Romanos 12:8 - Nuevo Testamento Toba Maskoy

⁸ Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.

Romanos 12:8 ပူးပေါင်းရင်းမြစ်များ

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 13:12

Niemaskangkek nak apvalhok gobernador apvetai'o m'a, mei'askeiakmo lhnak na nema atlhekmoskama aniem'o Apveske.

Hechos 13:15

Ka aknemo lhnak alietsatemo vakkahak ley Moises kakpota nhan vakkahak apanko'ok apkeleltennasemmap ania'a annenga. Ka netamen ma'a apkelemhama apmaniaie nemaknekhelha nak lhna aptaiangkok apkellanemo Pablo kakpota nhan Bernabe: —Ketlhengkap elialheng'a ¿nietne ie ania'a la hengellaikamok apaivoma hengeliatekho la'a ennengko'o, he? —lhna aptaiangkok.

Hechos 15:32

Judas kakpota nhan Silas apkellelto lhnak na apkeleltennasemmap ania'a, apkelpaieskeskaiakmo lhnak na apvalho'ok, apkeliateikokho lhnak na apkelialheng'a m'a.

Hechos 20:2

Aptaiangka lhnak amaika'a m'a lhamakho apkellavakha akietelha la apmeiekhelha, apkeliatekho lhnak apkelialheng'a m'a, netamen nak ma'a apvakho lhnak Grecia.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

Romanos 13:6

Hai', apkelientalhnemo nak apkellasennaikama mota Eniapom Neten ma'a, ka ngkanek na ntasek elianmongkesek ketlhengkap impuesto.

1 Corintios 12:28

Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

1 Corintios 14:3

Koka enenlhet apto nak aplheianma ania'a apkaikamok aniem'o m'a Eniapom Neten apkelpaqmeiasma apanke nak, apkeltakmelkeskaskek apkellangiemhaikama m'a, apkeliatakhavek nahan, apkelpaieskeskakmek na apvalho'ok Jesucristo apkennemolhema.

2 Corintios 1:12

Avanhek ennengko'o alammalhko engelvalho'ok ngkanek neltaqmelkaselhkek akietemo nkek, iokhalhmek ankek na nempaivoma nentangkok napaqtavek enenlhet'avok lhmankek ham, tep ankek na napaqtavek ketlhengkap. Have koka aniem'o nenianveiakmo enganko'ok engankave nak, aniem'o koka m'a aktaqmanma nke nak hengellanei'o Eniapom Neten.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

2 Corintios 8:12

Ka apkellangko la patakkom akieplomo alleklemo apvalho'ok, niekhe ketsek la'a, nlho ka la nhan akiavai'a patakkom aknangkolha la'a, nkollekkasama ta nhan apvalhok Eniapom Neten ma'a.

2 Corintios 9:11

Nkolhnangkok hata nhan lhamakho aktemakha nkeskama qaselha ketlhengkap kakpota ellangkongvomok metka apkenmeiavkesammakpo qaselha apanko'ok. Ennengko'o toka angelletsakhak hata alpasmoma apkellankesaikokha lhta ketlhengkap, avanhek hata nhan etnangkok gracias Eniapom Neten engelialheng'a m'a apkellelto apketlhevai'a.

2 Corintios 9:13

Hata apkelvet'o ta m'a apkelpasmoma ketlhengkap ma'a, nkotlhenek hata nhan apvalho'ok ma'a ketlhengkap apkellelto apkelleliehekho ania'a aktaqmanma aniem'o Cristo apkellanemakha etnangkok. Netamen hata m'a eltakneskasangkok, ellahok nahan Eniapom Neten apvesai'a aniem'o metka apkenmeiavkesammakpo mota qaselha apanko'ok ketlhengkap apkellaikamok aplhamakho engelialheng'a m'a.

2 Corintios 9:7

Ntasek ellangkok qaselha apmak'akha la ellangkok apvalho'ok apankavek koka, metka anmaiosak'a apvalho'ok, kanhan metka nema aliatekamok. Apkamelakmek Eniapom Neten apto la apkaikamok qaselha akieplomo akpaihekha apvalhok.

Efesios 6:5

Ketlhengkap nema allasennaikama nema apkelianmoma, eleliehekho ta mota apveske apanko'ok nalhepop anak, ellaho ta nhan. Enmakmesama ta nhan anmahai'o nkek apvalho'ok, malha aktonak ma'a apkellasennangka la Cristo.

Colosenses 3:22

Ketlhengkap apkellelto nak nema allasennaikama nema apkelianmoma eleliehekho ta mota apkelveskaie apanko'ok neksa apkenmakmekama hengke'e nalhepop anak, have vanlha apkellanengka la apkenmakmekama napaqtavek ma'a apkeleltemo nkolkama apvalho'ok apveske apanko'ok, etnamok hata nhan have niapak ankek metka apkeliennengkeskama aniem'o nhan apkellai'o Eniapom Neten.

1 Tesalonicenses 2:3

Netlhekmoseiangke lhta mota nhan akto haveniapak ankek, ma lhta nhan nkolhnaiangkok engelvalho'ok malha alposkama la qaselha kakpota nhan mankonmahai'ak angeliennengkesek.

1 Tesalonicenses 2:8

Avanhek anke lhta nellamelaiam ketlhengkap, nellankongvaiakmo ania'a aktaqmanma, niekhe lhta atlhenkeskama angelletsepok aniem'o hengellasennaikama ketlhengkap. ¡Ka m'a avanhek anke lhta aknaikamok nengellamelaiam ketlhengkap ma'a!

1 Timoteo 4:13

Neksa hel·halhanma ko'o lheiap ham ntasek elietsete mota napaqtavek Jesucristo apkennemolhema Vakkahak Eniapom Neten Apaivoma, eliatekho ta mota nhan ma'a, etlhekmosamo ta nhan.

1 Timoteo 5:17

Nietavek etlhevangkok akianmoma akietemo nkoie aniem'o nhan apkellai'o metno apketko'ok anak apkellelto apkenmakmekama akientalhnema apieseksek anak ham, apkellelto nak apkeleltennaikama, apketlhekmosekamok nahan.

1 Timoteo 6:18

Elelto nhan ellanangkok qaselha altaqmelo m'a, nkeskama nhan qaselha altaqmelo, ellamok hata nhan po'ok qaselha metka apkenmasma.

Hebreos 10:25

Mongelvatesankek na nengaqnekha neltaqneskasekamok anak Eniapom Neten, angeliatekhok na emmo'ok ngkanek ketse nkaimelhkak akvai'a ta aknem.

Hebreos 13:17

Eleliehekho ta mota apkelemhama apmaniaie apanko'ok ketlhengkap ngkanek apkeltakmelkaske mota ma'a metka apkeliamposammap, netamen elheianvakhak hata m'a aktemakha apkelanei'o m'a napaqtek apveske. Hai, eleliehekho ta m'a kakpota nkolpaihekhak apvalho'ok na neksa apkeltakmelkeskama ketlhengkap ma'a, kakpota nhan metlhenek hata apkelvesai'a meliamolhma ketlhengkap ma'a, ngkanek mankolatsama ta apketlheno la ketlhengkap ma'a.

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

Hebreos 13:24

Smak'ak asaksek aklheianma evalhok aplhamakho apkelemhama apmaniaie apanko'ok ham kakpota nhan aplhamakho apkellelto apkelpokkenammap, nketlhenkek na apvalho'ok engelialheng'a ko Italia.

Hebreos 13:7

Kotlheianvakho ta mota apvalho'ok ketlhengkap apkeltemakha lhta apkelemhama apmaniaie apanko'ok apkellelto lhta apkelpaieskama ania'a aktaqmanma ham aniem'o Eniapom Neten, kotlhen hata nhan apvalho'ok ma'a ko la lhta aptaiangkolha apkellangiemhaikama, elvanamok hata nhan ketlhengkap aptaiangkolha lhta meliaskeiam ma'a.