Romanos 12:12 - Nuevo Testamento Toba Maskoy

¹² Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

Romanos 12:12 ပူးပေါင်းရင်းမြစ်များ

Lucas 10:20

Molpaihekhankek apvalho'ok aniem'o apkelentepkeskama kasekapok av'alhok ma'a, koka ntase' nkolpaihekhak apvalho'ok ngkanek nnankek apkelvesai'a ketlhengkap vakkahak ma'a neten —lhna aptemak Jesús.

Lucas 21:19

¡Apkeliennakkek hata nkek ketlhengkap neksa akvai'a akientalhnema kakpota etlhevangkok apkelvaiam tep ma'a!

Lucas 8:15

Kakpota nhan moklhem'a enenlhet ngva'ak aknemo m'a aktek lhek akpalleiam takhalhet aktaqmelakha lhepop. Apkeltakmelkasavek apkellailhemo ania'a, apkenmangkek na takha', apkelleliahakhavek nahan, nkoihek na apketlhengkeskama, ngva'ak na aktema ngkeskama akielhna —lhna aptemak Jesús ma'a.

Hechos 1:14

Aptaiangkolha lhna mota apkaqnekho apkelelmalhnongkoma m'a kanhan moklhem'a ngkelvana'ak, kanhan ma'a Jesús angken akvesai'a María kakpota nhan apkelialheng'a m'a.

Hechos 12:5

Apnengkek nak Pedro nengaqlhengkasemmalhkelha m'a, avanhek nak apkellanekama soldados ma'a. Koka avanhek nak na apkelelmalhneskeskama iglesia m'a Eniapom Neten kakpota epasmok Pedro m'a.

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Hechos 6:4

Angetlhengkesek hato ka mota ennengko'o nelpaqmetkeskama Eniapom Neten, angeltennasangkok na ania'a aplhenammap Jesús —lhnak aptaiangkok ma'a.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Romanos 15:4

Lhamakho aktemakha nak aktalhesammalhka Vakkahak Eniapom Neten Apaivoma kakpota hengetlhekmoksek ennengko'o m'a, akpaieskaiam engvalho'ok, hentemeskeskama nhan metka nempekheskama, hengaikamok na al·halhnekama engvalho'ok angelvetak aktaqmanma.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

Romanos 8:25

Koka nkaimommalhkak ma'a angelel·halhnama ngkolhek akiaqmongkasakho mo'ok neniokha alhnankok nkanek neniokha nak anmaikama mota maniamolhma, ntasek angellailhek nkovak ma'a akieplomo nelvaskapma m'a.

1 Corintios 13:13

Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.

2 Corintios 12:8

Hanetolhema astaiekho lhta askenmalhnongkoma Apveske askeltemo emaskeksek aslengaiangko,

Filipenses 3:1

Ketlhengkap elialheng'a, kolpaihekha apvalho'ok aniem'o apkelpasmekha Apveske. Smak'ak altakhengveskakhak mokhom asnaktalheskeskama sekhe lhta, mangheiastengak askeltakhengveskekha astalheskama nak ngkanek nkelpasmek ketlhengkap kakpota metlhenmek.

Filipenses 4:4

¡Kolpaihekha ta mota apvalho'ok aniem'o apkelpasmekha Apveske, hai, kolpaihekha ta mota apvalho'ok!

Colosenses 1:11

Nelelmalhneskaskek na Eniapom Neten etneskesangkok apkeliennaktema aniem'o akiavai'a apmopvana m'a, kakpota ellapvanak elvaskapok metka apkelpekheskama akvo'o la akientalhnema. Netamen hata m'a nkolpaihekhak hata apvalho'ok ma'a,

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

Colosenses 4:2

Elelmalhna mota metka nnelha Eniapom Neten, elelketnama ta nhan kakpota nhan etnangkok gracias Eniapom Neten.

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

1 Tesalonicenses 5:8

ennengko'o koka nelloka mota aknem anko ie ka ngkanek ntasek montangkek malha hengelieihamalhma la'a, ntasek angelapkesek malha nelapkeskama la ennenio'ok alvesai'a m'a nengasekhai'o kanhan mongiaskeiam, angelletsavek hata nhan malha casco la'a akvesai'a nengel·halhanma angelvongkasalhkak hata tep.

2 Tesalonicenses 1:4

Vanlha mota netlhenaikama aktaqmanma apkelvesai'a ketlhengkap akieto mo'ok la iglesias apankok Eniapom Neten, ngkanek ketlhengkap nheklhek apketlhengkeskama aliennaktema apvalho'ok meliaskeiam neksa nema akmenlhenaikama kanhan apkellengaiangko akientalhnema.

