Romanos 14:4 - Nuevo Testamento Toba Maskoy

⁴ Mankoietok eliemetkasama ketlhengkap nkotno apkenmakmesaikama, koka apveske apanko'ok anak ma'a apvankek etlhenek ngkolatsekama apkenmakmekama nlho ka la aktaqmanma. Koka ntasek hata ngkotnek apkenmakmekama m'a aniem'o apasmoma Apveske.

Romanos 14:4 ပူးပေါင်းရင်းမြစ်များ

Hechos 11:17

Asvet'a lhta ko'o apkellangko Eniapom Neten enenlhet metnangko nak judios lhema qaselha metka akianmoma, nnavek na ennengko'o sekhe lhta aniem'o mongeliaskeiam Apveske Jesucristo. Ka ngkanek mongvapvankek ko'o angvammelhek apmak'akha la etnek elanak Eniapom Neten —lhna aptemak Pedro m'a.

Romanos 11:23

Koka aptangkokho ta mokhom meliaskeiam judios apankave nak, eliepetkeskakhak hata mokhom iamet olivo alanmakha lhta, apvankek koka Eniapom Neten etnek ma'a.

Romanos 14:3

Apkellelto nak apkeltaseiama lhma meleltamo nkek meliangveiakmo apkellelto nak metekamok aklhamakho qaselhaha. Koka apkellelto nak meltaseiama na lhma, melpaiesamankek apkelvesai'a m'a apkellelto nak aptekamok lhamakho qaselhaha ngkanek apkenmek na takha Eniapom Neten enenlhet'avok anak ma'a.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Romanos 9:20

¡Mankoieto nkotnangkok atlheianma apvalho'ok ketlhengkap ma'a! Ngkanek Eniapom Neten apvankek elana apmak'akha la elana, hengellan'a lhta nhan ennengko'o, mongapvankek na annaveskamok ma'a. Malha akto nak ietangvalhva nak apkelanai'a, mankapvankek enavaksek apto apkellanai'a, apvanke elanak lhema ietangvalhva neten aptaqmanma aplhenammap, po'ok na metka aplhenammap aptaqmanma, koka lhema apiaqhapeskama nialpa apkelleniemai'a m'a.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.