Romanos 13:11 - Nuevo Testamento Toba Maskoy

¹¹ Kolhva koka nenvanlha nak nahan akto neten ankek akiaspommalhka, ampai'o lhta sekhek ankek mongeliaskeiam Jesús akvakmo nenvanlha nak, ketsek ankek na nkaimelhkak nengelvongkasemmalhkelha ta tep. Ketlhengkap koka malha apnaqteianma aptangkok ¡Enaqlhatekhamok koka!

Romanos 13:11 ပူးပေါင်းရင်းမြစ်များ

1 Corintios 10:11

Ntase nkotlheianvakho mota engvalho'ok ma'a aktemakha apkelvetai'a lhnak nanek nelieihengka kakpota mongelvanankek aptaiangkolha lhnak nanek ma'a. Ka ntemak na aktalhesammalhka lhnak nanek apkelvetai'a nelieihengka kakpota montangkek ennengko'o m'a, ngkanek ketse nkaimelhkak aktemongvanlha nnelha aknem.

1 Corintios 15:34

Enmekho mokhom altaqmanma aklhenaikama apvalho'ok, elieniekha koka nhan qaselha ngkolatsekama nak. Apkakhaiangkek nak na enenlhet'avok apieseksek anak ketlhengkap melioho' nak mokhom Eniapom Neten, ketlhengkap nkelleniemai'ak ma'a, enmankangvom koka.

Efesios 5:14

Ka nkanek nemo nak aktemo henke'e: «Elhatakha lheiap apto apteianma, etnemekha neten apieseksek apkenmaskengvaiakmo kakpota eniapommetek hata takhaplhet Cristo», lhna nnema aktema m'a.

Santiago 5:8

Nnavek na ketlhengkap ma'a elienna ta apkellailhema m'a metka apkelpekheskama ngkanek ketse nkaimelhkak apvektanlha ta Apveske.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

2 Pedro 3:11

Hai', lhamakho qaselha ta nkonaqtevasalhkak ma'a, ka ngkanek na ketlhengkap ntasek eltaqmelkasakpo mota, eleliehekhok na Eniapom Neten.

2 Pedro 3:9

Moklhem'a ketlhengkap nketlhenkek apvalho'ok aholhek aknem ngkovomok hata apvektanlha apveske aktemakha lhta nhan apeneskamo apaivoma, have koka niekhe m'a, vanlha apkelailhek metka apekheskama aplhamakho ketlhengkap eliaqmongkasekhak mo'ok apvalho'ok, meltemo niekhe eletsepok lhema aphapak la m'a.

1 Juan 2:18

Ketlhengkap eietkak apketkok, ketse nkaimelhkak aktemongvaianlha nnelha aknem lhma nkek ham, apkellengai'ak ketlhengkap aplheiam apto apkammelhma Cristo, kolhva koka apkeliephongvak aplhamakma apkellammelhma Cristo, ka ngkanek nengeliavek ennengko'o kanketva'ak aktemongvanlha nnelha aknem alhma nkek ham.

Apocalipsis 1:3

Aktaqmelakho nkek enenlhet apto apkelietsatema mota vakkahak anak, apkailhemo nhan ania'a akmak'akha ta ngkotnek aklhenammalhka nak kanhan apkeliehekho, ngkanek ketsek anke nkaimelhka nkovak hata qaselha aklheianma vakkahak anak.

Apocalipsis 22:10

Lhta aptak mokhom heiano ángel: —Meilhaskeso nkek ania'a nak akmak'akha ta ngkotnek akietno nak aktalhesammalhka vakkahak anak, nkanketva'ak aknem nkovak hata m'a.

Apocalipsis 22:12

—¡Hai, kolhvavek hata avatamok ham! Atsantengkesek hata alianmoma kakpota allangkongvatak moklhem'a enenlhet aptangkolha la apkellanekamok.

Apocalipsis 22:20

Apto lhkek hepaqmetkeskama, lhke aptak: —¡Kolhvavek hata avatak ham, have niapak ankek! —¡Amen, ntase', elheng apveske Jesús!