2 Tesalonicenses 3:5

Nengeleltavek na ennengko'o elpasmok Apveske Jesús kakpota ellasekhok po'ok ka aptemo nak ma'a Eniapom Neten apkellamelaiakmek aplhamakho enenlhet'avok, ellangkok na apkeliennaktema kakpota elvaskapok neksa akvai'a la akientalhnema.

1 Timoteo 6:11

Koka lheiap apto Eniapom Neten apkasennaikama, enieniamo ta kakpota mankomama m'a qaselha ngkolatsekama nak, elana toka akpeivomo, qaselha aktaqmelo, koietna mei'askeiam, nengasekhai'o emmo'ok, eliephekho ta apvaskapma neksa aplengaiangko akientalhnema, etne ta nhan nalhepek anko ie napaqtavek enenlhet'avok.

2 Timoteo 3:10

Koka lheiap Timoteo, have aptonak lheiap ma'a ngkanek apieplavkeskangke asketlhekmoskama lhta, heieplongkek na amai, apiavek na lheiap asmak'akha la atnehek, apiavek na moi'askeiam, metka aspekheskama, askasekhai'o, kakpota nhan asiennaktema asvaskapma neksa asvetai'a mota akientalhnema.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Tito 3:7

hengeltemeskeskamo lhta nhan nengelpeivomo aniem'o aktaqmanma nke nak hengellanei'o. Kolhva nnankek alel·halhnekama engelvalho'ok angetlhevangkok hata aliennaktema ennenio'ok nkotnengvaianlha nnelha m'a.

Hebreos 10:32

Koka kotlheianvakho ta mota apvalho'ok ketlhengkap apketlhevaiangko lhta malha apommatema aniem'o m'a ania'a aktaqmanma. Apkellengaiangko lhta nhan akientalhnema aniem'o apkellammelhmakha,

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Hebreos 12:1

Ka aplhamakma lhnak nanek enenlhet'avok alheno lhkek malha hengellanekama aptaiangkok ennengko'o m'a neksa nellaniemhaikama hengke'e. Ka ngkanek ntasek annengkenekha malha nelpatmekama akientalhnema la'a, ngkollatsekama nak nahan hengeliaseiangko mota lhma, kakpota anganiemhama metka akpekhai'a. Malha aktonak ma'a apkelpaivasemmap anak enenlhet apkeniema metka akpekhai'a ngkanek aholhek amai.

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Hebreos 5:7

Neksa apkaniemhaikama lhta Cristo hengke'e nalhepop anak apkenmalhnongkomo lhta akieplomo akiennaktema apkeleklhangvekama apkeltemo eiekakse' niekhe apketsepma. Ka aplengai'o lhta nhan Eniapom Neten ma'a aniem'o apkeliehekho mota m'a.

Hebreos 6:12

Moltok nkovak aknem aptaikamok mankonmahai'a enmakmama ketlhengkap, ntasek koka elvanangkok ma'a malha aptaiangkolha nak ma'a apkellelto ta apketlhevaikamok qaselha aplheianmo lhta Eniapom Neten aniem'o nhan ma'a meliaskeiam, metka nhan apkelpekheskama apkellailhema qaselha nkovak hata.

Hebreos 6:15

Mang nak nanek epekheskamak Abraham apkelailhemo apkeltennaskamo lhnak nanek apaivoma Eniapom Neten ellangkok hata, netamen lhnak nanek aplhevai'o lhamakho qaselha m'a.

Santiago 5:7

Ketlhengkap elialheng'a, ellaielh hata aknem metka apkelpekheskama apvektanlha ta Apveske, malha aptonak ma'a aniep aniapom la'a metka apekheskama nak apkelailhema aknem akmamai'akha nak kakpota nhan netamen enaklhek akielhna m'a.

1 Pedro 4:13

Kolpaihekha toka mota apvalho'ok apkelvet'o la apkellengaiangko, ka aktemo lhta nhan Cristo m'a, netamen nkolpaihekhak hata nhan apvalho'ok apkelhiakmo ta m'a akieplomo akiavai'a apientalhnemo.

1 Pedro 4:7

Ketsek nkaimelhkak aktemongvanlha nnelha aknem lhmankek ham, ka ngkanek ketlhengkap ntasek etnangko mota apkeltakmelkasemmakpo apankavek, elelmalhnangkok nahan metka nnelha.

Apocalipsis 13:10

Nnek alpokkeno enenlhet kakpota elhatmakpok nenmammalhkelha m'a, ngkolhek hata aklhatmo m'a nemmammalhkelha. Nnek na alpokkeno kakpota etekio'ok akieplomo pelettav akvenaktema, etekio'ok hata pelettav akvenaktema annapma m'a. Hata m'a elvetakpok apkeliennaktema apanke kanhan meliaskeiam apkellelto nak apkelpokkenammap.