Romanos 1:8 - Nuevo Testamento Toba Maskoy

⁸ Gracias ko stak Eniapom Neten aniem'o Jesucristo ngkanek apketlhenammakpe lhma nkek ham meliaskeiakmo ketlhengkap Jesucristo.

Romanos 1:8 ပူးပေါင်းရင်းမြစ်များ

Lucas 2:1

Aptemo lhnak apveske Roma apvesai'a Augusto Cesar ma'a, apkeltemo lhnak ellaneskasangkok censo alhma nkek ham.

Hechos 11:28

Agabo lhnak apvesai'a lhema, apmaikama Espíritu kakpota elhenek lhema ania'a nkovak hata aknem aktema metka aptekamok lhmankek ham. Hai', ngvai'a lhta have niapak ma'a aptemo lhta apiav'akha apveske Roma apvesai'a Claudio.

Hechos 28:22

Nengeleltavek angeliohok aklheianma apvalhok lheiap aptaiangkolha m'a secta nak ngkanek lhamakho aiempek apketlhenammap ma'a —lhta aptangkok ma'a.

Romanos 10:18

¿Ma nlho ellengai'a niekhe ania'a, he? Mma', apkellengai'a niekhe have niapak ankek aplhamakho apankavek ania'a, ka aktemo nak aktalhesammalhka Vakkahak Eniapom Neten apaivoma hengke'e: «Ka apkelpaqmetekama nak apkelleltennasemmap ania'a ntepkek lhamakho eiempek, kanhan aktakha nnelha nkek lhepop ngvakmek ania'a m'a»

Romanos 16:19

Koka aplhamakho enenlhet apkelvet'ak ketlhengkap apkellelto apkelleliehekho apveske engankok, avanhek ankek apkelpaiesekha evalhok. ¡Etnamok hata mota nema apkeliamo elieplavkesek qaselha altaqmelo nak, meltamok koka m'a nema apkeliamo elieplavkesek qaselha ngkolatsekama nak!

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

1 Corintios 1:4

Astek ko mota gracias Eniapom Neten ngkanek apkellaiangke lhta ketlhengkap qaselha altaqmelo ma'a aniem'o Cristo Jesús.

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

Efesios 1:15

Askeliavek ko'o ketlhengkap meliaskeiam apveske engankok Jesús, apkellasekhai'o nhan aplhamakho apkellelto apkelpokkenammap,

Efesios 1:16

ka nkeniemai'ak astemo gracias Eniapom Neten neksa askelelmalhneskeskama mota ketlhengkap ham.

Efesios 3:21

Hai, lhamakho iglesia apkellelto apkelpasmekha Cristo Jesús, ntasek etlhene mota akiavai'a nkek apvesai'a Eniapom Neten metka akvaiam annelha aliekaikamok iantelhkapa. Amen.

Efesios 5:20

Etnamok hata mota gracias Eniapom Neten apto Eniapom aniem'o nhan apvesai'a Apveske engankok Jesucristo, aniem'o nhan ma'a apkelvetaskeskama lhamakho qaselha altaqmelo.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Filipenses 1:3

Gracias ko'o astahak Eniapom Neten neksa aklheianma mota evalhok ketlhengkap,

Colosenses 1:3

Neksa nelelmalhneskeskama mota Eniapom Neten apto nhan apiapom apveske engankok Jesucristo nentangkek na gracias

1 Tesalonicenses 1:2

Neksa nelelmalhnongkoma mota nketlheianvakhe mota engelvalho'ok ketlhengkap ham, gracias na nentangkok Eniapom Neten aniem'o ketlhengkap.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

2 Tesalonicenses 1:3

Ketlhengkap Elialheng'a, nietavek antangko mota gracias Eniapom Neten ngkanek ngvaneniek meliaskeiam anak ketlhengkap lhamakho aknem, ngvaneniek na apkellasekhammakpo apieseksek anak ketlhengkap ham.

2 Timoteo 1:3

Astek ko mota gracias Eniapom Neten neksa askenmalhnongkoma aknem ankek, pelhasep nahan aklhenaikama mota nhan evalhok lheiap, askasennama nhan Eniapom Neten akieplomo alhnai'o akietnaikama ehaqtek, ka aptaiangkolha lhnak nanek na askelieihengka' m'a.

Filemon 1:4

Lhamakho aknem amota nhan neksa askenmalhnongkoma la'a nlhenke mota evalhok lheiap, astek na gracias Eniapom Neten

Hebreos 13:15

Eliavenkaso ta mota apvesai'a Eniapom Neten aniem'o nhan Jesucristo, malha ntak ma'a akmatnama nak nentoskama nengaikamok la m'a kakpota nkolekkasama apvalhok ma'a. ¡Hai, eliavenkaso ta mota nhan Eniapom Neten akieplomo apkelpaqmetekama!

1 Pedro 2:5

Ketlhengkap na malha apkellelto metaimong aliennaktema kakpota enmama Eniapom Neten elanak na lhema pa'at akiavai'a nemakha' la alletsevaskesaiangkolha apvesai'a m'a aniem'o nhan apvalho'ok ma'a. Ketlhengkap na apkellelto sacerdotes apkelpokkenammap kakpota ellangkok malha qaselha nengaikamok anak aniem'o apvalho'ok anak, akleklemelha la apvalhok Eniapom Neten, apvanka'ak etnangkok ketlhengkap ma'a aniem'o m'a Jesucristo.

1 Pedro 4:11

Akietno la nenmopvana nak angeliatama, ntasek etnek ma'a aktemakha apiangveiakmo aniem'o Eniapom Neten apaivoma. Akietno la nhan nenmopvana nak hengasennama emmo'ok, etne ta nhan ma'a, emama ta apiennaktema apkaikamok aniem'o Eniapom Neten, netamen hata m'a eliavenkaskesama ta nhan apvesai'a Eniapom Neten akieplomo apvesai'a Jesucristo apto aknema apmopvana, nietavek na etlhenek apiephongveiakmo metka akvaiam annelha aliekaikamok iantelhkapa. Amen.