Romanos 15:18 - Nuevo Testamento Toba Maskoy

¹⁸ Have ehenkok ehenkek asiennaktema, Cristo hepasmoma kakpota atsavkesek asketlhekmoskama metnangko nak judios kakpota nkovak na apkelleliehekho Eniapom Neten ma'a. Asketlhekmoske lhta nhan aknema akmovana askeliatekama kanhan askelanai'a lhta qaselha

Romanos 15:18 ပူးပေါင်းရင်းမြစ်များ

Marcos 16:20

Ka apketlhengamo lhnak apkeltamesaikamok, apkeleltennaseiangka lhnak ania'a aktaqmanma lhma nkek ham, apkelpasmongkek nak na Apveske ma'a, apkellaiangkek nak apkenmopvanka'a kakpota ellanangkok qaselha mongenatkeskama. Apkeltemeskeskamo nhan iokhalhmek ankek apkellengai'a ania'a enenlhet'avok ma'a.

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 15:12

Lhamakho enenlhet nak apkelvanmeiangkok apkeltakmelkeskamavek nak apkelailheiangko m'a. Ka apkelempai'o lhnak na apkeleltennasekama Pablo kakpota nhan Bernabe lhamakho aktemakha apkellanai'a qaselha mongenatkeskama, qaselha hempelapkeskama nhan alleniem'o Eniapom Neten apieseksek metnangko nak judios ma'a,

Hechos 15:4

Netamen Pablo kakpota nhan Bernabe apketlhengekho lhnak mokhom apkelvekho Jerusalen. Ka apkenmaiangko lhnak takha apkellelto iglesia m'a, nema allapaskamo nhan kakpota nhan metno apketko'ok. Apkeleltennaiangka nhan Pablo kakpota nhan Bernabe lhamakho aptemakha apkellanekamok qaselha aniem'o Eniapom Neten.

Hechos 21:19

Ka apkelpaivesangko lhta nhan Pablo m'a, apkeltennangka lhamakho aktemakha apasmoma Eniapom Neten neksa apmakmekama mota apieseksek metnangko judios.

Hechos 26:20

Ka askeltennangka lhta nhan ania'a aktaqmanma amanie nkek ma'a natemma Damasco, netamen na apiav'akha temma Jerusalen kakpota nhan lhamakho aiempek iokhalhma Judea. Ka askeleltennaseiangko nhan metnangko nak judios eliaqmongkasekhak mo'ok apvalho'ok, elpengkamok na apvalho'ok ma'a akieto apnakha Eniapom Neten.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Romanos 16:26

Kolhva koka aplekvakhe', hengelvetaskaskek nahan, nlheianmek nak nane mota Vakkahak apkeleltennasemmap ania'a annenga apanko'ok ma'a. ¡Hai! Eniapom Neten apto menietsepmak aplekvakhek kolhva hengelvetaskaske alhnakho nkoie apmahai'akha lhta etnehek kakpota eleliehekhok, meliaskamek nahan enenlhet'avok lhmankek ham.

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

2 Corintios 11:31

Eniapom Neten apto apiapom Apveske engankok Jesús, nietavek aniavenkaskesama apvesai'a m'a, apiavek na motnema asmopvana ania'a alheno lhkek.

2 Corintios 12:6

Have malha anema alhko la evalhok ko'o aniem'o qaselha hempelapkeskama asvetai'a, koka mankonmahai'ak atnek ko'o anmalhko evalhok ngkanek ellengak enenlhet nkotlhenek apvalho'ok asto neten ehenkek ko'o, koka moltak ko'o nkotlhenek apvalho'ok enenlhet'avok anak.

2 Corintios 3:5

Lhta nhan metko la hengelpasmoma Eniapom Neten, mongellapvanke nlho lhta nhan angellanangkok nenmakmekama nak enganko'ok engankavek.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 2:8

Eniapom neten koka aptemeskeskama apkapaskamo mota Pedro kakpota etlhekmoksek apieseksek ma'a nema nak aliaqtemenkeskama nekhatko'ok apkellammelhakha, heiapaskamo nhan ko'o m'a atlhekmoksek metnangko nak judios.

Colosenses 3:17

Neksa apkellanai'a la lhema qaselha, nlho la nhan etlhenek apkenmak'akha la etlhenek, enmama ta nhan apvesai'a Apveske Jesús. Etnamok hata nhan gracias eniapma'ak anak apvesai'a Eniapom Neten aniem'o nhan Jesús.

2 Tesalonicenses 2:17

Nelelmalhnema nhan ma'a Eniapom Neten eliennakteskesekhok apvalho'ok, ellangkok nak apkeliennaktema kakpota ellanangkok, etlhenek na mota altaqmelo qaselha.

Hebreos 11:8

Mang nak nanek na ei'askeiakmok Abraham aktemakha apaivoma Eniapom Neten apkanemo apkeltemo etiepok apnemakha m'a apkeltemo emhangkok mo'ok iokhalhma. Koka aplhengangkek noka apanke' neksa meihamo iokhalhma m'a.

Hebreos 5:9

Ka nhan aptemo apenesammap apmopvanko nhan aptemo apkelvonkeskama tep mankotnengvaianlha nnelha aplhamakho apkellelto la apkelleliehekho m'a.

Santiago 1:22

Apkeliennengkasekpek apankavek napokha ketlhengkap nketlhenke mota apvalho'ok ntasek etnangko mota vanlha apkellailhemo ania'a aktaqmanma. ¡Have koka niekhe nentemakha m'a, nkaimelhkek koka nhan ngkoitek apkelleliehekho ania'a apkelleng'o la'a!

1 Juan 3:18

Eietkak apketko'ok, mangkolatsema etnangkok mok apatno'ok apkellasekhai'o po'ok, ntasek koka elpasmok ma'a.

Judas 1:9

Koka Miguel apto lhnak apveske ángeles, ngvai'ak nanek na akvannammalhka apvalhok eimatkesek ma'a aveske keliaqhameio neksa apkeliamenammap ma'a apkenmeiommap apiempek apketsepma Moises, lhnak nanek aptemak ma'a: "Apveske toka etakneva lheia", lhna aptemak.