Romanos 1:16 - Nuevo Testamento Toba Maskoy

¹⁶ Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Romanos 1:16 ပူးပေါင်းရင်းမြစ်များ

Marcos 8:38

¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.

Lucas 9:26

Koka allennavengko la etlhenek asvesai'a kanhan asketlhekmoskama nak, nkonnevhok hata nhan ma'a Enenlhet Apketka nak etlhenek apkelvesai'a ketlhengkap apvaktamo ta akieplomo lhamakho aktemakha apmopvana aniem'o Apiapom, apketlhelhma'ak hata nhan ángeles apkelpokkenammap.

Juan 7:35

Ka apkelelmalhnekpo lhta mok apankavek apkelemhama apmaniaie judios ma'a, lhta aptangkok: —Se lha aplheno nak ai'e, ko la apmak'akha emhangkok kakpota mongelvetekhe. Kelha apme eniakhak ma'a elpalhakvakha judios apkellelto nak apkakhengveiam ma'a apieseksek anak griegos, kakpota nhan etlhekmoskamok griegos ma'a —lhta aptangkok ma'a.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

Romanos 10:17

Amanie sekhek ellailhok ania'a aktaqmanma, netamen ma'a nkovak meliaskeiam Eniapom Neten apaivoma.

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.

Romanos 15:29

Angelpasmekhak hata lhemek lhamakho qaselha aktaqmanma hengellaikamok alhta Cristo, have niapak ankek ma'a.

Romanos 2:9

Nkovak hato ka akientalhnema takhaplhet'ok enenlhet'avok anak ma'a, ellengangkok hato ka m'a akientalhnema, apmaniaie' judios netamen metnangko nak judios.

1 Corintios 15:2

Nkolhek hata nhan alvongkaso tep melvatesanko la aptaikamok meliaskeiam ania'a aktaqmanma nak askeleltennaskamo nak, koka apkelvatesangko la m'a, akhemo ta ngkotnek meliaskeiam alhta.

1 Corintios 2:2

Vanlha lhta mota askeleltennaskamo akietemo nkek aklheianma evalhok ania'a aplhenammap Jesucristo apketsepma neten iamet aktenneskama.

1 Corintios 2:4

Astenia lhtoka nkoliakvomok apankavek aniem'o Espíritu apmopvana, have aniem'o asiangveiakmo ehenkok ehenke nak.

1 Corintios 9:12

Po'ok enenlhet apketlhevangkek na kolhvave nak akianmoma aniem'o apkelpasmoma ketlhengkap, tep ankek ennengko'o hengelietemo nhan angetlhevangkok akianmoma nenmakmekama apieseksek anak ketlhengkap, mang koka nkomak'ak angenmangkok takha m'a kakpota melpaqmetek hengellanho' ennengko'o, malha hennaqtevaskesekha ta nhan etnangkok ania'a aktaqmanma nellengaskama.

1 Corintios 9:18

Koka nema akpaiesekha na mota evalhok ka malha akianmoma asmakmekama, nietave niekhe anmok akianmoma asmakmekama, koka momak'ak ko'o anmok takha m'a.

2 Corintios 2:12

Smak'ak aleltennasama ketlhengkap asmeiakho lhta akieto natemma Troade kakpota altennama ania'a aktaqmanma aplhenammap Cristo apto Apveske, apkelpenesave lhtoka apkenmahai'a ellailhok askeltennaikama m'a.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

2 Corintios 9:13

Hata apkelvet'o ta m'a apkelpasmoma ketlhengkap ma'a, nkotlhenek hata nhan apvalho'ok ma'a ketlhengkap apkellelto apkelleliehekho ania'a aktaqmanma aniem'o Cristo apkellanemakha etnangkok. Netamen hata m'a eltakneskasangkok, ellahok nahan Eniapom Neten apvesai'a aniem'o metka apkenmeiavkesammakpo mota qaselha apanko'ok ketlhengkap apkellaikamok aplhamakho engelialheng'a m'a.

Galatas 1:7

Vanlha koka niekhe lhema ania'a aktaqmanma akto haveniapak anke, koka moklhem'a enenlhet apkeleltavek eliasangkolhma ketlhengkap, eliaqmongkaskesekhak na mo'ok aktemakha ania'a, have ania'a aniem'o m'a Cristo.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

1 Timoteo 1:11

aktaqmanma nke nak ania'a apkeltemo nak na Eniapom Neten apaiaksek ko'o, apto nhan akietemo aniavenkaskesama mota apvesai'a m'a.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

2 Timoteo 1:16

Askeltavek koka Apveske elietnok napaqta'ak apkennemolhema Onesiforo ngkanek lhamakho lhta mota hepasmoma m'a, ka asiennaiekho lhta nhan m'a neksa askaklhengkasemmalhka, ma lhta nhan emangkaktemak helanei'o ko'o m'a.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

Hebreos 4:12

Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

1 Pedro 4:16

Koka menmangkankek ketlhengkap neksa nema akmenlhenaikama aniem'o atlhenkasekama aptaikamok Jesucristo apkennemolhema, eltakneskasamok hato ka Eniapom Neten ketlhengkap ma'a neksa apkelvetai'a aktonak ma'a.