Romanos 15:8 - Nuevo Testamento Toba Maskoy

⁸ Asmak'ak aleltennaksek ketlhengkap lhema qaselha, apvai'a lhta Cristo kakpota etnek apkellasennaikama apkellelto nak apkelieplavkeskama aliaqtemenammalhka nekhatko'ok apkellammelhakha. Apieplavkeskamo nhan aptemakha lhnak nanek apeneskamo apaivoma Eniapom Neten aplheianma apkeleltennaskamo nelieihengka'a kakpota elvetaskesek na iokhalhmek ankek aplheianmo lhnak nanek Eniapom Neten.

Romanos 15:8 ပူးပေါင်းရင်းမြစ်များ

Juan 1:11

Akvai'o lhnak ma'a apieseksek annemolhema ankek ma'a, koka apkeltaknongkek noka m'a.

Juan 10:16

Apiangkek na aplhamakha nepkesek apkelloka mo'ok nekha, alaqlosengvakhak hata nhan ma'a, heleliehekhok hata nhan ma'a, netamen angvankesekhak hata aplhamakho atnekhak lhema apienaktemakha, lhema aphapak na apto apkellanekama m'a.

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Romanos 11:22

Hai', Eniapom Neten apto apiamolhma apanke', apkeltakmelkaskek na apkellangiemhaikama ketlhengkap metnangko nak judios, apto nhan apiaqmongkasekha apkeltemakha meleliehekho lhta judios. Koka apkelieniakho la aptaikamok meliaskeiam ketlhengkap ma'a, ngkolhek hata nhan aliaqtemenvaktamo m'a.

Romanos 11:30

Lhennenga lhta ketlhengkap metnangko nak judios ma lhta eleliehekhok Eniapom Neten, apkelietnai'avek koka napaqta'ak ketlhengkap Eniapom Neten aniem'o m'a meleliehekhok apkennemolhema apankave. Netamen hata nhan ma'a elietnahok napaqta'a apkennemolhema apanko ie', ka aptaiangko nak na apkellanei'o ketlhengkap.

Romanos 15:16

kakpota atnek heiasennaikama Cristo Jesús. Apaiaksek na ania'a aktaqmanma apieseksek ma'a metnangko nak judios kakpota nhan eltangkok apkelpokkanma Eniapom Neten, malha qaselha nengaikamok anak apiaspongkomakha la Eniapom Neten, aniem'o Espíritu Santo.

Romanos 3:26

Apketsepke lhta Cristo Jesús kakpota esavhok apieplavkeskama henganemakha aklheianma, apkelvetaskaske lhta nhan apto apeivomo Eniapom Neten ma'a, apkelvetaskaske lhta nhan Eniapom Neten apto apkeltemeskeskama apkelpeivomo apkellelto la meliaskeiam Jesús.

Romanos 3:3

Koka moklhem'a judios meleliehekhok ma'a, nkaqhok koka Eniapom Neten apieplavkeskangkek aptemakha lhta apaivoma aplheianma,

Romanos 4:16

Aptemakha lhnak nanek apeneskamo aplheianma Eniapom Neten ellangkok hata, apketlhevangkek ma'a aplhamakho aptavana'ak neptamen Abraham aniem'o la meliaskeiam, metka akianmoma. Apkellelto nak judios akietnema ley Moises kakpota nhan aplhamakho enenlhet'avok lhma nkek ham aknangko la nhan meliaskeiam malha aptemo lhnak nanek na Abraham, apto nhan malha eniapma'ak nenlhamakho nengelelto nak mongeliaskeiam.

1 Corintios 1:12

Lhna lhta aptaiangkok moklhem'a hengke'e: —Ennengko'o nelieplavkasak hengetlhekmoskama Pablo —lhna lhta aptaiangkok ma'a. Koka napokha lhna lhta aptaiangkok: —Ennengko'o koka nelieplavkasak hengetlhekmoskama Apolos —lhna lhta aptaiangkok ma'a. Po'ok na lhta nhan aptaiangkok: —Ennengko'o koka nelieplavkasak hengetlhekmoskama Cefas —lhna lhta aptaiangkok. Aplhamakha lhnak na aptaiangkok: —Ennengko'o koka nelieplavkasak hengetlhekmoskama Cristo —lhna lhta aptaiangkok.

1 Corintios 10:19

Astakha lhkek alheianma askeltema eliangvomhok ketlhengkap hengke'e ¡Mankekmama' qaselha akiokha alanemmalhka nak, kanhan apetek anak aklhevai'a m'a have nhan akto neten akiaspommalhka m'a mankolhno m'a mo'ok apetek la'a!

1 Corintios 15:50

Asmak'ak atnek allana ketlhengkap elialheng'a, enenlhet akietnema nak aphapetek kanhan ema apankok mankolpalhakvomek hata ma' aktemakha nak Aveske apmopvana Eniapom Neten. Qaselha nak akmovana nkokpelkalhka' mankavankek nkopalhkekha Qaselha nak mankokpelkammalhka.

2 Corintios 1:20

Apieplavkaskek na Eniapom Neten aptemakha lhta apeneskamo apkeltennaskama apaivoma apkapaskamo m'a Cristo, ka ngkanek ennengko'o nentaiangko mota "amen" neksa neltaqneskasekamok la Eniapom Neten aniem'o nhan Jesucristo.

Efesios 2:12

Have lhta songkek apkelpasmekha Cristo ketlhengkap lhennenga lhta, ma lhta elpalhaqvaiakmok na ko Israel, mankollapvankek lhta nhan elpasmekhak aknemo mo'ok apvalho'ok lhnak nanek apkenmahai'akha etnangkok ma'a Eniapom Neten kanhan Israel, mankollapvanke lhta nhan etlhevangkok lhema apaivoma apeneskamo Eniapom Neten ellangkok hata nhan ma'a. Apkellomaka lhta nhan metka Eniapom Neten ketlhengkap lhennenga, mamma lhta nhan alel·halhnekama apvalho'ok elvetak aktaqmanma.