Romanos 1:7 - Nuevo Testamento Toba Maskoy

⁷ Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

Romanos 1:7 ပူးပေါင်းရင်းမြစ်များ

Juan 20:17

koka Jesús lhna lhta aptemak apkanemo: —Mma', manghemangva', movakhak mokhom ko'o apnakha Tata. Koniakha koka koleltennaskakha askeltamesaikamok alhta, aniakhak hata apnakha Tata, ka Apiapma'ak na m'a, Eniapom Neten ehenkok, Eniapom Neten apanko'ok na m'a —lhna lhta aptemak.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 9:13

Ka apkatemmoiangka lhnak Ananias, lhna aptemak: —Apveske, aslengai'ak ko'o apvesai'a enenlhet anak ma'a, avanhek apnaqtevaskama apkellelto lheiap apkelpokkanma akieto m'a Jerusalen.

Romanos 5:1

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Romanos 8:39

Mamma akmovana aniem'o neten anak kakpota nhan konne ankek nalhepop anak, mamma qaselha apkelentepkeskama lhta Eniapom Neten, mankollavankek na hengelienievkesek hengamelaiam Eniapom Neten aniem'o Apveske engankok Cristo Jesús.

Romanos 9:25

Ka aktemo nak na aktalhesammalhka' vakkahak Oseas: «Apkellelto mankotno askennemolhema, atnek hata askennemolhema, apkellelto metka allamelaiam, allamelemmak hata ko'o m'a» ntemak ma'a.

1 Corintios 1:24

Koka nengelelto nak hengellavekama Eniapom Neten, judios kanhan griegos, neliavek aktaqmanma nke nak apeneskamo lhta apmak'akha etnek Eniapom Neten, apkapaskama Cristo kakpota enietsepok neten iamet aktenneskama, ntemenke lhta m'a aniem'o apmopvana m'a.

1 Corintios 16:23

Askeltavek ko'o Apveske engankok eltaqmelkeskesek apkellaniemhaikama ketlhengkap ham.

Galatas 6:18

Ketlhengkap elialheng'a, askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham. Amen.

Efesios 1:2

Askeltave ko'o Eniapom Neten kakpota nhan Apveske Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Efesios 6:23

Hai, ntase', avanhek askeltemo Eniapom Neten kakpota nhan Jesucristo evaivesentak altaqmelaikama envalhok anak, nengasekhai'o kakpota nhan moniaskeiam takhaplhet'ok engelialheng'a ham.

Filipenses 1:2

Nengeleltavek Eniapom Neten kakpota nhan Apveske Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

Filipenses 4:20

Angeltemeskesangkok hata mota gloria apto Eniapom Neten metka akvaiam annelha aliekaikamok iantelhkapa. Amen.

Filipenses 4:23

Hai', ntase. Askenmalhneskaske mota Apveske Jesucristo kakpota eltaqmelkeskesek apkellaniemhaikama ketlhengkap ham.

Colosenses 1:2

Nengeleltavek angellapaskesek atlheianma engelvalho'ok aplhamakho apkelpokkenammap meliaskeiam anak Cristo akieto ham Colosas, apkelleliehekho mota nhan Eniapom Neten. Nengeleltavek na Eniapom Neten kanhan Apveske Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Colosenses 3:12

Apkellamelaiam Eniapom Neten ketlhengkap kakpota nhan apkeliekieskangkek kakpota etneskesangkok na apkelpokkanma, ka ngkanek na ntasek elietnaho mota napaqta'a po'ok, etnangkok na apkeliamolhma, anmomhapak'a apvalho'ok, metka apkelloma, metka apkelpekheskama nhan.

Colosenses 3:15

Eniapom Neten apkeliekieskama ketlhengkap kakpota nkotnangkokhak malha lhema apiokha, nkolhnangkok na altaqmelaikama apvalho'ok, etnamo ta mota nhan gracias ma'a.

1 Tesalonicenses 1:1

Ennengko'o Pablo, Silvano, kakpota nhan Timoteo, nketlhenkek engelvalho'ok iglesia akieto nak ham Tesalonica, apkellelto apkelpasmekha Eniapom Neten apto eniapma'ak kakpota nhan Apveske Jesucristo. Nengeleltavek eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.

1 Tesalonicenses 1:4

Ketlhengkap elialheng'a, apkellamelaiam Eniapom Neten, neliavek ennengko'o apto nhan apkeliekieskama m'a.

1 Tesalonicenses 4:7

Hengellavema ennengko'o Eniapom Neten kakpota angellanak qaselha altaqmelo, have qaselha alpaiseiam anak.

1 Tesalonicenses 5:28

Askeltavek na Apveske engankok Jesucristo eltaqmelkeskesek apkellaniemhaikama ketlhengkap ham.

2 Tesalonicenses 1:2

Nengeltavek na Eniapom Neten kanhan Apveske engankok Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

2 Tesalonicenses 3:16

Hai, askeltavek Apveske apto aktaqmelaikama engvalhok aniapom ellangkok metka altaikama apvalho'ok neska akvai'a lhamakho aktemakha akientalhnema, etnangkok hata mota apketlhelhma'ak ma'a.

