Romanos 11:7 - Nuevo Testamento Toba Maskoy

⁷ Ka ntemak na kolhvave nak ko israelitas, niekhe apteniaikamok apkeleltemo eltaqmelkeskesek apkellangiemhaikama Eniapom Neten, koka melvetangveiakmok ma'a. Vanlha koka apqanetek apkelvetangveiam ma'a, apkellelto nak apkeliekieskama Eniapom Neten. Aplhamakha koka nnengkek aliennakteskeskamo apvalho'ok.

Romanos 11:7 ပူးပေါင်းရင်းမြစ်များ

Marcos 6:52

Mang nak eliangveiakmok mokhom, apkelvetai'ak na niekhe' aplhamasekho pan, mokhom noka aliennaktema apvalho'ok ma'a.

Lucas 13:24

—Elienlhanmamok ketlhengkap elentalhnengvom atong atkok, mang hata nte niekhe enenlhet'avok apkenmahai'a niekhe elentalhnengvomok ma'a, koka mankollapvankek hata m'a.

Juan 12:40

«Nnengkek allapkesekhok apaqto'ok enenlhet'avok kakpota melvetie lhma, nnengkek na altemeskeskamo metka atlhenaikama apvalho'ok kakpota meliangvomhek ma'a, ka nkeniemai'ak na meliaqmongkasekho mo'ok apvalho'ok ma'a kakpota moltaqmelkeskamek neksa anmaska apiempeiok ma'a» —lhnak nane ntemak aptalheskama.

Romanos 10:3

Apteniangke mota aptaikamok apkelpeivomo apanko'ok apankavek, mankonmahai'ak eliekpelkok apto vanlha Eniapom Neten apkeltemeskeskama apkelpeivomo. Lhennenga aktemakha aklhenaikama apvalhok etnehek ma'a, koka mankonmahai'ak enmankok takha ko israelitas.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Romanos 11:5

Nnavek na nenvanlha nak, apkakhangkek napokha pketkok judios apkellelto apkeliekieskama Eniapom Neten aniem'o aktaqmanma nkek apkellanei'o,

Romanos 3:9

Smak'ak alelmalhnama lhema qaselha ketlhengkap, ¿neten engankave nlho nentangko nak judios mannok po'ok enenlhet la'a, he? Mma', askeleltennaske lhta ketlhengkap sekhe lhta judios kakpota nhan metnangko judios nennaqtevasemmalhko engankavek aniem'o mangeleliehekho hengaskamakha Eniapom Neten.

Romanos 6:15

Hai', mmaskek nellava koneng ley, kolhva koka nelloka koneng aktaqmanma nak hengellanei'o Eniapom Neten. ¿Ntase nlho niekhe angellanangkok mokhom ngkollatsekama, he? ¡Ma', mankoietok ma'a!

Romanos 9:18

Hai', have niapak ankek ma'a, apvankek Eniapom Neten apmak'akha la etnehek, apkelietnavek napaqta'a moklhem'a enenlhet, po'ok enenlhet koka apkeliennakteskaskek apvalho'ok.

Romanos 9:23

Kanhan apmak'ak elvetaskesek akiavai'a nkek apkellamelaiam ietangvalhva apkelpeneskama lhta apkellanai'a lhennenga kakpota eniapiosek elanhoho.

1 Corintios 10:19

Astakha lhkek alheianma askeltema eliangvomhok ketlhengkap hengke'e ¡Mankekmama' qaselha akiokha alanemmalhka nak, kanhan apetek anak aklhevai'a m'a have nhan akto neten akiaspommalhka m'a mankolhno m'a mo'ok apetek la'a!

2 Corintios 3:14

Koka mang nak nanek nkomahai'ak eliohok ma'a, ka nenvanlha nak na aptavana'ak neptamen apkelietsatengko la vakkahak aktalhesammalhka lhennenga annemo mo'ok apvalho'ok apkenmahai'akha etnangkok, man na eliamok ma'a, malha niekhe nhan apkelapma la napaqta'a ietamopai'a napokha, apkeliaseiangke lhma m'a kakpota melvetie lhma m'a, meliehek nahan, vanlha koka nhan Cristo apto apmopvana el·hatsoskasangkok ma'a.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

Efesios 1:4

Amanie lhnak nanek apkelanai'a lhamakho qaselha lhma nkek ham, hengeliekieskangkek nak nanek na Eniapom Neten ennengko'o aniem'o nhan Cristo kakpota hengeltemeskesek na hengelpokkanma, angelloka metka neltemengveiakmo lhma' napaqtek ma'a. Avanhek ankek hengellamelaiam Eniapom Neten,

Efesios 4:18

Malha alpaiseiam na alketamekama apvalho'ok ma'a, taiepek na Eniapom Neten aniem'o meliangveiakmo, aniem'o nhan aliennaktema apvalho'ok.

Filipenses 1:18

Koka nkaqhoho, niekhe have iokhalhme, nlho ka la iokhalhme, mpaihakhek evalhok ko'o ngkanek nnek akpaieso ania'a aplhenammap Cristo. Koka nkopaihekhak hata mokhom evalhok ma'a

Hebreos 12:17

Apkeliavek ketlhengkap netamen nak nanek ma'a avanhek nak apteniai'a Esaú akvakmo apveno apkeltemo eniangkok apiapom ennak neten ankek aktaqmanma apaivoma apkaikamok ma'a. Koka aptakheskamavek nak nanek apiapom ma'a, mamma lhnak nanek na etneskesek ma'a.

1 Pedro 1:2

Eniapom Neten apkeliekiesaikamok ketlhengkap kakpota etnangkok apkennemolhema apankavek ma'a, Espíritu lhta apkelpokkanma m'a kakpota eleliehekhok ma'a, nkolalhnaksek na ema apankok Jesucristo. Askeltavek na ko'o Eniapom Neten eiavenkasok apkeltakmelkeskeskama apkellaniemhaikama, ellangkok na altaqmelaikama apvalho'ok ketlhengkap ham.