Romanos 13:13 - Nuevo Testamento Toba Maskoy

¹³ Koka elloka m'a malha atsak'elha lhma nak, ellanamok qaselha altaqmelo. Melpasengvom ankek melleskama etavangkok aptekamok, melleskama nak einangkok anmen, menmensangvomanke lhma, mellanamo nkek na qaselha ngkollatsekama, metka apkennapommap nahan, metka nhan apiasepkeskaiam qaselha apanko'ok la po'ok.

Romanos 13:13 ပူးပေါင်းရင်းမြစ်များ

Lucas 1:6

Alpeivomo lhnak napaqtek Eniapom Neten, alleliehekho lhnak na lhamakho apkellanemakha nkotnangkok kanhan henganemakha Apveske.

Lucas 16:19

—Apnengkek nak lhema enenlhet ngkeskama apketsekama, apmennave lhnak apkelentalhnema, apkeltakmanma nhan. Vanlha lhna mota apkelanai'a akiavai'a aktaqmelaikama lhma.

Lucas 21:34

Ellaho ta ketlhengkap nkoliennak apvalho'ok aniem'o apkellanekamok ngkollatsekama, apienaikamok anmen kakpota nhan aleltaikama apvalho'ok, ngkanek nkoplapkesek hata akvai'a nnelha aknem alhma nkek ham takhaplhet'ok ketlhengkap. Ka kto nak nel·hanma nak, nkoplapkesek akmama qaselha nevhak.

Hechos 2:15

Mankolieiha lhma enenlhet'avok anak ngkanek la 9 sosekhe ntahak, mankoietok aptangkolha nak apketlheianma ketlhengkap.

1 Corintios 3:3

ngkanek nheklhek apketlhengkeskama mokhom aliaspongkomakha nak apvalho'ok. Apkeliasepkeskama po'ok, apkeliamenammap nahan, malha enenlhet la aplhengkeskama akiaspongkomakha nak apvalhok.

Galatas 5:19

Alhnakho nkek nenvetai'a qaselha aniem'o akiaspongkomakha nak engvalhok, ka kto nak nelanaktema, nenmensangveiam alhma', nelanai'a qaselha ngkolatsekama lhamakho.

Galatas 5:21

Neniasepkeskama emmo'ok, nentema anmen ato', nenpasenvaiam enenlhet'avok meliamolhma apienaikamok, melleskama etavangkok aptekamok, nlhaniek ankek qaselha ngkollatsekama alleniem'o m'a aliaspongkomakha nak engelvalho'ok. ¡Ellaho ta ketlhengkap, metlhokiek hata m'a aptemakha nak apveske Eniapom Neten apto la enenlhet apkelanai'a m'a qaselha ngkollatsekama nak!

Efesios 4:1

Ka nkeniemai'ak ko'o m'a, askaklhengkasemmalhko nak aniem'o heiasennaikama Apveske, askeltavek eltaqmelkasakpok akietemo nkoie ngkanek Eniapom Neten apkellavekama ketlhengkap.

Efesios 4:17

Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

Efesios 5:15

Ka nkeniemai'ak na m'a eltaqmelkasakpok neksa apkellangiemhaikama ketlhengkap ma'a, metnamo nkek aptaiangkelha enenlhet anak metka apqatko'ok, etnamok koka nema apkeliamoho.

Efesios 5:18

Metnamo nkek na akvakmo alieiesolhma vino ngkanek nkoltemeskesek hata malha metka apkelielhnengvaiam ma'a, ntasek koka elleltok ellanangkok apvalho'ok Espíritu.

Efesios 5:8

Lhennenga lhta nhan ketlhengkap apkellomaka ienaqtesakha lhma, kolhva koka apkelloka malha atsak'elha lhma aniem'o apkelpasmekha Apveske. ¡Etnamok hata malha atkak apommatema nak!

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 2:3

Metnamo nkek apkelammakpo, mellanamo nkek na qaselha apkelaskesammap ame', eltamok koka nalhep'avek apvalho'ok, eltemeskes hata nhan neten apankavek po'ok la'a have aptangko nak ketlhengkap.

Colosenses 1:10

Netamen hata m'a nkovak akietemo nkek aptaiangkolha apkanemakha nhan etnangkok Apveske, kakpota nhan ellanangkok metka nnelha qaselha akleklemelha la apvalhok ma'a, ngkeskama qaselha altaqmelo, akvakmo akvanemo lhamakho aknem apkeliekpelkangveiam Eniapom Neten.

Colosenses 3:5

Ennapekha' ngkollatsekama anmahai'o apvalho'ok, elvatesamok apkenmensangveiam alhma, mellanamok qaselha malha alpaisengkeskama nak apvalho'ok, mellanko nkek nkoliatangkok apvalho'ok allapelhkasekama apnenio'ok ellanangkok qaselha ngkollatsekama, meleliehekho nkek na aliaspongkomakha nak apvalho'ok, metnamo nkek na apkenmeiavkesammakpo qaselhaha ngkanek malha apkeltakneskasekamok qaselha akiokha la alanemmalhka m'a.

1 Tesalonicenses 4:12

kakpota melelmongkalhnamaha! Netamen ellahok hata mota apkellelto nak apkeliaskeiam Eniapom Neten.

1 Tesalonicenses 5:17

elelmalhnamok na metka nnelha.

Santiago 4:5

Ka ngkanek akietnemo nak Eniapom Neten apaivoma aklheianma, ntemak hengke'e: «Avanhek ankek apkamelaiam Eniapom Neten akieplomo apkenmeiavekama engelvalho'ok anak ennengko'o hengellaikamok», ntemak ma'a.

1 Juan 2:6

Enenlhet apto la aplhenammakpo pankek apto apasmekha m'a, nkaimelhkek na etnek aptemakha lhta mota m'a.

2 Juan 1:4

Avanhek ankek lhta akpaihekha evalhok askelvetangvaktamo lhta moklhem'a atkak ham apkellaneiangko akto have niapak anke, apkanemakha nhan antangkok ennengko'o Eniapom ma'a.

Judas 1:23

elvongkes hata nhan tep eleiveskakhak apkellelto nak apkakhaikamo nak aiseksek talha, ellapioso ta nhan ellanhok ma'a meliamolhma nak. ¡Koka ellaho'! Melpasengvom ankek ma'a apkellanengko la ngkollatsekama ngkanek akvakho apkelentalhnema malha aliepetkai'a la meliamolhma m'a.