Romanos 12:3 - Nuevo Testamento Toba Maskoy

³ Heiamelaiakmek ko'o Eniapom neten, heiangke lhta asientalhnemo kakpota alleltennasangkok ketlhengkap. Motlhenama nkek apvalho'ok apkellelto neten apankavek melhnemo m'a po'ok, ntasek koka elhnesok mo'ok atlhenaikama apvalho'ok metka aliekammalhka, aknangkolha la akvanlha meliaskeiam aniem'o apkellaikamok alhta Eniapom Neten.

Romanos 12:3 ပူးပေါင်းရင်းမြစ်များ

Lucas 18:11

Apkenmekhek nak neten fariseo, lhna aptemak apkenmalhnonkoma m'a: "Eniapom neten, avanhek astema gracias lheiap ngkanek have stonak ko'o po'ok enenlhet meliamolhma nak. Mamma asmenielhma, have nhan asto mopeivomo, mamma nhan astevaskama heliemhapma. Motnema aptemakha nak hengke'e apkenmama nak patakkom impuesto ankok.

Juan 3:34

Apto apkapaskama Eniapom Neten aplhengke mota aptakha apaivoma m'a, ngkanek apkankek na aplanei'o apvalhok Espíritu m'a.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Romanos 11:20

¡Koka ellaho ta ketlhengkap ma'a! Apkeliaqtemenammakpe lhta malha aktengok alhta lhennenga aniem'o aliaskeiam, ka akno aliepetkeskakmo nhan ketlhengkap ma'a aniemai'o nhan meliaskeiam. Koka apkelakpo la ketlhengkap,

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Romanos 12:16

Elienlhanmamok hata nhan ellanangkok metka akmaska apieseksek ketlhengkap, metnamo nkek apkellammakpo eltemeskasentak koneng metka nak apkelletsekama, ntasek koka elpasmekhak ma'a, metnamo nkek apketlhenammakpo apankavek nema apkeliangveiakmo.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 7:17

Asmak'ak alhenek mokhom, apkellavema lhta Eniapom Neten ketlhengkap neksa metka nema aliaqtemenkeskama nekhatko'ok apkellammelhakha, ntasek na kolhvave nak meteniankek ma'a. Apkellavema lhta nhan Eniapom Neten neksa aknaikamo nak aliaqtemenammalhka nekhatko'ok apkellammelhakha ketlhengkap, melposamonkoie aknangko la aliaqtemenammalhka nekhatko'ok apkellammelhakha. Ka henganemakha askellaikamok ketlhengkap hengke'e, kanhan askellaikamok aplhamakho iglesias asmaiangkolha lhta mota, ntasek mokhom elieplavkesek aptaiangkolha apankave lhta neksa apkellavekama Eniapom Neten.

2 Corintios 10:13

Mangelalhkok ennengko'o metka neliekaskeiakmo, vanlha nelalhkek apkeltakha la nnelha Eniapom Neten aniem'o nenmakmekama lhamakho apkellavakha, kanhan apieseksek anak ketlhengkap.

2 Corintios 12:13

Ma lhtoka alelmalhnekama akianmoma la asmakmekama apieseksek anak ketlhengkap ham, koka mo'ok alhta iglesias hellaiangke lhta akianmoma asmakmekama apieseksek ma'a, ketlhengkap koka manghellaiangkok. ¡Eltemeskesama ta apankavek ketlhengkap hellanei'o aniem'o lhta malha akiavai'a asnaktevaskama ketlhengkap molelmalhneiangka lhta akianmoma asmakmekama ham!

2 Corintios 12:7

Akvai'o lhta mota nhan apaskama Satanas kakpota hetvaksek ko'o, malha helielhaqlhema lhta mota ntemak ketama eiempehek kakpota mankovhek askammalhko aniem'o asvetai'a akvetai'a ehaqtek.

Galatas 6:3

Apto la enenlhet metka neten apiaspommap, koka nkolhenek apvalhok akto neten apankek apiaspommap ma'a, koka apiennengkasekpe pankek na m'a.

Efesios 3:2

Have niapak apkeliavek ketlhengkap Eniapom Neten heiapaskama kakpota alhenek ania'a apeneskamo lhta akietnaikama apaqtek etnek ma'a kakpota nkoltaqmelekha' apkakhaikamok ketlhengkap ham aniem'o apkellamelaiakmo m'a.

Efesios 3:4

Ka apkelietsatengko ta ketlhengkap elvetak hata have niapak ankek aktakha nak alheianma, asiamo ko'o aktakha lhta akietnaikama apaqtek etnek hata Eniapom Neten aniem'o nhan Cristo.

