Romanos 11:10 - Nuevo Testamento Toba Maskoy

¹⁰ Nkolhek hata nhan altemeskeso metka apaqto'ok, etneskesangkok hata al·halhema apkapo'ok aniem'o akientalhnema apkelpatama», lhnak nanek aptemak.

Romanos 11:10 ပူးပေါင်းရင်းမြစ်များ

Romanos 1:21

apkeliave niekhe m'a, koka nkaqhok na mellai'ok apvesai'a m'a, metnaiangkok na gracias ma'a. Vanlha koka atlheianmo apvalho'ok nkoietemo nke, alpaisengkeskeskamo nhan apvalho'ok ma'a.

Romanos 11:8

Ka aktemo nak aklheianma aktalhesammalhka Vakkahak Eniapom Neten apaivoma hengke'e: «Apkeltemeskaskek Eniapom Neten malha teien allapekama apvalho'ok, malha nhan melvetai'a lhma la apaqto'ok, malha mellengai'a lhma nhan apaiko'ok, akvakmo nenvanlha nak», lhna aptemak.

Efesios 4:18

Malha alpaiseiam na alketamekama apvalho'ok ma'a, taiepek na Eniapom Neten aniem'o meliangveiakmo, aniem'o nhan aliennaktema apvalho'ok.

2 Pedro 2:17

Ka enenlhet'avok anak meliamolhma malha iamelket la metka iemmen, malha nhan iephopai'a la aksekha alhkaiam akmak'akha la nkoi'asekha, apketlhenammakpo nhan eniakhengvomok hata akieto ienaqtesakha lhma mankotnengvaianlha nnelha.

2 Pedro 2:4

Mang nak nanek enmekhok takha Eniapom Neten ángeles apkellanekamok ngkollatsekama, apkelhakhangveiakmo m'a akieto nkospanei'akha talha, apnaktangveiakmo nhan lhema av'alhok ienaqtesakha lhma, koka m'a apkelel·halhanmek nkovak aknem aliekpelkammalhkelha ta nentaiangkolha.

Judas 1:13

Apkellanengke mota nhan qaselha henmankaskama, malha kto nak akiaqmopai'a nak alakhaiam iemmen alvata akiennaktema nkek atsenta nak qaselha apavok alhammalhka la'a. Malha nha aptangko nak apiav'a la apkeliaqmongkasekha mo'ok amai apanko'ok apkenmeiekhelha la'a. Ngkolhek hata nhan altaknongvakho, ngkolhek na allapaso akiav'akha nkek ienaqtesakha lhma mangkotnengvaiam annelha.

Judas 1:6

Apkakhaiangkek nak nanek na ángeles meleliehekho Eniapom Neten, melietemo lhnak nanek apkellanemmakpelha etnangkok ma'a, apkelieniekho lhnak nanek na apkellomakha. Ka ngkanek Eniapom Neten apkelhakhamo lhnak nanek aiseksek ienaqtesakha lhma apnaktamo. Apkakhangkek mokhom ma'a nenvanlha nak akvaiakmo ta nhan aknem akientalhnengvaiam aliekpelkammalhkelha nhan nentaiangkolha.