Romanos 1:3 - Nuevo Testamento Toba Maskoy

^3-4 Ka ania'a aktaqmanma nak aplhenammap ma'a apketka Jesucristo, apto nhan Apveske enganko'ok, aptaiekho lhnak enenlhet apankek ma'a, apto nhan aptaven neptamen apveske David annenga. Apketsepke lhta m'a Jesucristo, netamen aplhatekhaskeiakmo aniem'o apmopvana Espíritu Santo. Apkelpeivesekho lhta nhan ma'a enenlhet'avok apto have niapak anke Eniapom neten apketka m'a.

Romanos 1:3 ပူးပေါင်းရင်းမြစ်များ

Lucas 1:35

Koka lhna aptemak mokhom ángel: —Evaiventak hata takhalhet Espíritu Santo lheia', nkapvetak hata nhan apmopvana Apto m'a apnema netne kanke nak. Ka ngkanek nematka nak apiamolhma ta kakpota nhan ngkolhek altangko Eniapom Neten apketka.

Lucas 1:69

Apkapaskangkek na hengvongkeskama tep aknema apmopvana apanke. Apveske David aptaven neptamen, apto lhnak nanek na apkasennaikama Eniapom Neten ma'a.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Juan 1:34

Koka asvet'o lhta ko'o m'a, alheno nhan apto Eniapom Neten Apketka m'a —lhta aptak Juan ma'a.

Juan 1:49

Niemaskangkek nak apvalho'ok Natanael aplengai'o m'a, lhnak aptemak apkanemo: —¡Hengetlhekmoskama, lheiap apto Eniapom Neten Apketka, apto nhan apiav'akha apveske Israel! —lhna aptemak.

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.

Juan 20:28

Lhta aptak Tomas: —¡Apveske ehenkok anak lheiap, Eniapom Neten ehenkok nahan! —lhta aptak.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Juan 7:42

Nietnek aktalhesammalhka Vakkahak Eniapom Neten apaivoma Cristo apto David aptaven neptamen, etiemok hata natemma Belen, apkavakha David annenga —lhta aptak ma'a.

Hechos 2:30

Apkeltennasemmap ania'a lhnak na nek David ma'a, Eniapom Neten apkeltennaskangkek nak na nek lhema apaivoma juramento etnekhak hata apiav'akha apveske aptaven neptamen.

Hechos 3:13

Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

Hechos 8:36

Apketlhengangkek nak mokhom, apkelvetangvekho lhnak akietnemakha iemmen, lhna aptemak apkanemo enenlhet nema alhakkeskama appopok Felipe: —Ka iemmen hengke'e, ¿ntase nlho helavkesek konne iemmen, he? —lhna aptemak.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.

Romanos 4:1

Kotlhen no apvalho'ok aptemakha lhnak na nek nelieiehengka Abraham.

Romanos 9:3

aktemakha askelvetai'a aspaivomo lhema judios. Evankek niekhe annangkok akientalhnema aknemo m'a apkellengaiangko apkelhakhangveiam la Cristo, ntasek na niekhe annangkoho akientalhnema nak ma'a kakpota alpasmok elialheng'a judios.

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

1 Corintios 1:9

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

1 Corintios 10:18

Nnavek na m'a israelitas, malha lhema aptaikokha ma'a neksa aptekamok apetek apnaqtoskama apkennapekamok kakpota elvanlhangkok akieto m'a alvanlhemmalhkelha qaselha.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

1 Tesalonicenses 1:10

apkelel·halhneiangka lhna lhta nhan Apketka Jesús apto lhta nhan aplhatekhangveiam apieseksek apkenmaskengvaiakmo enielhiemok ma'a neten evatamok mokhom hengke'e kakpota hengelvongkesek tep ennengko'o neksa akvai'a ta apiaqmongkasekha apkeltemakha ngkollatsekama enenlhet'avok halhmankek ham.

1 Timoteo 2:5

Vanlha lhema aphapak Eniapom Neten, vanlha nhan lhema aphapak hengeliepetkaskekha Eniapom Neten, apvesai'a m'a Jesucristo aptaiekho lhta nhan enenlhet apankek ma'a,

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

2 Timoteo 2:8

Koietnama ta apaqtek lheiap aktemakha lhta apkaniemhaikama Jesucristo, apto aptaven neptamen David, aplhatekhangveiakmo lhta nhan apieseksek apkenmaskengvaiakmo m'a, ka ania'a aktaqmanma nak alheianmo na mota ko'o,

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Juan 3:23

Ka hengke'e apkanemakha nak antangkok Eniapom Neten: Mangeliaskamek apvesai'a Apketka Jesucristo, kakpota nhan angellasekhalhkok na nenieseksa nak ennengko'o ngkanek apkanemakha antangkok ma'a.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

1 Juan 4:15

Apto la enenlhet aplheianma napaqtavek enenlhet'avok Jesús apto Eniapom Neten apketka, apasmekha nhan Eniapom Neten ma'a, Eniapom Neten na apasmekha m'a enenlhet anak.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

1 Juan 5:5

Apto la nhan mei'askeiam Jesús apto Eniapom Neten apketka, aptemeskasantek na koneng ngkollatsekama nak.

2 Juan 1:7

Ka ngkanek ko'o asto lhkek askellano, mantek hengeliennengkeskama niapma'ak apkenmaikamok lhmankek ham, mankonmak'ak na etlhenek apvai'o Jesucristo hengke'e, aptaiekho nhan enenlhet apanke'. ¡Hengeliennengkeskama niapma'ak ma'a, apkellammelhma nhan Cristo!

Apocalipsis 2:18

—Etalhes no mokhom lheiap ania'a nak kakpota eniapaskesek ángel apno m'a iglesia akieto Tiatira, ka ntak ania'a hengke'e: Apto Eniapom Neten apketka, akietno malha talha alapommatema apaqto'ok, kanhan apmanko'ok alapommatema nkoie' malha kto nak tavapak bronce kolhva nema alalhnasekha nak, ka aptak na m'a: