Romanos 16:5 - Nuevo Testamento Toba Maskoy

⁵ Kakpota nhan askapaskek aklheianma evalhok iglesia apkaqnekhelha na mota akieto akhaiangkolha nkek ma'a. Ka nhan nlhenkek evalhok stema emo'ok askamelaianlha apvesai'a Epeneto, apto lhta apmanie apankek mei'askeiam ania'a aktaqmanma aplhenammap Jesús apieseksek enenlhet akieto m'a iokhalhma Asia.

Romanos 16:5 ပူးပေါင်းရင်းမြစ်များ

Hechos 16:6

Pablo kakpota nhan apketlhelhma'ak apkenmahai'avek na niekhe elpaiaksek ania'a aktaqmanma iokhalhma Asia, koka Espíritu Santo lhnak meltemok ma'a. Ka apkeliekai'o lhnak konne iokhalhma Frigia kakpota nhan Galacia,

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 18:27

Netamen ma'a Apolo apmahai'o lhnak eniakhak iokhalhma Acaya, nkelleklemavek nak apvalho'ok apkelialheng'a m'a akieto Efeso. Ka apkellaiangko lhnak lhema vakkahak apnaqtalheskama kakpota elletsakhesek ma'a nema altamesaikamok akieto Acaya, apkeleltemo eltaqmelkaso apkenmama takha Apolo m'a. Apvaiakmo lhnak Apolo m'a, avanhek nak apkelpasmoma apkellelto meliaskeiam aniem'o aktaqmanma apkellanei'o Eniapom Neten.

Hechos 2:9

Nelpalhkalhkek ennengko'o hengke'e nelleniem'o mo'ok apkellavakha, ko Partia, Media, Elam, Mesopotamia, Judea, Capadocia, Ponto, Asia.

Romanos 11:16

Ka apmaniaie nak apteiapma pan apkelpokkenammap ma'a, nnavek ma'a nema akiaqhapeskama nak harina apto nhan apokkenammap ma'a. Kanhan aikapmen'ok anak iamet akto akpokkenammalhka, nnavek na m'a aktengok anak alpokkenammalhka nhan ma'a.

Romanos 15:26

Apkellankesek alhta anmahai'a nkek apvalho'ok elialheng'a metnangko nak judios apkakhangko m'a iokhalhma Macedonia kakpota nhan Acaya, kakpota ellapaskesek ma'a elialheng'a judios metka apkelletsekama akieto m'a Jerusalen apieseksek apkelpokkenammap ma'a.

Romanos 16:12

Nlhenkek na evalhok Trifena kakpota nhan Trifosa, avanhe kanke lhta anmakmesaikama Apveske. Nlhenkek na evalhok eialheng Perside, avanhek anke lhta akmakmesaikama Apveske m'a.

Romanos 16:4

Niekhe alletlhengkeskama nkotekio'ok aniem'o lhta anmahai'a helvongkesek tep ma'a, gracias na ko skeltemak ma'a, gracias na aptaiangkok aplhamakho iglesias metnangko nak judios.

Romanos 16:6

Nlhenkek na evalhok María, avanhe lhta akmakmekama kakpota nkoltaqmelek apkellangiemhaikama ketlhengkap ham.

Romanos 16:8

Nlhenkek na evalhok astema eialheng aniem'o Eniapom Neten, Ampliato apvesai'a.

1 Corintios 16:15

Apkeliavek ketlhengkap apketkak anak Estefanas akieto Acaya, aptangko lhta apmaniaie apankavek apkenmaikamok takha ania'a aktaqmanma m'a, koka mokhom apketlhengkeskama aptaikamok apkellasennaikama apkellelto apkelpokkenammap ma'a.

1 Corintios 16:19

Apkellapaskek atlheianma apvalho'ok iglesias apkakhangko nak hengke'e iokhalhma Asia nak, apkellapaskek na atlheianma apvalho'ok Aquila kakpota nhan aptava Pricila, apkellapaskek na atlheianma apvalho'ok akieplomo apvesai'a Apveske engankok iglesia apkaknekha na mota akhaiangkolha nkave nak ha'e.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 9:2

Nkanek asiave ko'o anmahai'o nkek apvalho'ok ketlhengkap ma'a. Askeleltennaske lhta engelialheng'a nak hengke'e Macedonia nkalhkek na ko evalhok aniem'o ketlhengkap ko Acaya, iantelhkapa lhta apkelpeneskamo apkelpakmeiasma ellankeskasekhak hata alpasmoma kakpota ellapaskesek engelialheng'a mo'ok nekha la'a. Apkenmak'a alhta nhan ketlhengkap elietkesangkok aptaiangkolha ko Macedonia aniem'o apkelvetai'a alpaikehka apvalho'ok ma'a neksa apkellankesaikokha alpasmoma po'ok.

Colosenses 4:15

Ketlhengkap hato ka nhan ham elletsakhesek aklheianma evalhok elialheng'a apkakhangko m'a Laodicea, kakpota nhan elletsakhesek aklheianma evalhok Ninfa ka nhan iglesia apkaqnekho mota aknemakha m'a.

Filemon 1:2

nketlhenkek na engelvalho'ok iglesia apkaqnekha na mota apnemakha lheiap, enialheng ngkelvana Apia kanha Arquipo apto lhta netlhelhma'ak amota neksa malha nennapommalhka.

Santiago 1:18

Hengeltemeskeskangke lhta malha alhnankok nelpalleiam Eniapom Neten aniem'o ania'a aktaqmanma nak akto have niapak ankek akvakmo nentangko malha qaselha apankok la allelto neten ankavek altakmanma aiseksek ma'a lhamakho qaselha apkelentepkeskama lhta.

3 Juan 1:1

Ko'o asto metno apketkok, nlhenkek evalhok lheiap Gayo apto astema emo'ok, have niapak ankek askasekhai'o lheiap.

Apocalipsis 14:4

Apkellelto lhta nhan metka apkelpaisengkeskama apkeliokha menmangveiam na ngkelvana, metka nhan apkellanei'o ngkelvana. Vanlha lhta mota apkelieplekama Nepkesek Apketkok apmangkolha la'a. Apkellelto lhta nhan nema alvongkeskama tep apieseksek enenlhet'avok kakpota nhan malha apkenmesemmakpo apankavek apkeliokho Eniapom Neten kakpota nhan Nepkesek Apketkok. Malha kto nak qaselha nenmeskama amanie nak nenvetai'a nentoskama kanhan akielhna.