Romanos 11:12 - Nuevo Testamento Toba Maskoy

¹² Ka kno la altakmelkeskaso apkellangiemhaikama metnangko judios anak aniem'o meleliehekho judios kakpota nhan apalleiam, tep ankek hata ngkotnek altakmanma apkellangiemhaikama metnangko judios akvo'o ta aknem Eniapom Neten apkenmekho takha m'a judios.

Romanos 11:12 ပူးပေါင်းရင်းမြစ်များ

Hechos 3:21

Koka Jesús elhek hata mokhom ma'a neten akvakmo apeneso lhamakho qaselha alhnanko'ok Eniapom Neten, aptemo lhnak nanek aplheianma aniem'o apketlhenekho apkeleltennaskama ania'a apanko'ok apkelpokkanma.

Romanos 11:15

Apkenmangkek takha Eniapom Neten metnangko judios aniem'o apkeltaqnongvekha judios apankave nak. Netamen hata m'a apkenmokho la takha Eniapom Neten judios apankave nak, neten ankek hata ngkotnek altakmalveiam apkellangiemhaikama aplhamakho enenlhet'avok lhmankek ham, ngkolhek hata nhan aknaqlhatekhaskakmo mokhom apieseksek apkenmaskengvaiakmo.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Romanos 11:33

Neten apankek akietnema apiangveiakmo Eniapom Neten, apkeliekpelkemo nhan lhamakho altemakha qaselha, mongapvankek ennengko'o angeliangvomhok alketamekama apvalhok ma'a kakpota nhan apkellanai'a qaselhaha.

Romanos 9:23

Kanhan apmak'ak elvetaskesek akiavai'a nkek apkellamelaiam ietangvalhva apkelpeneskama lhta apkellanai'a lhennenga kakpota eniapiosek elanhoho.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.