesai'a.

Romanos 16:9

Nlhenkek na evalhok Urbano, apto nhan netlhelhma'ak nenmakmesaikama Cristo, kakpota nhan nlhenkek evalhok askamelaianlha Estaquis.

Romanos 8:1

Ka ngkeniemai'ak ma'a kolhva mamma hengetlhenek netselhnanemmalhka nengelelto nak nempasmekha Cristo Jesús,

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

Romanos 9:3

aktemakha askelvetai'a aspaivomo lhema judios. Evankek niekhe annangkok akientalhnema aknemo m'a apkellengaiangko apkelhakhangveiam la Cristo, ntasek na niekhe annangkoho akientalhnema nak ma'a kakpota alpasmok elialheng'a judios.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

2 Corintios 11:23

Apketlhenakpavek na apankavek apkellelto apkenmakmesaikama Eniapom Neten, ko'o koka tep ankek asmakmesaikama Eniapom Neten. Niekhe malha anema askeliatekama, nkaqhok koka alhenkesek hata askeliatekama, tep ankek ko asmakmekama m'a enenlhet'avok anak, nlhaniek askaklhengkasemmalhka nenmammalhkelha, nlhanie lhta nhan nema heliaqpelhketaikama, nlhaniek na atlhengkeskama amatong.

2 Corintios 12:2

Asiekpelkemelha ko'o lhema enenlhet mei'askeiam Cristo, nemo lhna lhta akiantemekho akvakho hanetolhema av'alho'ok neten, ngvakmek 14 anio m'a. Apiokho kelha m'a nlho ka la aphangok, Eniapom Neten apiavek ma'a.

2 Corintios 5:17

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Galatas 1:22

Lhtoka mangheliekpelkemak asiokha ehenkek ma'a iglesias apankok anak Cristo akieto m'a iokhalhma Judea,

Galatas 2:2

Eniapom Neten alhta heteskeskama apkeltemo aniakhak ma'a, nengaqnakhe lhta m'a mok engankavek ennengko'o m'a apkelientalhnakha apkelemhama apmaniaie nemakha allai'o m'a, askeleltennasema lhta ania'a aktaqmanma aktemakha askeleltennasekama mota apieseksek ma'a metnangko nak judios kakpota elvetak iokhalhmek ankek ma'a nkotno aqhemo m'a asmakmekama.

Galatas 2:6

Koka apkelientalhnakha apkelemhama apmaniaie nemo allai'o, ma lhta elleltok aiaqmongkasekhak mo'ok asketlhekmoskama, nkaqhok koka nema allai'akha la enenlhet'avok apkelemhama apmaniaie m'a ngkanek nennemo emmo'ok napaqtek Eniapom Neten.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Galatas 6:15

Kolhva alhnankok nentaiangkolha nak koka akto neten ankek akiaspommalhka m'a, mangkolhnok aliaqtemenammalhka nak nekhatkok apkellammelhakha, nlho ka la nhan metka nak aliaqtemenammalhka m'a.

Efesios 2:10

Nkanek hengellanai'a ennengko'o Eniapom Neten kakpota angellanangkok qaselha altaqmelo hengelpeneskeskamo Eniapom Neten aktemakha akietnaikama apaqtek hentemeskesangkok ma'a, ka songkek nelpasmekho m'a Cristo Jesús.

Colosenses 4:10

Ka apkapasak na aklheianma apvalhok Aristarco, apkaqlhengkasemmakpo nhan hengke'e alhelhma. Kakpota nhan apkapaskek na aklheianma apvalhok hengke'e Marcos apto Bernabe apiaha' apketka, hata etnek na amaika'a ham, eltaqmelkaso ta apkenmaikamok takha apvaktamo ta ham, astakha lhta nhan askellano aspaioma askeleltemo etnangkok sekhek anke lhta.

Filemon 1:23

Hai, ntasek ma'a, nlhenkek na apvalhok lheiap hengke'e askelaqlhengkasemmalhko nak lhemek Epafras aniem'o nellasennaikama Cristo Jesús,

1 Juan 4:13

Neliavek ennengko'o nengelpasmekha engankavek Eniapom Neten ngkanek hengellaiangke lhta Espíritu apankok.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.