2 Tesalonicenses 3:18

Askeltavek na Apveske engankok Jesucristo eltaqmelkeskesek apkellaniemhaikama aplhamakho ketlhengkap ham.

1 Timoteo 1:2

Nlhenkek ko evalhok lheiap Timoteo apto astemo lhemek moi'askeiam anak, apto nhan malha eietka. Askeltavek na Eniapom Neten kanhan Cristo Jesús Apveske engankok etaqmelkeskesek apkaniemhaikama lheiap, eietnok na napa'at, eniankok na aktaqmelaikama apvalhok lheiap ham.

1 Timoteo 6:2

Moklhem'a koka apkakhangkek apkelveskai'e apanko'ok apkellelto Jesucristo apkennemolhema m'a, motlhenankek na apvalho'ok apkenmakmesangka la'a ntasek meteniankek apiempeiok ngkanek malha apkelialheng'a apankavek. ¡Ma'! Ntasek eteniangkok apiempeiok neksa apkenmakmesaikama m'a aniem'o aknemo mo'ok meliaskeiam ketlhengkap ma'a, malha apkelto nak apkelialheng'a apankavek apkellamelammakpo la'a. Askeltavek ko'o etnek lheiap apketlhekmoso ta hengke'e,

2 Timoteo 1:2

astalheskaskek ko'o vakkahak anak lheiap Timoteo apto malha eietka askamelaiam. Askeltavek ko'o Eniapom Neten kanhan Cristo Jesús Apveske engankok etaqmelkeskesek apkaniemhaikama lheiap, eietnahok na napa'at, eniankok na aktaqmelaikama apvalhok lheiap.

2 Timoteo 4:22

Askeltave ko'o Apveske Jesucristo etnek aplhelhma mota lheiap, kanhan Eniapom Neten eltaqmelkeskesek apkellaniemhaikama aplhamakho apketlhelhma'ak lheiap ham.

Tito 1:4

Asmak'ak angvapaskesek vakkahak anak astalheskama lheiap Tito, apto nhan malha eietka aniem'o nhan aknemo mo'ok mongeliaskeiam. Askeltavek Eniapom Neten kanhan Jesucristo apto hengelvonkeskama tep etaqmelkeskesek apkaniemhaikama, eniankok na aktaqmelaikama apvalhok lheiap.

Filemon 1:25

Askeltavek na Apveske engankok Jesucristo eltaqmelkeskesek apkellaniemhaikama ketlhengkap ham.

Filemon 1:3

Askeltavek Eniapom Neten ka nhan Apveske Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Pedro 1:15

Apkellavekama lhta Eniapom Neten ketlhengkap kakpota etnangkok apkeliamolhma apankek, ellanangkok qaselha altaqmelo, ka aptemo nak ma'a apiamolhma apankek ma'a.

1 Juan 3:1

Avanhek ankek hengamelaiam Eniapom, ka nkeniemai'ak hengeltemeskeskama nelvesai'a Eniapom Neten apketkak ma'a. Manghengeliekpelkak ma'a apkellelto nak apkellanekamok ngkollatsekama ngkanek meliekpelkak na Eniapom Neten.

2 Juan 1:3

Askeltavek ko'o Eniapom Neten kanhan Apketka Jesucristo eltaqmelkeskesek apkellangiemhaikama ketlhengkap ham, elietnahok na napaqta'a, ellangkok na altaqmelaikama apvalho'ok alleniem'o m'a aktonak haveniapak ankek kanhan nengasekhai'o.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a:

Apocalipsis 2:12

—Etalhes no mokhom lheiap ania'a kakpota eniapaskesek ángel apno m'a iglesia akieto Pergamo, ka ntak ania'a hengke'e: Apto nak akietnema pelettav hanet ahanto'ok nema anmalhnongkoma, ka aptak na m'a:

Apocalipsis 2:18

—Etalhes no mokhom lheiap ania'a nak kakpota eniapaskesek ángel apno m'a iglesia akieto Tiatira, ka ntak ania'a hengke'e: Apto Eniapom Neten apketka, akietno malha talha alapommatema apaqto'ok, kanhan apmanko'ok alapommatema nkoie' malha kto nak tavapak bronce kolhva nema alalhnasekha nak, ka aptak na m'a:

Apocalipsis 2:29

—¡Eltaqmelkaso no apkellailhemo apaiko'ok anak aktakha aplheianma Espíritu aklhamakho nke nak iglesias!

Apocalipsis 2:8

—Etalhes no mokhom lheiap ania'a kakpota eniapaskesek ángel apno m'a iglesia akieto Esmirna, ka ntak ania'a hengke'e: Apto nak ma'a apmanie nkek kanhan alhaie nkoie, apto lhta apketsepma, netamen koka m'a aplhatekhangvakmek ma'a, ka aptak na m'a:

Apocalipsis 22:21

Hai', ka m'a, askeltavek ko'o Apveske Jesús eltaqmelkeskesek apkellaniemhaikama aplhamakho ketlhengkap ham.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 3:22

—¡Eltaqmelkaso no apkellailhemo apaiko'ok anak aktakha aplheianma Espíritu aplhamakho apanke nak iglesias!

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a: