Romanos 1:17 - Nuevo Testamento Toba Maskoy

¹⁷ Ania'a aktaqmanma nak hengeleltennaskek vanlha Eniapom Neten apvankek henteskesangkok nelpeivomo aniem'o mongeliaskeiam Jesucristo, ka ktemo nak aktalhesammalhka nhan Vakkahak Eniapom Neten apaivoma hengke'e: «Enenlhet apto la apeivomo, eloka ta akvanqakhoho» ka ntemak ma'a.

Romanos 1:17 ပူးပေါင်းရင်းမြစ်များ

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Romanos 10:3

Apteniangke mota aptaikamok apkelpeivomo apanko'ok apankavek, mankonmahai'ak eliekpelkok apto vanlha Eniapom Neten apkeltemeskeskama apkelpeivomo. Lhennenga aktemakha aklhenaikama apvalhok etnehek ma'a, koka mankonmahai'ak enmankok takha ko israelitas.

Romanos 3:21

Koka kolhvave nak hengelvetaskaskek Eniapom Neten antangkok nengelpeivomo have m'a aniem'o ley anak, lhnak nanek na ntemak aklheianma m'a Vakkahak ley Moises kakpota nhan vakkahak apanko'ok apkeleltennasemmap ania'a.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Romanos 3:3

Koka moklhem'a judios meleliehekhok ma'a, nkaqhok koka Eniapom Neten apieplavkeskangkek aptemakha lhta apaivoma aplheianma,

Romanos 9:30

¿Ko la antemeskesek nenlheianma, he? Apkellelto nak metnangko nak judios meteniaiangkok etnangkok apkelpeivomo, nkaqhok koka Eniapom Neten apkeltemeskeskangke lhta apanke apkelpeivomo aniem'o meliaskeiam ma'a.

2 Corintios 3:9

Aktaqmanma aknem nak apketlhevaiangko lhnak nanek lhennenga annemo mo'ok apvalho'ok ma'a altema nak ammatong, koka akto nhan neten ankek aktaqmanma aplheianmo Eniapom Neten hengeltemeskesek hata nengelpeivomo.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Galatas 3:11

Ka akto nak ma'a, mankavankek ley nkotneskesek apeivomo lhema la enenlhet, ka ntemak na vakkahak Eniapom Neten apaivoma: «Enenlhet apeivomo ngkoitek hata akiennaktema apneniek aniem'o mei'askeiam».

Filipenses 3:9

aspasmekho nhan ma'a. Asieniekhek astema moi'askeiam askanemo lhta aspeivomo aniem'o lhta askeliehekho ley Moises, kolhva koka asiavek asto aspeivomo aniem'o moi'askeiam Cristo. Hai, hetneskaskek aspeivomo Eniapom Neten aniem'o m'a mongiaskeiam anak.

Hebreos 10:38

Enenlhet apto la apeivomo eloka ta mota aniem'o mei'askeiam, mankolkek hato ka m'a evalhok aptaqho la neptamen», ntemak ma'a.