Efesios 4:16

Alietetakha nak alpasmekha apiokha nak aniem'o Cristo, moklhem'a nak ma'a nietnek anmakmekama nkek mo'ok aktemakha, alpasmommalhko koka kakpota nkolvanamok ma'a, nkoliennak nahan aniem'o allasekhammalhko.

Filipenses 2:13

Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

Colosenses 2:13

Lhennenga lhta nhan ketlhengkap malha apkeletsepma lhta ntemak aniem'o meliamolhma, aniem'o nhan metka nhan nema aliaqtemanma nekhatkok apiempeiok meliamolhma nak, kolhva koka apkellangkek Eniapom Neten aliennaktema apnenio'ok lheme Cristo, kakpota nhan etneskesama apankek lhamakho apkeltemakha ngkollatsekama aniem'o apkelpasmekha Cristo.

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.

1 Timoteo 2:15

Koka ngkelvana nkovongkasalhkak hata tep akvet'o la atka, aklhengkaso la nhan aktema nkoi'askeiam, asekhai'o la nhan mo'ok, alhnai'o la nhan av'alhok, alan'o la mota nhan aktemakha akpeivomo.

1 Timoteo 2:9

Askeltavek na ngkelvana'ak nkolentalhnekha alentalhnema metka anmangkaskama la apkellelto la apkelvetai'a, nkonnatnekha nhan annatanma have aliekaskeiakmo, ntasek na mankoliekaskamhek alalhnaskama ava', metka nhan aliekaskeiakmo qaselha alienmomo oro kakpota nhan metaimong aktek altakmanma akmennave nke nak, metka nhan aliekaskeiakmo alentalhnema apmennave nak.

Tito 2:12

ka nkeniemai'ak ntasek angelvatesangkok nentaikamok mongeliamolhma, kanhan alletsepmakha ennenio'ok anak, kolhva koka ntasek angelloka atlhenaikama mota engelvalho'ok aktaqmanma qaselha nak, angellanangkok na akpeivomo, angellamelemmak na emmo'ok,

Tito 2:2

Nkaimelhkek na metno apketko'ok anak ellapvanak ennavaksek apvalho'ok apankek la'a, etnangkok na apkellai'akha la enenlhet, nkaimelhkek na nkotlhenek apvalho'ok amanie apkenmak'akha la ellanangkok qaselhaha, etnangkok na meliaskeiam akto nak hengetlhekmoskama akpeivomo, ellasekhok na aplhamakho enenlhet'avok, etnangkok na apkeliennaktema apkelvaskapma neksa akvai'a la akientalhnema.

Tito 2:4

nkotlhekmosangkok na ngkelvana tko'ok anak kolhva akteniaikamok anakteiangka'a kakpota nkollavanak nkollamelemmak anakteiangka'a, atkak nahan.

Tito 2:6

Eleltennasamok hata nhan apketko'ok anak nkotlhenek apvalho'ok amanie apkenmak'akha la ellanangkok lhamakho qaselhaha,

Santiago 4:6

Avanhek ankek na hengelpasmoma aniem'o apiamolhma' panke', ka aktemo nak vakkahak Eniapom Neten apaivoma hengke'e: «Apkammelhmakha Eniapom Neten ma'a ammalhko engvalhok anak, koka apkeltakmelkeskaskek apkellangiemhaikama apkellelto nak nalhep'avek apvalho'ok».

1 Pedro 1:13

Ka nkeniemai'ak na ntasek nkolketamangkok apvalho'ok aktaqmelo kakpota ellanangkok qaselha akpeivomo, mellankek na nkonmama aliaspongkomakha nak apvalho'ok, elel·halhnama nhan apvektanlha ta Jesucristo avanhek hata nkotnek apkeltakmelkeskeskama apkellaniemhaikama.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

1 Pedro 5:5

Ketlhengkap apketko'ok eleliehekho ta metno apketko'ok anak, etnamok hata nhan nalhep'avek apvalho'ok apieseksek anak ham, ka aktemo nak na aktalhesammalhka vakkahak Eniapom Neten apaivoma hengke'e: «Apkellammelhkek Eniapom Neten enenlhet'avok anak apkellammakpoho, apkeltakmelkaskaskek koka apkellangiemhaikama apkellelto nak nalhep'avek apvalho'ok».

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

3 Juan 1:9

Askapaske lhta lhema vakkahak asnaktalheskeskama iglesia akieto nak ham, koka ma lhta hengenmaktakha ennengko'o Diotrefes ma'a, kelha nkeniemai'ak na apmahai'avek eientalhnama nhan ma'a.